ഞാന്‍ മലയാളി

മലയാളത്തനിമയുടെ മാണിക്യക്കല്ല്.......

2011-07-15T19:38:00.000+05:30

ശ്രീനിവാസന്‍റെ അളിയനായ എം.മോഹന്‍ സംവിധാനം ചെയ്ത സിനിമയാണ് മാനിക്യക്കല്ല്. എത്രയോ നാള്‍ കൂടി ഒരു നല്ല ഗ്രാമീണസിനിമ കണ്ട അനുഭൂതിയില്‍ ആണ് ഇതെഴുതുന്നത്. ഒറ്റവാക്കില്‍ പറഞ്ഞാല്‍ മലയാളികള്‍ നെഞ്ചിലേറ്റി ലാളിച്ച സത്യന്‍ അന്തിക്കാട് ശ്രീനിവാസന്‍ ടീമിന്‍റെ ലാളിത്യം നിറഞ്ഞ നാട്ടിന്‍ പുറത്തിന്റെ നന്മകള്‍ നിറഞ്ഞ ഒരു സിനിമാ യുഗം പിരക്കുന്നതിന്റെ നാന്ദി ആയി വേണമെങ്കില്‍ മാണിക്യക്കല്ലിനെ കാണാം എന്നാണു എന്‍റെ വിലയിരുത്തല്‍. ശ്രീനിവാസന്‍ രചന നിര്‍വഹിച്ച കഥ പറയുമ്പോള്‍ എന്ന മമ്മൂട്ടി ചിത്രത്തിന് ശേഷം ആണ് ഈ സിനിമാ മോഹന്‍ എടുത്തത്‌. കഥയും തിരക്കഥയും സംവിധാനവും എല്ലാം മോഹന്‍ തന്നെ നിര്‍വ്വഹിച്ച ഈ സിനിമയില്‍ ഒരു വന്‍ താരനിര തന്നെ അണിനിരക്കുന്നുണ്ട്. ബാനര്- ഗൌരി മീനാക്ഷി മൂവീസ്. നിര്‍മ്മാണം- എം.എസ്.ഗിരിലാല്‍.

പത്താം ക്ളാസ് പരീക്ഷയില്‍ എല്ലാ കുട്ടികളും തോറ്റ ഒരു സ്കൂളിന്റെ കഥയാണ്‌ ഈ ചിത്രം. അതിനായി തിരഞ്ഞെടുത്ത ലൊക്കേഷനും അതെ ഗതികേട് ഒരിക്കല്‍ ഉണ്ടായ ഒരു സ്കൂള്‍ തന്നെ എന്നത് യാദ്രിശ്ചികം അല്ല. തലശേരിയിലെ ബ്രണ്ണന്‍ സ്കൂള്‍ ആണ് അത്.

മനസ്സില്‍ തട്ടുന്ന കുറെ ഡയലോഗുകളും കാണാന്‍ സുഖം ഉള്ള രംഗങ്ങളും കൊണ്ട് ഒരു കൊച്ചു ചിത്രം വന്‍ ബഡ്ജറ്റില്‍ ഉണ്ടാക്കി എന്ന് വേണമെങ്കില്‍ പറയാം. പ്രിത്വീരാജിന്‍റെ അമ്മക്കിളിക്കൂടിലെ വേഷം അതേ പോലെ പകര്‍ത്തി ഒരു വേഷം ഇവിടെ കൊടുത്തു. എന്നാലും നന്നായി ആ വേഷം. ജയറാമിന്റെ ഗ്രാമീണ കഥാപാത്രങ്ങളോട് കിടപിടിക്കുന്ന ഒരു വേഷം ആണ് പ്രിത്വീരാജിനു കിട്ടിയത്. വിനയചന്ദ്രന്‍ എന്ന നായകന്‍ ആയി സിനിമ മുഴുവന്‍ നിറഞ്ഞു നില്‍ക്കുന്നുണ്ട് പ്രിത്വി. ഒപ്പം സംവൃതയും ഇത്തിരി കോമഡി കലര്‍ന്ന വേഷത്തില്‍ ഒത്തിരി വ്യത്യസ്തതയോടെ അഭിനയിച്ചിരിക്കുന്നു.

സത്യന്‍ അന്തിക്കാട് ചിത്രങ്ങളില്‍ ഉള്ള ചേരുവകള്‍ എല്ലാം ചേരും പടി ചേര്‍ത്ത ഈ ചിത്രത്തില്‍ ഒരു പോരായ്മയാണ് എന്‍റെ നോട്ടത്തില്‍ കണ്ടത്. അത് നമ്മുടെ ഒടുവില്‍ ഉണ്ണിക്കൃഷ്ണന്റെ അഭാവം തന്നെ. ഒടുവില്‍ കൂടി ഉണ്ടായിരുന്നെങ്കില്‍ ഈ ചിത്രം ഒന്ന് കൂടി മികച്ചു നില്‍ക്കുമായിരുന്നു എന്ന് നിസ്സംശയം പറയാം. വാട്ടുകാരനായി ജഗതി തിളങ്ങി. പക്ഷെ അവസാനം ജഗതിക്ക് മാനസ്സാന്തരം വരുന്നത് എന്ത് കൊണ്ടാണെന്ന് പറയുന്നില്ല. ഇനി പറഞ്ഞത് എഡിറ്റ്‌ ചെയ്തപ്പോള്‍ പോയതാണോ എന്നും സംശയിക്കുന്നു.

ഇന്ദ്രന്‍സ്‌, നെടുമുടി, സലിം കുമാര്‍, കോട്ടയം നസീര്‍, അനൂപ്‌ ചന്ദ്രന്‍, ജഗദീഷ്‌, ബിന്ദു പണിക്കര്‍, കെ.പി..എ.സി.ലളിത, സായികുമാര്‍, തുടങ്ങി താരങ്ങളെല്ലാം വേഷങ്ങള്‍ ഭംഗിയായി നിര്‍വ്വഹിച്ചു. കൂടുതലും പുതു മുഖങ്ങള്‍ ആണ് സ്കൂള്‍ കുട്ടികളുടെ വേഷത്തില്‍ എത്തിയത്. കൂട്ടത്തില്‍ നമുക്ക് സുപരിചിതയായ ഒരു നടിയും കൂടി ഉണ്ട്. ഏഷ്യാനെറ്റിലെ ആട്ടോഗ്രാഫ്‌ സീരിയലില്‍ വില്ലത്തി ആയി അരങ്ങു വാണ പെണ്‍കുട്ടിയും ഇതിലെ ഒരു വേഷം ചെയ്തു....ആ കുട്ടിയുടെ പേര് എനിക്ക് ഓര്‍മ്മ വരുന്നില്ല. പുതു മുഖങ്ങള്‍ ആണെന്ന് പറയാത്ത അഭിനയം ആണ് സ്കൂള്‍ കുട്ടികള്‍ എല്ലാം തന്നെ കാഴ്ച വച്ചത്.

അനില്‍ പനച്ചൂരാന്‍, രമേശ്‌ കാവില്‍ എന്നിവര്‍ ആണ് ഇതിലെ ഗാന രചന നിര്‍വഹിച്ചിരിക്കുന്നത്.സംഗീതം ജയചന്ദ്രന്‍..നാല് ഗാനങ്ങള്‍ ആണ് ചിത്രത്തില്‍..കൂട്ടത്തില്‍ നല്ലതും എനിക്ക് ഇഷ്ട്ടമായതും ചെമ്പരത്തി..എന്ന് തുടങ്ങുന്ന ഗാനം ആണ്.രവിശങ്കര്‍, ശ്രേയ ഗോപാല്‍ എന്നിവര്‍ ചേര്‍ന്ന് ആണ് ഈ ഗാനം പാടിയത്.

പശ്ചാത്തല സംഗീതവും ജയചന്ദ്രന്‍ തന്നെയാണ്. ചിത്രവുമായി ഇണങ്ങി പോകുന്ന രീതിയില്‍ ആണ് അദ്ധേഹത്തിന്റെ ഈ വര്‍ക്ക്‌.ചിത്രത്തില്‍ പല രംഗവും ഇഴയുന്നുണ്ട്. അവസാനം എങ്ങനെ അവസാനിപ്പിക്കണം എന്നുള്ള സംശയം സംവിധായകന് ഉണ്ടായെന്നു നിസ്സംശയം പറയാന്‍ കഴിയും. പല നിരൂപകരും ഈ സിനിമയെക്കുറിച്ച് പലതും പറഞ്ഞു. ഒരാള്‍ പറഞ്ഞു നായികയുടെ അച്ഛന് എന്ത് സംഭവിച്ചു എന്ന് കാണിക്കുന്നില്ല എന്ന്.നായകന്‍റെ അച്ഛന്റെ കല്ലറ നായികയുടെ വീട്ടില്‍ എങ്ങനെ വന്നു എന്നും പലരും ചോദിച്ചു.അത് അറിയാന്‍ വേണ്ടി പടം വീണ്ടും കണ്ടു.അപ്പോള്‍ മനസ്സിലായി. പലരും സിനിമ നേരെ ചൊവ്വേ കാണാതെ ആണ് നിരൂപണം ഒക്കെ എഴുതുന്നത്‌ എന്ന്.ഒരു മുന്‍വിധിയോടെ പലരും നിരൂപണം നടത്തുന്നത് ആണ്.നായികയുടെ അച്ഛന്‍ വള്ളം മറിഞ്ഞു അപകടത്തില്‍ പെട്ട് മരിച്ചു എന്ന് ചിത്രത്തില്‍ വ്യക്തമായി പറയുന്നുണ്ട്. നായികയുടെ വീട്ടിന്റെ മുന്നില്‍ അല്ല വേറെ വീട്ടില്‍ തന്നെ ആണ് നായകന്റെ അച്ഛന്റെ കല്ലറ എന്നും ശ്രദ്ധിച്ചാല്‍ മനസ്സിലാകും. എഡിറ്റിംഗ് വേഗം കൊണ്ട് ചിലപ്പോള്‍ തോന്നാം രണ്ടും ഒന്ന് ആണെന്ന്.

ഇതാണ് പറയുന്നത് സിനിമയെക്കുറിച്ച് അഭിപ്രായം പറയുന്നവര്‍ സിനിമ നടക്കുമ്പോള്‍ മൂത്രം ഒഴിക്കാനും സിഗരറ്റ്‌ വലിക്കാനും പുറത്തു പോകരുത് എന്ന്. അപ്പോള്‍ ഇങ്ങനെ ഉള്ള അബദ്ധ ധാരണകള്‍ വരാം.

എന്റെ നോട്ടത്തില്‍ മലയാളത്തില്‍ അടുത്ത കാലത്തിറങ്ങിയ പദങ്ങളില്‍ വച്ച് ഏറ്റവും നല്ല പടം ആണ് ഇത്. അതിമാനുഷ കഥാപാത്രം അല്ലാതെ പ്രിത്വീരാജിനെ ഒരു സാധാരണ വേഷത്തില്‍ ഉള്‍ക്കൊള്ളിക്കാന്‍ കഴിഞ്ഞു.പക്ഷെ ചിത്രം മുഴുവന്‍ നായകന്‍ നിറഞ്ഞു നില്‍ക്കുന്നു. വേണമെങ്കില്‍ പറയാം ഒരു ഓണ്‍മാന്‍ ഷോ എന്ന്. ഒരു പക്ഷെ അത് വിജയത്തിന് ഉതകി എന്ന് പറയാം.

സുകുമാറിന്‍റെ ചായാഗ്രഹണം അടിപൊളി ആയി. സായികുമാരിന്റെ കഥാപാത്രം അനാവശ്യം ആയിപ്പോയി. പല സിനിമയിലും വില്ലന്‍ വേഷം ഇട്ട സുരേഷ് കൃഷ്ണക്ക് ഒരു നല്ല വേഷം ഇതിലൂടെ കിട്ടി.ജഗദീഷിന്റെ വേഷം ബോര്‍ ആയിപ്പോയി. ചിത്ര സന്നിവേശം എന്ന പ്രക്രിയയില്‍ എന്തൊക്കെയോ പോരായ്മ ഉണ്ടായി എന്ന് തോന്നാം.

അവസാനം ആയി പറയാം. ഒരു നല്ല സിനിമ.ഇനിയും കണ്ടില്ലെങ്കില്‍ അത് ഒരു നഷ്ടം തന്നെ. ഒരു പക്ഷെ ഇത് പോലെ കുറെ സിനിമകള്‍ ഇനിയും ഇറങ്ങുമ്പോള്‍ നമ്മില്‍ പലരും ഇതിന്റെ സി.ഡി.യും തിരക്കി നടക്കും. പ്രിത്വിരാജിനും സംവിധായകനും ആയിരം ആശംസകള്‍.

ദി മെട്രോ... നമുക്കും സംഭവിക്കാം........

2011-07-02T01:05:00.000+05:30

ബിയോണ്‍, അരുണ്‍ എന്നിവര്‍ അഭിനയിച്ച സിനിമ എന്ന നിലയില്‍ ആണ് ദി മെട്രോ കാണാന്‍ പോയത്... അഞ്ചു യുവാക്കളുടെ കഥ പറയുന്ന ദി മെട്രോയില്‍ ബിയോണിനും അരുണിനും നല്ല വേഷം ആയിരിക്കും എന്നുള്ള വിചാരത്തില്‍ ആണ് പോയത്. വേഷം ഒക്കെ നല്ലത് തന്നെ ആയിരുന്നു. പക്ഷെ എവിടെയോ ഒരു പാളീച്ച പറ്റി സംവിധായകന് എന്ന് തോന്നും സിനിമ കണ്ടാല്‍. അഞ്ചു യുവാക്കളുടെ കഥയില്‍ തുടങ്ങിയ സിനിമ അവസാനിക്കുന്നത് ശരത് കുമാര്‍ എന്ന ഒരു അതിമാനുഷ നായകനില്‍ ആണ്. ബിബിന്‍ പ്രഭാകര്‍ ആണ് ഈ സിനിമയുടെ സംവിധായകന്‍. ഇയാളുടെ സമസ്ത കേരളം പി ഓ യും കാക്കിയും വന്‍വേ ടിക്കെറ്റ്‌ എന്നീ സിനിമകള്‍ എട്ടു നിലയില്‍ പൊട്ടിയ സിനിമകള്‍ ആയിട്ടും നിര്‍മാതാവായ ദിലീപ്‌ ഈ സംവിധായകന് തന്നെ പടം കൊടുത്തത് ഉറ്റ കൂട്ടുകാരന്‍ വ്യാസന്‍ ഇടവനക്കാടിനു വേണ്ടി ആയിരുന്നു. വ്യാസന്‍ ആണ് ഇതിന്റെ കഥയും തിരക്കഥയും.

അടിപൊളി ഒരു സിനിമ ഒരുക്കിയ സംവിധായകന് തിരക്കഥയുടെ പ്രശ്നം കൊണ്ടാണ് പടം ഓടിക്കാന്‍ കഴിയാതിരുന്നത് എന്ന് വേണം പറയാന്‍.ആ കാര്യത്തില്‍ ദിലീപിന്‍റെ കൂട്ടുകാരന് പറ്റിയ അബദ്ധം ആയിരിക്കാന്‍ വഴിയില്ല. കാരണം തിരക്കഥയിലും സംവിധാനത്തിലും ഒക്കെ വളരെ മികച്ച ഒരു സിനിമ ആണ് ദി മെട്രോ.
നല്ല ഒരു ത്രില്ലര്‍ കണ്ടിരിക്കാവുന്ന രീതിയില്‍ പടം എടുത്തു. മലര്‍വാടിയുടെ രീതിയില്‍ എടുത്ത ഒരു സിനിമ വഴിയില്‍ എപ്പോഴോ ഗതി മാറിപ്പോയി എന്ന് വളരെ സ്പഷ്ടമായി പറയാം. ഗള്‍ഫില്‍ നിന്നും നാട്ടില്‍ വരുന്ന കൂട്ടുകാരനുമായി അടിച്ചു പൊളിച്ചു കറങ്ങുന്ന നാല് കൂട്ടുകാരുടെ കഥ യാണ് ഇവര്‍ എടുക്കാന്‍ ഉദ്ദേശിച്ചത്. ഈ അഞ്ചു പേരും കൂടി ഒരു ദിവസം കൊച്ചി എന്ന സിറ്റിയില്‍ അകപ്പെടുന്നതും അവിചാരിതമായി ചില സംഭവങ്ങളില്‍ ഭാഗമാകുന്നതും അത് അവരുടെ ജീവിതത്തെ തന്നെ മാറ്റി മരിക്കുന്നതും ആയ ഒരു കഥ ആയിരുന്നു ഇത്. പക്ഷെ ഇതിനിടെ ശരത് കുമാര്‍ എന്ന തമിഴ്‌ നടനെ ഉള്‍ക്കൊള്ളിക്കേണ്ടി വന്നതാണ് സിനിമയുടെ ഒരു പോരായ്മ.
അറിഞ്ഞോ അറിയാതെയോ പരുത്തിക്കാടന്‍ ഷാജി എന്ന ഗുണ്ടയുടെ പകയ്ക്കു ഇരയാകേണ്ടി വരുന്ന അഞ്ചു ചെറുപ്പക്കാരുടെ കഥയാണ്‌ ഇതിവൃത്തം ..പക്ഷെ പകുതി കഴിഞ്ഞപ്പോള്‍ ജേക്കബ്‌ അലക്സാണ്ടര്‍ എന്ന പോലീസ്‌ ഓഫീസറും പരുത്തിക്കാടന്‍ ഷാജിയും ആയി പോരാട്ടം.പരുത്തിക്കാടന്‍ ഷാജി ആയി സുരേഷ് കൃഷ്ണ ആണ് രംഗത്ത്. സ്ഥിരം ഒരു വില്ലന്‍ വേഷം.പരുത്തിക്കാടന്‍ ഷാജിയുടെ അനിയന്‍ ഫ്രെഡി ആയി രംഗത്ത് വരുന്നത് നിഷാന്ത്‌ സാഗര്‍.
ശരത്കുമാറിന്റെ സി ഐ മോശം ആയില്ല.
ബിയോണിന്റെ യും അരുനിന്റെയും ഒക്കെ വേഷം വളരെ ചെറുതാക്കി. ഭാവനയെ ഒരു അതിഥി താരമായി എടുത്തത്‌ പോലെ ആയി. മലര്‍വാടി നിര്‍മിച്ച ദിലീപിന് ആ രീതിയിലുള്ള ഒരു പടം ആക്കാമായിരുന്നു ഇതും.
ഷാന്‍ റഹ്മാന്റെ സംഗീതം മോശമല്ലാത്തത് ആയിരുന്നു.മഹേഷ്‌ നാരായണിന്റെ എഡിറ്റിംഗ് വളരെ യോജിച്ചത് ആയിരുന്നു സിനിമക്ക്.ശ്രീറാമിന്റെ ചായാഗ്രഹണം വളരെ മികച്ചതും പല സമയത്തും കണ്ണിനു കുളിര് പകരുന്നതുമായ ഒരു അനുഭവം ആയിരുന്നു.

അഭിനയത്തില്‍ ഏറ്റവും മികച്ചു നിന്നത് ജഗതി ആയിരുന്നു. സുരാജിനെ സ്ഥിരം വേഷത്തില്‍ നിന്നും അല്പം മാറിയ ഒരു വേഷം കൊടുക്കാന്‍ സംവിധായകന്‍ ശ്രദ്ധിച്ചു.
ഹരികൃഷ്ണന്‍ ആയി നിവിന്‍ പൌളിയും ഉസ്മാന്‍ ആയി ഭഗത് മാനുവലും വേഷം ഭംഗി ആക്കി. അരുണും ബിയോണ് ജെമിനിയും കിട്ടിയ വേഷം വളരെ ഭംഗി ആക്കി.
സിനിമയുടെ തുടക്കത്തില്‍ കൊച്ചിയിലെ രണ്ടു പ്രമുഖ കോണ്ഗ്രസ് നേതാക്കളുടെ കഥയാണ്‌ പറയുന്നത്. കൊണ്ഗ്രെസ്സിന്റെ നേതാക്കളായ കെ.വി.തോമസും ഹൈബി ഈഡനും ആയി തോന്നുന്നത് വളരെ യാദ്രിചികം അല്ല തന്നെ. ഈ ഒരു ത്രെഡില്‍ പിടിചിരുന്നുവേന്കിലും ഒരു വെടിക്കുള്ള സ്കോപ് ഉണ്ടായിരുന്നു. തല മുതിര്‍ന്ന നേതാവായി നമ്മുടെ സ്വന്തം ജി,കെ.പിള്ള ആണ് രംഗത്ത് വരുന്നത്.ജി.കെ പിള്ളയുടെ ഒരു ഡയലോഗ് പരുത്തിക്കാടന്‍ ഷാജിയോട് പറയുന്നത് സ്വന്തം ജീവിതം തന്നെയാണ് എന്നത് ഒരു ആകസ്മികം ആകാം. "നീ ഈ തലമുറയിലെ വില്ലന്മാരെ മാത്രമേ കണ്ടിട്ടുള്ളൂ..ഞാന്‍ മൂന്നു തലമുറയിലെ വില്ലന്മാരെ ഒതുക്കിയവനാ...." അത് ശെരിയാണ്. ജി, കെ. പിള്ള ഇപ്പോള്‍ നില്‍ക്കുന്നത് നാലാമത്തെ തലമുറയിലാണ്.
ആകെ മൊത്തം പറയുകയാണെങ്കില്‍ പടം തരക്കേടില്ല. പടത്തിന്റെ പരസ്യത്തില്‍ പറയുന്നതുപോലെ ഇത് നമ്മുടെ ജീവിതത്തിലും സംഭവിക്കാം. അതിനാല്‍ ഈ പടം ഒന്നും കാണണം തന്നെ.

മലയാളിയുടെ സ്വന്തം ഉറുമി....

2011-06-23T18:23:00.004+05:30

നീണ്ട ആറു വര്‍ഷങ്ങള്‍ കഴിഞ്ഞിട്ടാണ് സന്തോഷ്‌ ശിവന്‍ ഉറുമി എന്ന ചിത്രവുമായി നമ്മുടെ മുന്നില്‍ എത്തിയത്.സന്തോഷ്‌ ശിവന്‍റെ അവസാന പടം മലയാളി ഒത്തിരി ഇഷ്ടപ്പെട്ട അനന്തഭദ്രം ആയിരുന്നു. പഴശ്ശിരാജക്ക് ശേഷം കേരള ചരിത്രം വീണ്ടും വിഷയം ആകുന്ന ഒരു സിനിമ കൂടി എന്ന് പറയുന്നതിനേക്കാള്‍ നല്ലത് മലയാളത്തിലെ എക്കാലത്തെയും മികച്ച ഒരു ചരിത്ര സിനിമ എന്ന് പറയുന്നതാകും.. മലയാളം ഇന്നുവരെ കണ്ടിട്ടുള്ളതില്‍ വച്ച് ഏറ്റവും കൂടുതല്‍ മുതല്‍ മുടക്കിയ ഈ സിനിമയുടെ നിര്‍മ്മാണത്തില്‍ നായകനായ പ്രിത്വിരാജും സംവിധായകന്‍ സംഗീത്‌ ശിവനും പങ്കാളി ആണ് എന്നത് ഒരു പ്രത്യേകതയും കൂടി ആണ്.ഷാജി നടേശന്‍ ആണ് നിര്‍മ്മാണത്തിലെ മൂന്നാമത്തെ പങ്കാളി. ആഗസ്റ്റ്‌ സിനിമ എന്ന ബാനറില്‍ ആണ് ഇവര്‍ ഉറുമി ഒരുക്കിയിരിക്കുന്നത്. മികവില്‍ മലയാളത്തിലെ ഒന്നാം നിരയില്‍ ഒന്നാമത്തെ സ്ഥാനം ആണ് ഉരുമിക്ക് നല്‍കാന്‍ കഴിയുക.പതിനഞ്ചാം നൂറ്റാണ്ടില്‍ പോര്‍ച്ചുഗീസ് വൈസ്രോയിയെ വധിക്കാന്‍ ശ്രമിക്കുന്ന ചിറക്കല്‍ കേളുനായര്‍ എന്ന വീര പുരുഷന്‍ ആയാണ് പ്രിത്വീരാജ് അഭിനയിക്കുന്നത്.ഒപ്പം കൂട്ടുകാരന്റെ വേഷത്തില്‍ തമിഴ്‌ നടന്‍ പ്രഭുദേവയും പ്രധാനപ്പെട്ട ഒരു വേഷം അഭിനയിക്കുന്നു.പതിനഞ്ചാം നൂറ്റാണ്ടിന്റെ അവസാനം ആണ് വാസ്കോ ഡി ഗാമ ആദ്യം കേരളത്തില്‍ വരുന്നത്. പിന്നീട് രണ്ടു തവണ കൂടി വന്നു. 1502,1524 എന്നീ വര്‍ഷങ്ങളില്‍ ആണ് മാനുവല്‍ രാജാവിന്‍റെ ഉത്തരവ് അനുസരിച്ച് കച്ചവട കരാര്‍ ഉറപ്പിക്കാന്‍ ഗാമ വീണ്ടും കേരളത്തില്‍ വരുന്നത്. 1502 ലെ വരവില്‍ മക്കയില്‍ പോയ മേരി എന്ന കപ്പല്‍ ഗാമയും കൂട്ടരും ആക്രമിക്കുകയും അതിലുണ്ടായിരുന്നവരെ ഒന്നടങ്കം ചുട്ടെരിക്കുകയും ചെയ്തു.സ്ത്രീകളും കുട്ടികളും അടക്കം ഒത്തിരിപ്പേര്‍ അന്ന് കൊല്ലപ്പെട്ടു. ഇത് ചരിത്രം.ചരിത്രത്തിലെ ഈ ഒരു സംഭവം ആണ് ഉറുമി എന്ന സിനിമയുടെ കഥ. ശങ്കര്‍ രാമകൃഷ്ണന്‍ എന്ന കഥാകൃത്ത് ചരിത്രത്തിലെ ഭാഗങ്ങളും സ്വന്തം ഭാവനയും കൂടി ചേര്‍ത്തപ്പോള്‍ ഉറുമിയുടെ കഥ ആയി. മേരി എന്ന കപ്പലില്‍ ഉണ്ടായിരുന്നവരുടെ ആഭരണങ്ങള്‍ ഉരുക്കി ഉണ്ടാക്കിയ പൊന്നില്‍ തീര്‍ത്ത ഉറുമി ആണ് ഗാമയെ വധിക്കാന്‍ തുനിഞ്ഞിറങ്ങിയ കേളുനായരുടെ പ്രധാന ആയുധം.അന്ന് തിരിച്ചു പോയ ഗാമ പിന്നീട് 1524ല്‍ തിരികെ വരുന്നത് വരെ കാത്തിരുന്നു പോരാടുന്നതാണ് ഉറുമി.ഇരുപത്തി ഒന്നാം നൂറ്റാണ്ടില്‍ നിന്നും പതിനാറാം നൂറ്റാണ്ടിന്റെ കഥ പറയുന്ന ശൈലി എല്ലാവരും അംഗീകരിക്കുന്നു.ശങ്കര്‍ രാമകൃഷ്ണന്റെ രചനയെ മഹത്തരം എന്നാണു പറയേണ്ടത്.ഗൂഗിള്‍ മാപ്പ് കാണിച്ചു കെ.പി.എ.സി.ലളിതയുടെ വാക്കുകളിലൂടെ കഥ പറഞ്ഞു തുടങ്ങിയത് തന്നെ ഒരു പുതിയ അനുഭവം ആയെന്നു പറയാം. ഒരു കല്ല്‌ കടി എന്ന് പറയാവുന്നത് മലയാളത്തിലെ എല്ലാ ചരിത്ര സിനിമകള്‍ക്കും ഉള്ള ഒരു പോരായ്മ തന്നെയാണ്. സംസാര ഭാഷ എന്നത് ചിത്രത്തിലെ പ്രധാന കഥാപാത്രങ്ങള്‍ എല്ലാം സംസാരിക്കുന്നത് അച്ചടി ഭാഷയാണ്‌. പഴയ കാല ഭാഷ സംസാരിക്കുന്നത് അപൂര്‍വ്വം ആളുകള്‍ മാത്രം.സാഹിത്യ ഭാഷയില്‍ ഉള്ള ഡയലോഗുകള്‍ മിക്കവയും അരോചകം ആണെന്ന് പറയാതെ വയ്യ.തിരക്കഥയും സാങ്കേതിക മേന്മകളും ഒക്കെ വേണ്ട വിധത്തില്‍ പ്രയോജനപ്പെടുത്തിയ സന്തോഷ്‌ ശിവന്‍ തന്നെയാണ് ഈ പടത്തിന്റെ മുഴുവന്‍ ക്രെഡിറ്റും കൊണ്ട് പോകുന്നത്.
സന്തോഷ്‌ ശിവന്‍റെ തന്നെ ക്യാമറ അടിപൊളി എന്ന് ഒറ്റവാക്കില്‍ പറയാം.

മലയാളത്തെ സംബന്ധിച്ചാല്‍ ഒരു വ്യത്യസ്ത അനുഭവം തന്നെ ആണ് ഇതിന്റെ ചായാഗ്രഹണം. ശെരിക്കും പറഞ്ഞാല്‍ കണ്ണിനു ഒരു ഉത്സവം തന്നെയാണ് ഇതിലെ ഓരോ രംഗവും.

ദീപക്‌ ദേവ് ഒരുക്കിയ ബാക് ഗ്രൌണ്ട് മ്യൂസിക്‌ എടുത്തു പറയത്തക്ക മേന്മകള്‍ ഉള്ളതാണ്. സാങ്കേതിക വിഭാഗം മൊത്തത്തില്‍ മികച്ചു നില്‍ക്കുന്ന ഈ ചിത്രം സന്തോഷ്‌ ശിവന്റെ നെറ്റിയില്‍ ഒരു പൊന്‍ തൂവല്‍ ചാര്‍ത്തുന്നു എന്ന് പറയാതിരിക്കാന്‍ വയ്യ. എടുത്തു പറയാനുള്ള ഒരു പോരായ്മ കാണുന്ന സ്ഥലത്തെല്ലാം സ്ലോ മോഷന്‍ കാണിക്കുന്നത് ആണ്. മാത്രമല്ല പല രംഗങ്ങളും വീണ്ടും കാണിക്കുന്നതും അലോസരം ഉണ്ടാക്കുന്നു. ഒരു യുദ്ധ രംഗം തന്നെ സ്ലോ മോഷന്‍ കാനിച്ചതിലൂടെ ഭംഗി നഷ്ടപ്പെടുത്തി എന്ന് പറയാം.

ചിത്രത്തിലെ ഗാനങ്ങള്‍ ഒന്നും തന്നെ ചിത്രത്തിന് അത്യാവശ്യം ആയിരുന്നില്ല എന്ന് മാത്രമല്ല പലതും അനാവശ്യം ആയിരുന്നു എന്ന് കൂടി പറയേണ്ടി വരുന്നു. ഒരു പക്ഷെ ഈ ഗാനങ്ങള്‍ ഒഴിവാക്കിയെന്കില്‍ മൂന്നു മണിക്കൂര്‍ എന്നുള്ളത് കുറച്ചു കൂടി കുരയില്ലായിരുന്നോ.?

കതിരെല്ലാം കെട്ടണ് കെട്ടണ് എന്നാ ഗാനം ആണ് ചിത്രവും ആയി അല്പം എങ്കിലും ഒത്തു പോകുന്നത് എന്ന് പറയാം. ഏങ്ങണ്ടിയൂര്‍ ചന്ദ്രശേഖരന്‍ എഴുതിയ ഈ ഗാനം ജോബി കുര്യനും റീത്തയും പാടിയിരിക്കുന്നു. കൈതപ്രം എഴുതിയ മഞ്ജരി പാടിയ ചിമ്മി ചിമ്മി മിന്നിത്തിളങ്ങുന്ന ... എന്ന ഗാനം മികച്ച ഗാനം ആണ്.കൈതപ്രം എഴുതി യേശുദാസും ശ്വേതയും ആലപിച്ച ആരോ നീ ആരോ ... എന്ന ഗാനവും ആളുകള്‍ വീണ്ടും കേള്‍ക്കാന്‍ ആഗ്രഹിക്കുന്ന ഒന്നാണ്. ദീപക്‌ ദേവിന്റെ സംഗീതം അടിപൊളി എന്ന് ഒറ്റവാക്കില്‍ പറഞ്ഞു നിര്‍ത്താം.

പ്രിത്വീരാജിനു ഒത്തിരി ചെയ്യാനുള്ള ഒരു വേഷം കിട്ടിയിട്ടും ഒന്നും ചെയ്യാന്‍ കഴിയാതിരുന്ന വേഷം ആയിപ്പോയി ചിറക്കല്‍ കേളുനായര്‍ ..അദ്ധേഹത്തിന്റെ പഴയ ചിത്രങ്ങളിലെ ഒരു വേഷം പോലെയേ ഇതും ആയുള്ളൂ. ഒരു വ്യത്യസ്തത കൊടുക്കാന്‍ പ്രിത്വി ശ്രമിച്ചതായും തോന്നുന്നില്ല. അത് കൊണ്ട് മോശം ആയി എന്നര്‍ത്ഥം ഇല്ല. തന്റെ ഭാഗം പ്രിത്വി നന്നാക്കുക തന്നെ ചെയ്തു. പക്ഷെ കുറച്ചു കൂടി വ്യത്യസ്തതയോടെ കൈകാര്യം ചെയ്യാന്‍ കഴിയുമായിരുന്നെങ്കില്‍ പ്രിത്വിരാജിന്റെ കരിയറിലെ ഒരു പ്രത്യേക ഏട് ആയി ഉറുമി മാറുമായിരുന്നു. അഭിനയത്തില്‍ മികച്ചു നില്‍ക്കുന്നത് ജഗതി തന്നെയാണ്.

അറക്കല്‍ ആയിഷയെ അവതരിപ്പിച്ച ജനീലിയ ഡിസൂസ തന്നെയാണ് ചിത്രത്തില്‍ ഏറ്റവും നല്ല പ്രകടനം കാഴ്ച വച്ചത്. ബാലയെ അവതരിപ്പിച്ച നിത്യാമെനോനും മനസ്സില്‍ നിറഞ്ഞു നില്‍ക്കുന്നു. ഭാനു വിക്രമനായ അങ്കുര്‍ശര്‍മ്മയും കൊള്ളാം. റോബിന്‍ പ്രാറ്റ്‌ അവതരിപ്പിച്ച വാസ്കോ ഡാ ഗാമ, അലക്സ്‌ ഓണില്‍ അവതരിപ്പിച്ച എസ്ടലോ ഗാമയും ശരാശരിക്കു മുകളില്‍ എത്തി.

കേള് നായരുടെ അച്ഛനായി വരുന്ന ആര്യ പിന്നീട് കഥ പറയാന്‍ എത്തുന്നതും കൊള്ളാം രണ്ടു വേഷവും ആര്യയും ഭംഗി ആക്കി. കഥാ പാത്രങ്ങള്‍ പലതും ഭൂതകാലവും വര്‍ത്തമാന കാലവും തമ്മില്‍ വേര്‍തിരിക്കുന്ന ഭാഗത്ത്‌ അറിയാതെ മാറിപ്പോയെക്കം. പക്ഷെ അവിടെയും സംവിധായകന്റെ കഴിവ് കൊണ്ട് പാളിച്ച ഒന്നും ഇല്ലാതെ രക്ഷപ്പെട്ടു.

നമ്മുടെ നാട് നാനൂറു വര്ഷം അനുഭവിച്ച യാതനനകള്‍ മനസ്സിലാക്കാന്‍ ഒന്ന് രണ്ടു സീനുകള്‍ കൊണ്ട് കഴിയുന്നു എന്നത് ഈ സിനിമയുടെ പ്രത്യേകതയാണ്. മറ്റു പല ചരിത്ര സിനിമകള്‍ക്കും ഇല്ലാതിരുന്നത് അതാണ്‌. പഴശ്ശിരാജ കാണുമ്പോള്‍ നമുക്ക് ഒട്ടും ഫീലിംഗ്സ് വരുന്നില്ലെയെന്കില്‍ ഉരുമിയുടെ ചില സീനുകള്‍ നമ്മുടെ എവിടെയൊക്കെയോ എത്തിക്കുന്നു. ലോകം മഹാനായ കപ്പിത്താനായി വാഴ്ത്തിയ ഗാമയുടെ യഥാര്‍ത്ഥ മുഖം ലോകത്തിനു തന്നെ കാണിച്ചു കൊടുക്കാനുള്ള മലയാളിയുടെ എളിയ ശ്രമത്തില്‍ നമുക്കും പങ്കു ചേരാം. ചിത്രം തിയേറ്ററില്‍ നിന്നും കണ്ടിട്ടില്ലാത്തവര്‍ തിയേറ്ററില്‍ തന്നെ പോയി കാണണം..എന്നാല്‍ മാത്രമേ ഉറുമി പോലുള്ള സിനിമകള്‍ നമുക്ക് ഇനിയും ലഭിക്കൂ...

മലയാളിക്ക് വേണ്ടി ഈ സിനിമ അണിയിച്ചൊരുക്കിയ പ്രിത്വീരാജിനും സന്തോഷ്‌ ശിവനും ബാക്കി എല്ലാവര്ക്കും ഈ കൊച്ചു മലയാളിയുടെ ആശംസകള്‍.....

UDF ,103 സീറ്റ്‌ വരെ നേടും.......

2011-05-10T01:34:00.000+05:30

പതിമൂന്നിന് ആരുടെ സ്വപ്നങ്ങള്‍ ആണ് തകരുന്നത്?

വീണ്ടും ഒരിക്കല്‍ കൂടി ഭരണം പ്രതീക്ഷിച്ചു ഇലക്ഷനെ നേരിടുന്ന ഇടതു പക്ഷത്തിന്റെ സ്വപ്നങ്ങള്‍ ആണോ അതോ ഭരണം കാത്തിരിക്കുന്ന ഐക്യ ജനാധിപത്യ മുന്നണിയുടെ സ്വപ്നങ്ങള്‍ ആണോ തകരുന്നത്. അതോ ആരും പ്രവചിക്കാത്ത ഒരു പ്രവചനം നടത്തുന്ന ഈയുള്ളവന്റെ സ്വപ്നങ്ങള്‍ ആണോ തകരുന്നത്?

കഴിഞ്ഞ പാര്‍ലമെന്‍റ് ഇലക്ഷനില്‍ ഞാന്‍ പ്രവചിച്ചതുപോലെ തന്നെ സംഭവിച്ചത് കൊണ്ടാണ് ഇത്തവണയും ഒരു പ്രവചനം നടത്താം എന്ന് വിചാരിച്ചത്. പണി പാളിയാല്‍ എന്നെ കുറ്റം പറയരുത്. അന്നത്തെ പ്രവചനം വായിക്കാന്‍ ഇവിടെ ക്ലിക്ക് ചെയ്യുക.

ഇടതു പക്ഷം പ്രതീക്ഷിക്കുന്നത് അങ്ങേ അറ്റം എഴുപത്തി രണ്ടു സീറ്റ്‌ ആണ്. വി. എസ്. തരംഗം ഉണ്ടാകും എന്ന് പറയുമ്പോഴും അവര്‍ക്ക്‌ അതില്‍ കൂടുതല്‍ സങ്കല്‍പ്പിക്കാന്‍ കഴിയുന്നില്ല എന്നത് അത്ഭുതം ആയി തോന്നാം. എന്നാല്‍ നൂറിനു മുകളില്‍ സീറ്റുകള്‍ കിട്ടും എന്ന് അവകാശപ്പെട്ടിരുന്ന ഐക്യ ജനാധിപത്യ മുന്നണി ആകട്ടെ അവസാനം എന്പതിനും തൊണ്ണൂറിനും ഇടയില്‍ സീറ്റുകള്‍ ആണ് പ്രതീക്ഷിക്കുന്നത്. അതായത് വി. എസ്. തരംഗം ഉണ്ടായി എന്ന് അവര്‍ ഭയപ്പെടുന്നു.

ഇലക്ഷന്‍ പ്രഖ്യാപിക്കുന്ന അവസരത്തില്‍ ഐക്യ ജനാധിപത്യ മുന്നണി പാട്ടും പാടി ജയിക്കുന്ന ഒരു അവസ്ഥയില്‍ ആയിരുന്നു കേരളം. പിടിച്ചു നില്‍ക്കാന്‍ ഒരു പിടി വള്ളിപോലും കിട്ടാതെ ഉഴറിയ ഇടതു പക്ഷത്തിനു ഒരു ഉണര്‍ച്ച കൊടുത്തത് കുഞ്ഞാലിക്കുട്ടി പ്രശനം ആണെന്നുള്ളത് ഒരു യാഥാര്‍ത്ഥ്യം ആണ്.

പക്ഷെ കുഞ്ഞാലിക്കുട്ടിയെ അപമാനിക്കാന്‍ വേണ്ടി നടത്തിയ ഈ പ്രശ്നത്തില്‍ നേട്ടം കൊയ്തത് മുസ്ലിം ലീഗ് തന്നെയാണ്. കേരളം ഇത് വരെ കണ്ടിട്ടില്ലാത്ത ഒരു ഉണര്‍വ്വ്‌ ലീഗ് പ്രവര്‍ത്തകര്‍ക്ക് ഉണ്ടാക്കാന്‍ ഈ വിവാദം വഴി വച്ച് എന്ന് പറയാം. ലീഗിന്‍റെ പ്രവര്‍ത്തകര്‍ മുഴുവന്‍ ഒറ്റക്കെട്ടായി കുഞ്ഞാലിക്കുട്ടിക്ക് പിന്നില്‍ അണിനിരന്നു ഈ വിവാദത്തെ പ്രതിരോധിച്ചത് ആണ് കേരളം കണ്ടത്.

പിന്നീട് അടുത്ത അടി കിട്ടിയത് ബാലകൃഷ്ണ പിള്ളയുടെ ജയില്‍ വാസം ആണ്. അത് ഒരു ഒന്നൊന്നര അടി തന്നെയായിരുന്നു ഐക്യ ജനാധിപത്യ മുന്നണിക്ക്, ആദ്യം ഒന്ന് പതറി എങ്കിലും അതിലും പിടിച്ചു കര കയറാന്‍ ഐക്യ ജനാധിപത്യ മുന്നണിക്ക് കഴിഞ്ഞു എന്ന് നിസ്സംശയം പറയാം. കേരളത്തിലെ ജനസംഖ്യയില്‍ അന്പത്തഞ്ചു ശതമാനം വരുന്ന ഹിന്ദുക്കളില്‍ പതിനാല് ശതമാനം വരുന്ന നായര്‍ വോട്ടുകള്‍ പെട്ടിയിലാക്കാന്‍ ഈ സംഭവം വഴി വചു. എന്‍.എസ് .എസ് നേതാവിന്റെ അടുത്ത കാലത്തെ പ്രസ്താവന തെളിയിക്കുന്നത് അതാണ്‌. ആ വോട്ടുകള്‍ ഏകീകരിക്കാന്‍ കഴിഞ്ഞാല്‍ ഐക്യ ജനാധിപത്യ മുന്നണിക്ക് തിരിഞ്ഞു നോക്കേണ്ടി വരില്ല തന്നെ,. ബാലകൃഷ്ണപിള്ള സംഭവത്തോടെ ഐക്യ ജനാധിപത്യ മുന്നണിയുടെ ആക്രമണ ലക്‌ഷ്യം വി.എസിലേക്ക് മാറി. അതിനു ഇടതു നേതാക്കളുടെ സമ്മതവും ഉണ്ടായിരുന്നു എന്ന് പിന്നാമ്പുറ വാര്‍ത്തകള്‍....അതോടെ പിണറായി, കോടിയേരി ശ്രീമതി എന്നിവര്‍ ആക്രമണത്തില്‍ നിന്നും രക്ഷപ്പെട്ടു. അച്ചുതാനന്ദന്‍ ആയി പ്രതിയോഗി. അതൊരു പരിധി വരെ ഗുണം ചെയ്തു എന്നും പറയാം.

ഇടതു മുന്നണിയുടെ എന്നത്തേയും ശക്തി എന്നത് ഇരുപത്തി അഞ്ചു ശതമാനം വരുന്ന ഈഴവ ശക്തി തന്നെയാണ്. എല്ലാ തവണയും പരസ്യമായി ഇടതു ആഭിമുഖ്യം പ്രകടിപ്പിക്കുന്ന എസ്. എന്‍ ഡി.പി ആകട്ടെ ഇത്തവണ വലിയ അടുപ്പം കാണിച്ചുമില്ല. എങ്കിലും ആ വോട്ടുകളില്‍ തൊണ്ണൂറു ശതമാനവും ഇത്തവണയും ഇടതിന് തന്നെ കിട്ടും എന്നാണു എന്റെ വിശ്വാസം.

ഇരുപത്തി ആറു ശതമാനം വരുന്ന മുസ്ലിം വിഭാഗത്തില്‍ ആകട്ടെ മുന്‍പ് എന്നത്തെതിനെക്കാലും ചോദ്യം ചെയ്യാന്‍ ആകാത്ത ശക്തി ആയി മുസ്ലിം ലീഗ് വീണ്ടും മാറുന്ന കാഴ്ച ആണ് അടുത്ത കാലത്ത് ആയി കണ്ടു വരുന്നത്. എല്ലാക്കാലവും ഈ വിഭാഗം ഐക്യ ജനാധിപത്യ മുന്നണിയോടൊപ്പം തന്നെ ആയിരുന്നു. എന്നാല്‍ ഇത്തവണ കൂടുതല്‍ കരുത്തോടെ ആണെന്ന് മാത്രം. ഈ പ്രാവശ്യം ഐക്യ മുന്നണി ജയിക്കുന്നതില്‍ കൂടുതല്‍ സംഭാവന ലീഗിന്റെ ആണെന്ന് തന്നെ പറയേണ്ടുന്ന ഒരു അവസ്ഥയിലേക്ക് തന്നെ ആണ് കാര്യങ്ങളുടെ പോക്ക്. അപ്പോഴും എടുത്തു പറയേണ്ട ഒരു കാര്യം തെക്കന്‍ കേരളത്തില്‍ മുസ്ലിം വോട്ടുകള്‍ കൂടുതലും പോകുന്നത് ഇടതു പക്ഷത്തേക്ക് ആണെന്നാണ്‌. ആ വോട്ടുകള്‍ എന്നൊക്കെ ഐക്യ ജനാധിപത്യ മുന്നണിയിലേക്ക് വരുന്നോ അന്നൊക്കെ അവര്‍ ജയിക്കുകയും ചെയ്തിട്ടുണ്ട്. ഇത്തവണയും അങ്ങനെ ഒരു വികാരം ഞാന്‍ പ്രതീക്ഷിക്കുന്നു.

ജനസംഖ്യയുടെ പത്തൊന്‍പതു ശതമാനം വരുന്ന ക്രിസ്ത്യന്‍ വിഭാഗം പൊതുവേ ഐക്യ ജനാധിപത്യ മുന്നണിയോടു ഒപ്പം തന്നെ ആണെന്ന് തന്നെ പറയണം. പക്ഷെ മുന്‍ ഇലക്ഷനുകളില്‍ സംഭവിച്ചത് പോലെ അവര്‍ ഇടതു വിരോധം ഇത്തവണ പ്രകടിപ്പിച്ചില്ല. ഇത്തവണയും നിലപാട് ഐക്യ മുന്നണിക്ക് അനുകൂലമായി തന്നെ ആയിരുന്നു. അതും കൊണ്ഗ്രെസ്സിന്റെ വിജയത്തിന്റെ ഒരു ഭാഗം ആണ്.

ഇതിലൊക്കെ ഉപരി ഉമ്മന്‍ചാണ്ടി മുഖ്യ മന്ത്രി ആകുമെന്ന് ക്രിസ്ത്യന്‍ സഭകളെയും രമേശ്‌ ചെന്നിത്തല മുഖ്യ മന്ത്രി ആകുമെന്ന് എന്‍.എസ്. എസ്സിനെയും ധരിപ്പിക്കാന്‍ കൊണ്ഗ്രെസ്സിനു കഴിഞ്ഞതാണ് വിജയത്തിന്റെ ഒരു പ്രധാന കാരണം ആയി ചൂണ്ടി കാട്ടാന്‍ കഴിയുന്നത്.

ഇടതു പക്ഷം എന്നത് ചുരുങ്ങി സി.പി.എം, സി.പി.ഐ എന്നീ രണ്ടു പാര്ട്ടികളിലേക്ക് മാത്രം ഒതുങ്ങുന്ന ഒരു അവസ്ഥയിലേക്ക് പോകുന്ന കാഴ്ച ആണ് ഇപ്പോള്‍ നമ്മള്‍ കണ്ടു വരുന്നത്. സി.പി.എം ഒഴിച്ചാല്‍ ഒരു പാര്‍ട്ടിക്കും സംസ്ഥാനം മുഴുവന്‍ കവറേജ് അവകാശപ്പെടാന്‍ കഴിയില്ല. സി.പി.ഐ ആകട്ടെ ഭൂരിഭാഗം ജില്ലകളിലും വെറും പേരില്‍ മാത്രം ഒതുങ്ങുന്നു. അത്ഭുതങ്ങള്‍ ഒന്നും സംഭവിച്ചില്ലെങ്കില്‍ സി.പി.ഐ മത്സരിക്കുന്നതില്‍ ഭൂരിഭാഗം സീറ്റിലും തോല്‍ക്കാന്‍ ആണ് സാധ്യത.

ഇതിന്റെ നേരെ എതിരാണ് ഐക്യ മുന്നണിയില്‍. ഇടതില്‍ നിന്നും പിണങ്ങി വന്ന എല്ലാ കക്ഷികളും കൂടി ഒരു ഉത്സവ മേളം ഉണ്ടാക്കി മുന്നണിയില്‍. ഇതൊക്കെ ഗുണം ചെയ്തോ എന്ന് വെള്ളിയാഴ്ച അറിയാം.

അച്യുതാനന്ദന്‍ തരംഗം ഉണ്ടായാല്‍ തന്നെ അത് ഉണ്ടാകുന്നതു പരമാവധി പത്തു മണ്ഡലങ്ങളില്‍ ആയിരിക്കും.അതിനപ്പുറം ഒന്നും സ്വാധീനം ചെലുത്താന്‍ ഉള്ള എന്തെങ്കിലും സഖാവിന് ഉള്ളതായി തോന്നുന്നില്ല. ഈ മണ്ഡലങ്ങളില്‍ തന്നെ അത് എസ്.എന്‍.ഡി.പി യുടെ കഴിവ് ആണെന്ന് കൂടി പറഞ്ഞാലേ അച്ചുതാനന്ദന്റെ തരംഗത്തിന്റെ ഉറവിടം കണ്ടെത്താന്‍ കഴിയൂ....

ഈ പത്തു മണ്ഡലങ്ങളില്‍ വി.എസ്സിനെ വീണ്ടും മുഖ്യമന്ത്രി ആക്കാന്‍ വേണ്ടി ഒരു തരംഗം ഉണ്ടായെങ്കില്‍ ബാക്കി ഉള്ള മണ്ഡലങ്ങളില്‍ അതിനെതിരെയും ഒരു തരംഗം ഉണ്ടായിക്കൂടെന്നില്ല. അല്ലെ? വടക്കന്‍ ജില്ലകളില്‍ വി.എസ് ഒരു തരംഗവും ഉണ്ടാക്കിയില്ല എന്ന് കൂടി മനസ്സിലാക്കണം. അത്രക്കും ശക്തമാണ് അവിടങ്ങളിലെ രാഷ്ട്രീയ അടിത്തറ. ലീഗിന്റെ അടിത്തറ ഇളക്കാന് ഒരു പത്തു വി.എസ് വന്നാലും വരുന്ന നൂറ്റാണ്ടിലും കഴിയില്ല എന്ന് തന്നെ നിസ്സംശയം പറയാം.

ദൃശ്യ മാധ്യമവും ഇന്റര്‍നെറ്റും എല്ലാം അടക്കി വാണ പ്രചാരണ രംഗത്ത് മുന്നില്‍ നിന്നത് ഇടതു പക്ഷം ആയിരുന്നു. ഇന്റര്‍നെറ്റ്‌ ലോകം സി.പി.എം പിടിച്ചടക്കി എന്ന് തന്നെ പറയാം. അതിനെതിരെ ഐക്യ മുന്നണിയുടെ ഒറ്റപ്പെട്ട തടയലുകള്‍ ഒക്കെ ദീനരോദനങ്ങള്‍ ആയി മാറി എന്ന് പറയാം.

മലയാളത്തിലെ ഒരുമാതിരി ചാനലുകള്‍ ഒക്കെ തന്നെ ഇടതു പക്ഷ അനുഭാവം ആണ് ഇത്തവണ സ്വീകരിച്ചതെന്ന് ഒറ്റ നോട്ടത്തില്‍ പറയാം. അതൊക്കെ വിജയത്തിന്റെ സൂചനകള്‍ ആണെങ്കില്‍ ഇത്തവണയും ഇടതു തന്നെ അധികാരത്തില്‍ വരാം.

വി.എസ്സിന്റെ മണ്ഡലത്തില്‍ സ്ഥാനാര്‍ഥിയെ പിന്‍ വലിക്കാന്‍ തീരുമാനിച്ചതിലൂടെ ബി.ജെ.പിയും സി.പി.എമ്മും തമ്മിലുള്ള ധാരണ പുറത്തു വന്നെങ്കിലും അത് കൊണ്ട് വി.എസ്സിന് ഭൂരി പക്ഷം കൂട്ടാമെന്കിലും ബി.ജെ.പിക്ക് സീറ്റ് കിട്ടാന്‍ വേണ്ടി അത് സഹായിക്കില്ല.

ഫലത്തില്‍ ബി.ജെ.പി ഇത്തവണയും സീറ്റ്‌ നേടില്ല. ജയത്തിന്റെ അടുത്ത് വരെ എത്തും. എങ്കിലും ജയിക്കില്ല എന്ന് തന്നെ ആണ് എന്റെ നിഗമനം.

ഒരു രാഷ്ട്രീയ നിരീക്ഷകന്‍ പറഞ്ഞത് കേരളത്തില്‍ ഇത്തവണ രാഷ്ട്രീയ പാര്‍ട്ടികള്‍ തമ്മില്‍ ഉള്ള മല്‍സരം അല്ല നടന്നത്... പകരം ചാനലുകള്‍ തമ്മിലുള്ള മല്‍സരം ആണ് നടന്നത് എന്നാണു. അതെ, ചാനലുകള്‍ ആണ് ഇത്രയും വിവാദങ്ങള്‍ നമ്മുടെ തലയില്‍ അടിചെല്പ്പിച്ചത്. പ്രകടനങ്ങളും പൊതുയോഗങ്ങളും എല്ലാം പേരിനു വേണ്ടി ആയിരുന്നു. എല്ലാം സ്ഥിരം ഉള്ള പരിപാടികള്‍....

മാറിയ ഈ സാഹചര്യങ്ങള്‍ വച്ച് ഞാന്‍ എത്തിയ നിഗമനം അനുസരിച്ച് കേരളത്തില്‍ ഐക്യ ജനാധിപത്യ മുന്നണി അധികാരത്തില്‍ വരും.

തൊണ്ണൂറ്റി മൂന്ന് സീറ്റ് മുതല്‍ നൂറ്റി മൂന്നു സീറ്റ് വരെ ഐക്യ ജനാധിപത്യ മുന്നണിക്ക് ലഭിക്കാന്‍ ചാന്‍സ്‌ ഉണ്ട്. ഇടതു പക്ഷത്തിനു മുപ്പത്തി മൂന്ന് മുതല്‍ അമ്പതു സീറ്റ്‌ വരെ ലഭിക്കാന്‍ ഉള്ള ചാന്‍സും ഞാന്‍ കാണുന്നു.

തമിഴ്‌ നാട്ടില്‍ വീണ്ടും കരുണാനിധിയുടെ സര്‍ക്കാര്‍ അധികാരത്തില്‍ വരുന്ന കാര്യം സംശയത്തില്‍ ആണ്. അഥവാ വന്നാല്‍ തന്നെ അത് തുച്ചമായ സീറ്റുകള്‍ക്ക് ആയിരിക്കും. ജയലളിതയുടെ പാര്‍ട്ടിയുടെ ശക്തി ചോര്‍ന്നത്‌ കൊണ്ട് തന്നെയാണ് ഇങ്ങനെ സംഭവിക്കുന്നത്. പഴയ ശക്തിയില്‍ ജയലളിത ആയിരുന്നെങ്കില്‍ തമിഴ്‌ നാട് തൂത്തു വാരാന്‍ കഴിയും ആയിരുന്നു.

പശ്ചിമ ബംഗാളില്‍ നേരിയ ഭൂരിപക്ഷത്തിനു മമതക്ക് ചാന്‍സ്‌ ഉണ്ടെന്നതല്ലാതെ ഉറപ്പു ഒന്നും തന്നെ ഇല്ല.

അവിടെ ഇടതു പക്ഷം തന്നെ വീണ്ടും അധികാരത്തില്‍ വരും എന്ന് തന്നെ ആണ് എന്റെ നിഗമനം. വളരെ കുറഞ്ഞ വോട്ടുകള്‍ക്ക് ആയിരിക്കും മമതക്ക് അവിടെ പല സീറ്റുകളും നഷ്ടം ആകുന്നതു. അവിടെ മമത തരംഗം ഉണ്ടെങ്കിലും ഭരിക്കാന്‍ വേണ്ടി ഉള്ള സീറ്റുകള്‍ പിടിക്കാന്‍ മമതക്ക് കഴിയില്ല എന്ന് തന്നെ ആണ് എന്റെ നിഗമനം.

ഇതൊക്കെ എന്റെ നിഗമനം ആണ്. നിങ്ങള്ക്ക് ഇങ്ങനെ തോന്നണം എന്നില്ല. കഴിഞ്ഞ തിരഞ്ഞെടുപ്പിലും ഞാന്‍ പറഞ്ഞത് പോലെ ഒക്കെ നടന്നിരുന്നു എന്നുള്ളതും കൂടി ഇതോടൊപ്പം കൂട്ടി വായിക്കുക.. എന്തായാലും ഫലം വരുന്നത് വരെ കാത്തിരിക്കാം നമുക്ക്.

വര്‍ക്കലകഹാര്‍ അയ്യായിരം വോട്ടിനു ജയിക്കും...

2011-05-07T00:45:00.000+05:30

വര്‍ക്കലയില്‍ ഇത്തവണ ആര് ജയിക്കും എന്ന ചോദ്യത്തിന് പലര്‍ക്കും പല ഉത്തരം ഉണ്ടെങ്കിലും എനിക്ക് ഒരു ഉത്തരമേ ഉള്ളൂ. അത് നിസ്സംശയം പറയാം. ഇത്തവണയും വര്‍ക്കലയില്‍ ജയിക്കുന്നത് വര്‍ക്കല കഹാര്‍ തന്നെ.ഇലക്ഷന്‍ കഴിഞ്ഞ ഉടനെ തന്നെ പ്രചരണം തുടങ്ങി വര്‍ക്കല കഹാര്‍ കീഴടങ്ങി. രഹീം ജയിച്ചു എന്നൊക്കെ.. വെറുതെ ആളുകളെ പറഞ്ഞു പറ്റിക്കാന്‍ ഉള്ള ഒരു വിഫല ശ്രമം. പക്ഷെ അപ്പോഴും ഇടതു പക്ഷത്തിന്‍റെ സാരഥി രഹീമിനും സംശയം ഇല്ല. ജയിക്കും എന്ന് തന്നെ ആളും ഉറച്ചു വിശ്വസിക്കുന്നു. വര്‍ക്കല കഹാരും പറയുന്നു ഭൂരിപക്ഷം പറയാനൊന്നും ഇല്ല എങ്കിലും ജയിക്കും എന്ന് പറയുന്നു.
വര്‍ക്കലയില്‍ പ്രചാരണ കാര്യത്തില്‍ രണ്ടു പേരും കട്ടക്ക്‌ കട്ട നിന്നു. എങ്കിലും കാശ് ചിലവാക്കുന്നതില്‍ രഹീം ആയിരുന്നു മുന്‍പില്‍ എന്നുള്ളത് എല്ലാവരും പറയുന്നു.വി. എസ് ചോദിച്ചു വാങ്ങിയ സീറ്റില്‍ മകന്‍റെ കൂട്ടുകാരനെ തന്നെ സ്ഥാനാര്‍ഥി ആക്കിയ വി.എസ്സിന് രഹീം ജയിക്കണം എന്നത് അത്യാവശ്യവും ആണ്. ഈ കാര്യം തന്നെ ആണ് റഹീമിന്റെ വിജയത്തിന് ആദ്യത്തെ തടസ്സം എന്നുള്ളതും ആളുകള്‍ അടക്കം പറയുന്നു. വി. എസ്സിന്‍റെ സ്ഥാനാര്‍ഥിയെ ജയിക്കാന്‍ അങ്ങനെ ഒന്നും സമ്മതിക്കില്ല എന്ന നിലപാടില്‍ ആയിരുന്നു മറു പക്ഷം. അത് കൊണ്ടായിരിക്കാം പ്രചാരണത്തിന് വര്‍ക്കല മണ്ഡലത്തില്‍ ഉള്ളവരേക്കാള്‍ പുറത്തു നിന്നും ആളുകളെ രഹീമിന് ഇറക്കേണ്ടി വന്നതും.....

മുപ്പത്തി എണ്ണായിരം വോട്ടുകള്‍ക്ക് ആയിരുന്നു ഇടതു പക്ഷം വര്‍ക്കലയില്‍ സ്ഥിരമായി ജയിച്ചു കൊണ്ടിരുന്നത്. ഈ ഭീമമായ മാര്‍ജിന്‍ മറികടന്നു ആണ് വര്‍ക്കല കഹാര്‍ രണ്ടായിരത്തില്‍ താഴെ വോട്ടുകള്‍ക്ക് വര്‍ക്കല പിടിച്ചെടുത്തത്. വര്‍ക്കല കഹാര്‍ ആദ്യം തോല്‍വി അറിഞ്ഞതും രണ്ടായിരതിനടുത്തു വോട്ടുകള്‍ക്ക് തന്നെ ആണ്.
ആദ്യത്തെ തോല്‍വിയില്‍ നിന്നും ഉള്‍ക്കൊണ്ട പാഠങ്ങള്‍ നല്ല പോലെ പ്രാവര്‍ത്തികമാക്കാന്‍ വര്‍ക്കല കഹാരിനു കഴിഞ്ഞത് കൊണ്ടാണ് കഴിഞ്ഞ രണ്ടു തവണയും ജയിക്കാന്‍ അദ്ധേഹത്തിനു കഴിഞ്ഞത്. ഇത്തവണയും അദ്ധേഹത്തിനു നിഷ്പ്രയാസം ജയിക്കാന്‍ കഴിയും എന്ന് പറയുന്നതും അത് കൊണ്ട് തന്നെ ആണ്.
കഴിഞ്ഞ തവണ വര്‍ക്കല കഹാരിനെ നേരിട്ട് പരാജയം ഏറ്റു വാങ്ങിയ സുന്ദരേശന്‍, സീറ്റ് കിട്ടിയാല്‍ കൊള്ളാം എന്ന മനസ്സോടെ നിന്നിരുന്ന ഒത്തിരി അധികാര മോഹികളുടെ ഇടയില്‍ ആണ് മാനത്ത്‌ നിന്നും പൊട്ടി വീണപോലെ റഹീമിനെ കൊണ്ട് വന്നു നിര്‍ത്തിയത്. പാളയത്തില്‍ പട ഉണ്ടാകില്ല എന്ന് തന്നെ വിശ്വാസം എങ്കിലും പഴയ മുപ്പതിനായിരം ഒക്കെ മറന്നാണ് ഇടതു പക്ഷത്തിന്‍റെ കണക്ക് കൂട്ടല്‍.
ഇലക്ഷന് ശേഷം ഇടതു പക്ഷത്തിന്‍റെ കണക്കുകള്‍ അനുസരിച്ച് എണ്ണൂറ്റി അമ്പതു വോട്ടുകള്‍ക്ക് രഹീം ജയിക്കും എന്നാണു ഇടതു പക്ഷം പറയുന്നത്. അതിന്റെ വിശദാംശങ്ങളിലേക്ക് കടക്കാം.
ഇടവാ, ഇലകമണ്‍ പഞ്ചായത്തുകളും വര്‍ക്കല മുനിസിപ്പാലിറ്റിയും കൊണ്ഗ്രെസ്സിന്റെ കൂടെ നില്‍ക്കുമെന്നാണ് ഇടതു പക്ഷത്തിന്‍റെ കണക്ക് കൂട്ടല്‍. ഇടവായില്‍ അറുനൂറു വോട്ടിന്‍റെ ലീഡും ഇലകമണ്ണില്‍ രണ്ടായിരത്തിന്റെ ലീഡും വര്‍ക്കല മുനിസിപ്പാലിറ്റിയില്‍ ആയിരത്തി അഞ്ഞൂറ് വോട്ടിന്‍റെ ലീഡും കൊണ്ഗ്രെസ്സിനു കിട്ടും എന്ന് ഇടതു പക്ഷം കണക്ക് കൂട്ടുന്നു.
വെട്ടൂര്‍,ചെമ്മരുതി,പുതുതായി വന്ന മണ്ഡലങ്ങളായ പള്ളിക്കല്‍,മടവൂര്‍,നാവായിക്കുളം എന്നിവയും ഒപ്പം നില്‍ക്കും എന്ന് ഇടതു പക്ഷം കണക്ക് കൂട്ടുന്നു. ഇതില്‍ പള്ളിക്കല്‍ പഞ്ചായത്തില്‍ എഴുനൂറു വോട്ടിന്‍റെ ലീഡ്‌ രഹീമിന് കിട്ടും എന്ന് പറയപ്പെടുന്നു.ഇടതു പക്ഷത്തിന്‍റെ കോട്ട ആയിരുന്ന ചെമ്മരുതി പഞ്ചായത്തില്‍ അഞ്ഞൂറ് വോട്ടിന്‍റെ ലീഡ്‌ ആണ് രഹീം പ്രതീക്ഷിക്കുന്നത്. കൊണ്ഗ്രെസ്സിനു നല്ല അടിത്തറ ഉണ്ടായിരുന്ന വെട്ടൂരില്‍ ആയിരത്തി അഞ്ഞൂറ് വോട്ടിനു മുന്നില്‍ നില്‍ക്കുമെന്ന് രഹീം വിശ്വസിക്കുന്നു. നാവയിക്കുളത്ത് ആയിരത്തി ഇരുന്നൂറ്റി അമ്പതു വോട്ടിന്‍റെ ലീഡും മടവൂരില്‍ ആയിരം വോട്ടിന്‍റെ ലീഡും രഹീം പ്രതീക്ഷിക്കുന്നു.അങ്ങനെ ആണ് എണ്ണൂറ്റി അമ്പതു വോട്ടിന്‍റെ ലീഡ്‌ കിട്ടി ജയിക്കും എന്ന് വിശ്വസിക്കുന്നത്. എന്നാല്‍ ചില മേഖലകളില്‍ നിന്നുള്ള വിവരം അനുസരിച്ച് ഇരുനൂറു വോട്ടിന്‍റെ ലീഡിന് ജയിക്കും എന്നാണു പറയുന്നത്.
ഇടതു പക്ഷം ഇങ്ങനെ കണക്കുകള്‍ കൂട്ടുന്നു എങ്കിലും താഴെക്കിടയില്‍ ഉള്ള അണികള്‍ ഈ കണക്കുകള്‍ വിശ്വസിക്കാന്‍ കൂട്ടാക്കുന്നില്ല. അവര്‍ വര്‍ക്കല കഹാരിനു തന്നെ ആണ് ചാന്‍സ്‌ കല്പിക്കുന്നത്.

വര്‍ക്കല കഹാര്‍ ഭൂരിപക്ഷം പറയുന്നില്ലെങ്കിലും ഒരു കണക്ക് വെളിയില്‍ വന്നു കഴിഞ്ഞു...ആ കണക്ക് അനുസരിച്ച് അയ്യായിരം വോട്ടിനു മുകളില്‍ ഭൂരിപക്ഷം നേടി വര്‍ക്കല കഹാര്‍ ജയിക്കും എന്ന് തന്നെ ആണ്. കഴിഞ്ഞ രണ്ടു തവണയും പ്രവചിച്ച ലീഡില്‍ തന്നെ വര്‍ക്കല കഹാര്‍ ജയിച്ച സ്ഥിതിക്ക് ഈ കണക്കും ശേരിയാകാന്‍ ആണ് ചാന്‍സ്‌.
ഈ കണക്കുകള്‍ അനുസരിച്ച് പുതുതായി ചേര്‍ത്ത മണ്ഡലങ്ങളില്‍ പെട്ട നാവായിക്കുളത്തും മടവൂരിലും മാത്രമേ സി പി എം ആധിപത്യം സ്ഥാപിക്കൂ എന്നാണു അറിയുന്നത്.നാവയിക്കുളത്ത് ആയിരം വോട്ടിന്‍റെ ലീഡ്‌ രഹീമിനായി കൊണ്ഗ്രെസ്സ് നീക്കി വക്കുന്നു. ഇടതു കോട്ട ആയ മടവൂരില്‍ ഇടതു പക്ഷത്തിന്‍റെ കണക്ക് അനുസരിച്ച് ആയിരം വോട്ടിന്‍റെ ലീഡ്‌ ആണെങ്കില്‍ കൊണ്ഗ്രെസ്സിന്റെ കണക്ക് അനുസരിച്ച് ആയിരത്തി ഇരുന്നൂറ്റി അമ്പതു വോട്ടിനു മടവൂരില്‍ രഹീം ലീഡ്‌ ചെയ്യും.
മടവൂരില്‍ ഇടതു പക്ഷത്തിന്‍റെ അടിത്തറ കഴിഞ്ഞ പഞ്ചായത്ത് ഇലക്ഷനില്‍ തന്നെ ഇളകിയിരുന്നു.
ഇടവായില്‍ കഴിഞ്ഞ തവണത്തെ പോലെ തന്നെ ആയിരത്തോളം വോട്ടിന്‍റെ ലീഡ്‌ വര്‍ക്കല കഹാര്‍ പ്രതീക്ഷിക്കുന്നു.വര്‍ക്കല മുനിസിപ്പാലിറ്റിയില്‍ മൂവായിരത്തോളം വോട്ടിന്‍റെ ലീഡ്‌ കിട്ടും എന്ന് കൊണ്ഗ്രെസ്സ് പറയുമ്പോഴും അതിലും കൂടും എന്നാണു നിഷ്പക്ഷര്‍ പറയുന്നത്.
മുന്‍പ് ഇടതു കോട്ട ആയിരുന്ന ഇലകമണ്‍ പഞ്ചായത്തില്‍ ആയിരത്തി അഞ്ഞൂറ് വോട്ടിന്‍റെ ലീഡ്‌ കൊണ്ഗ്രെസ്സ് പിടിക്കും എന്ന് പറയുന്നതിനെ ഇലകമണ്‍ ഇടതു പക്ഷം എതിര്‍ക്കാന്‍ വഴിയില്ല.
കോണ്ഗ്രസ്സിന് വന്‍ വേരുകള്‍ ഉള്ള വെട്ടൂരില്‍ അഞ്ഞൂറ് വോട്ടിന്‍റെ ലീഡ്‌ മാത്രമേ പ്രതീക്ഷിക്കുന്നുള്ളൂ.വെട്ടൂരില്‍ കൊണ്ഗ്രെസ്സിനു ചില പ്രശ്നങ്ങള്‍ ഉണ്ടായിരുന്നു എന്ന കാര്യത്തിനെ ഇതുമായി കൂട്ടി വായിക്കാം.എന്നാല്‍ ഇടതു കോട്ട ചെമ്മരുതിയില്‍ എഴുനൂറ്റി അമ്പതു വോട്ടിനു വര്‍ക്കല കഹാര്‍ ലീഡ്‌ ചെയ്യും. ചെമ്മരുതി കഴിഞ്ഞ പഞ്ചായത്ത് ഇലക്ഷനില്‍ കോടിയുടെ നിറം മാറിയിരുന്നു.പള്ളിക്കല്‍ അഞ്ഞൂറ് വോട്ടിന്‍റെ ലീഡ്‌ കൊണ്ഗ്രെസ്സ് കിട്ടും എന്ന് പറയുന്നു.
എല്ലാം കൂടി ചേര്‍ന്നാല്‍ അയ്യായിരം വോട്ടിനു വര്‍ക്കല കഹാര്‍ ജയിക്കും.
എന്നാല്‍ സാധാരണ ആളുകള്‍ പറയുന്നത് അയ്യായിരം ഒന്നുമല്ല അതിലും കൂടും വര്‍ക്കല കഹാരിന്റെ ലീഡ്‌ എന്നാണു.
അതിനു ചില കാരണങ്ങളും അവര്‍ നിരത്തുന്നു.
രഹീം ഒരു അന്യ നാട്ടുകരാന്‍. വര്‍ക്കല കഹാര്‍ സ്വന്തം നാട്ടുകാരന്‍. പ്രഗല്‍ഭരായ ഗുരുദാസനെയും സുന്ദരേശനെയും തോപിക്കാംഎങ്കില്‍ ഈ പുതു മുഖത്തെ എളുപ്പത്തില്‍ തോല്പ്പിക്കാം എന്ന് പറയുന്നു.അത്ര എളുപ്പം അല്ല എന്ന് വര്‍ക്കല കഹാര്‍ പറയുന്നു.എങ്കിലും ജയിക്കും എന്ന കാര്യത്തില്‍ സംശയം ഇല്ല .
കേരളത്തിലെ മറ്റു മണ്ഡലങ്ങളിലെ പോലെ വര്‍ക്കലയിലും ഇത്തവണ ഹൈടെക്ക് പ്രചാരണം ആയിരുന്നു. ഫേസ്‌ബുക്ക്‌ തുടങ്ങി ഇന്റര്‍നെറ്റിലൂടെ ആയിരുന്നു വന്‍ പ്രചാരണം നടന്നത്. മെയിലുകള്‍ വഴി അനാവശ്യം പ്രചരിപ്പിച്ചു എന്ന കാര്യത്തില്‍ ഇരുകൂട്ടരും സൈബര്‍ കേസുകള്‍ കൊടുക്കുകയും ചെയ്തിട്ടുണ്ട്.
വര്‍ക്കല കഹാരിന്റെ ഇന്‍റര്‍നെറ്റ് പ്രചാരണത്തിന് ചുക്കാന്‍ പിടിച്ചത് ഈ ഉള്ളവന്‍ ആണെന്ന് കൂടി ഈ അവസരത്തില്‍ പറയട്ടെ.
നാട്ടില്‍ ചെയ്ത വികസനങ്ങള്‍ ചെറുപ്പക്കാരില്‍ എത്തിക്കുന്നതിനു നല്ല മാധ്യമം ഇന്റര്‍ നെറ്റ് ആണെന്നുള്ള കാര്യം ഈ ഇലക്ഷനില്‍ മനസ്സിലായി.യുവാവായ തനിക്ക് വര്‍ക്കലയിലെ യുവജനങ്ങള്‍ വോട്ടു ചെയ്യും എന്ന് രഹീം അവകാശപ്പെടുമ്പോഴും,യുവാക്കള്‍ക്ക് വര്‍ക്കല കഹാരിനോടുള്ള സ്നേഹം അറിയണം എങ്കില്‍ അദ്ധേഹത്തിന്റെ ഫേസ്‌ ബുക്ക്‌ ഓര്‍ക്കൂട്ട് പ്രൊഫൈല്‍ നോക്കിയാല്‍ മതിയാകും.അതിലൊക്കെ കൂടി യുവാക്കള്‍ നല്‍കിയ ആശംസകള്‍ വോട്ടായി മാറുക ആണെങ്കില്‍ വര്‍ക്കല കഹാരിന്റെ ഭൂരിപക്ഷം പതിനായിരത്തില്‍ ഒതുങ്ങില്ല തന്നെ.
വികസനങ്ങള്‍ ഒത്തിരി നടത്തിയെങ്കിലും വര്‍ക്കലക്കാര്‍ ഏറെ ഇഷ്ടപ്പെടുന്നത് വര്‍ക്കല കഹാരിന്റെ സാന്നിധ്യം ആണ്. ആ സാന്നിധ്യം ഇനിയം ഉണ്ടാകാന്‍ വേണ്ടി വോട്ടു ചെയ്തു എന്ന് തന്നെ വിശ്വസിക്കുന്നു. അയ്യായിരത്തിനും പതിനായിരത്തിനും ഇടയില്‍ വോട്ടുകള്‍ക്ക് വര്‍ക്കല കഹാര്‍ ജയിക്കും എന്ന് തന്നെ ഉറപ്പിച്ചു പറയാന്‍ മലയാളിക്ക് അതിനാല്‍ കഴിയും.

ആഗോള നിരോധനം....

2011-05-03T02:34:00.001+05:30

അങ്ങനെ എന്‍ഡോസള്‍ഫാനും ലോകമാകെ നിരോധിച്ചു.നിരോധനം എന്ന് പറഞ്ഞാല്‍ ഉപാധികളോടെ ഉള്ള നിരോധനം. പത്തു വര്ഷം കഴിഞ്ഞാലേ പൂര്‍ണ്ണമായും നിരോധിക്കാന്‍ കഴിയൂ.കുറെ വര്‍ഷങ്ങള്‍ ആയി കാസര്‍ഗോഡ്‌ ഒരു പഞ്ചായത്തിലെ ജനങ്ങള്‍ അനുഭവിക്കുന്ന ദുരിതം ഒരു സുപ്രഭാതത്തില്‍ ഒരു വലിയ കൂട്ടായ്മ ആയി രൂപം പ്രാപിക്കുന്നു. അതിപ്പോള്‍ കാസര്‍ഗോഡും കടന്നു കേരളവും ഇന്ത്യയും കടന്നു ലോകം ആകെ ഉറ്റു നോക്കിയ ഒരു സംഭവം ആക്കി.
ഇതില്‍ വളരെ രസകരമായ ഒരു സംഭവം ആണ് വെള്ളിയാഴ്ചത്തെ ഹര്‍ത്താല്‍...
എന്തിനും ഏതിനും ചാടി ഹര്‍ത്താല്‍ നടത്തുന്ന ഇടതു പക്ഷം ഇതിനും ഹര്‍ത്താല്‍ പ്രഖ്യാപിച്ചു..
എന്തിനു വേണ്ടി എന്ന് അറിയുമ്പോള്‍ അല്ലെ ചിരി വരുന്നത്.
കേരളത്തില്‍ നിരോധിച്ച എന്‍ഡോസള്‍ഫാന്‍ വീണ്ടും നിരോധിക്കണം എന്ന ആവശ്യം ഉന്നയിച്ചാണ് വെള്ളിയാഴ്ച ഹര്‍ത്താല്‍.
ഉമ്മന്‍ ചാണ്ടി പത്ര സമ്മേളനം നടത്തുന്നത് വരെ ഇടതു പക്ഷം ഒന്നും ജനങ്ങളോട് പറഞ്ഞില്ല എന്‍ഡോ സള്‍ഫാന്‍ കേരളത്തില്‍ നിരോധിചിട്ടുന്ടെന്നു. എ.കെ.ആന്‍റണി മുന്‍കൈ എടുത്തു ആണ് കേന്ദ്ര സര്‍ക്കാരിനെക്കൊണ്ട് കേരളത്തില്‍ എന്‍ഡോ സള്‍ഫാന്‍ വില്‍ക്കുന്നതും, ഉപയോഗിക്കുന്നതും.ഉല്‍പാദിപ്പിക്കുന്നതും നിരോധിച്ചത്.
അച്ചുതാനന്ദന്‍ കസേരയില്‍ എത്തിയപ്പോഴേക്കും നിയമം നടപ്പിലായിരുന്നു. എന്നിട്ട് നാളിതു വരെ കേരളത്തില്‍ എവിടെയെങ്കിലും ഈ നിരോധിത വസ്തു ഉപയോഗിക്കുന്നതായോ വില്‍ക്കുന്നതായോ മറ്റോ സര്‍ക്കാര്‍ പറയുന്നില്ല. പിന്നെ എന്തിനാ ഈ സമരം. അതായത് കേരളത്തില്‍ നിലവില്‍ ഇല്ലാത്ത ഒരു സാധനം നിരോധിക്കണം എന്ന് പറഞ്ഞു ഉള്ള സമരം എന്തിനാ. അതും നിലവില്‍ നിരോധിച്ച ഒരു സാധനം വീണ്ടും നിരോധിക്കണം എന്നുള്ളത് എന്തിനാ?
അതിനെക്കുറിച്ച് ചാനല്‍ ആയ ചാനല്‍ എല്ലാം റിപ്പോര്‍ട്ട് കൊടുത്തു. അതായത് കേന്ദ്ര സര്‍ക്കാര്‍ കേരളത്തില്‍ നിരോധിച്ച എന്‍ഡോ സള്‍ഫാന്‍ കേരളത്തിലെ എല്ലാ കടകളിലും വാങ്ങാന്‍ കിട്ടും. ഇപ്പോഴും കേരളത്തിലെ എല്ലാ കൃഷി സ്ഥലങ്ങളിലും ഇത് ഉപയോഗിക്കുന്നു.
മറ്റു സംസ്ഥാനങ്ങളില്‍ നിന്നും ഒരു പരിശോധനയും ഇല്ലാതെ കേരളത്തിലെ ചെക്ക്‌ പോസ്റ്റുകളിലൂടെ എന്‍ഡോസള്‍ഫാന്‍ കടന്നു വരുന്നു.
അപ്പോള്‍ അത് ആരുടെ കുഴപ്പം. ഭരിക്കുന്നവനു കാര്യക്ഷമം ആയി ഭരണ യന്ത്രം ഉപയോഗിക്കാന്‍ അറിയാതതുകൊണ്ടല്ലേ ഇങ്ങനെ സംഭവിക്കുന്നത്?
അപ്പോള്‍ അച്ചുതാനന്ദന്‍ സ്വന്തം പരാജയം മറച്ചു വച്ച് കൊണ്ടല്ലേ ഈ സമരത്തിന്റെ മുന്നില്‍ നില്‍ക്കുന്നത്.
അതെ. നമ്മള്‍ ഈ കപട മുഖം തിരിച്ചറിയണം.സ്വന്തം കഴിവ് കേടിനെ ഒളിപ്പിക്കാന്‍ നിരാഹാരം കിടക്കുക, പിന്നെ ഒരു ഹര്‍ത്താല്‍ നടത്തുക ....
ആഗോള നിരോധനം വന്ന ഉടനെ മുഖ്യമന്ത്രി പത്രസമ്മേളനം നടത്തി വിജയം ആസ്വദിച്ചു.
ഒരു കാര്യം ആ മുഖ്യനോട്‌ ചോദിക്കാതെ തരമില്ല.
ഈ ആഗോള നിരോധനം കൊണ്ട് കേരളത്തിന്‌ എന്തെങ്കിലും നേട്ടം ഉണ്ടോ? ആഗോള നിരോധനം കേരളത്തില്‍ നടപ്പില്‍ വരുത്തുമോ?
ആഗോള നിരോധനം ആണോ കേരളത്തിന്‌ നല്ലത് അതോ കേന്ദ്ര സര്‍ക്കാര്‍ നേരത്തെ കേരളത്തില്‍ നിരോധിച്ചതാണോ കേരളത്തിന്‌ നല്ലത്.
ഇതിനു ഉത്തരം പറയാന്‍ എല്ലാവരും ഇത്തിരി ബുദ്ധിമുട്ടും.
കാരണം ആഗോള നിരോധനം അനുസരിച്ച് ചില ഇനം കൃഷികള്‍ക്കു ഈ കീടനാശിനി ഉപയോഗിക്കാം. പത്തു വര്ഷം വരെ. അതായത് അതിന്റെ മറവില്‍ വേറെ കൃഷിക്കും ഇത് ഉപയോഗിക്കപ്പെടും എന്നല്ലേ..
പക്ഷെ കേന്ദ്ര സര്‍ക്കാര്‍ മുന്‍പ് നടപ്പിലാക്കിയ നിരോധനം അനുസരിച്ച് ഈ സാധനം കേരളത്തില്‍ ഉപയോഗിക്കാന്‍ പാടില്ല എന്നാണു.
അപ്പോള്‍ സ്വീകരിക്കേണ്ടത് എന്താണ്.
ഒരു നിരാഹാരവും ഹര്‍ത്താലും നടത്തി നമ്മള്‍ നേടിയത് ലാഭമോ അതോ നഷ്ടമോ?
കേരളത്തില്‍ നിരോധനം നിലവില്‍ ഇരിക്കെ ഇത് ഇവിടെ സുലഭം ആയി ഉപയോഗിച്ചവര്‍ ഇനി ഉപയോഗിക്കാതിരിക്കുമോ?
ഇതിനെതിരെ സമരം നടത്തിയവുടെ കപട മുഖം കൂടി നമ്മള്‍ അറിയണം.
കാസര്‍ഗോഡ്‌ ദുരന്തം കാരണം എന്താണ്.
പ്ലാന്റേഷന്‍ കോര്‍പറേഷന്‍ ഹെലികോപ്ടരില്‍ എന്‍ഡോസള്‍ഫാന്‍ തളിച്ചത് കൊണ്ടാണ് അവിടെ ദുരന്തം ഉണ്ടായത്.
പ്ലാന്റേഷന്‍ കോര്‍പറേഷന്‍ ആരുടെതാണ്.
പൂര്‍ണ്ണമായും കേരള സര്‍ക്കാരിന്റെ ആണ് ഈ കോര്‍പറേഷന്‍.
അപ്പോള്‍ ഈ ദുരന്തത്തിന്റെ ഉത്തരവാദിത്തം പൂര്‍ണമായും കോര്പരെഷനും സര്‍ക്കാരിനും ആണ്.
ഇങ്ങനെ ഒരു നടപടി സ്വീകരിച്ച അതിലെ ഒരു ഉദ്യോഗസ്ഥനെതിരെയും സര്‍ക്കാര്‍ നടപടി എടുത്തില്ല. ദുരന്തത്തിന് ഇരയായവര്‍ക്ക് ഇവര്‍ ഒരു സഹായവും നല്‍കിയതും ഇല്ല. അവര്‍ക്കെതിരെ ആരും സമരം നടത്തിയതും ഇല്ല. കാരണം അവിടെ ഇടതു പക്ഷ യൂണിയന്‍ ആണ്.
മാത്രമല്ല കേന്ദ്രം നിരോധിച്ചിട്ടും ഇവര്‍ വ്യാപകമായി ഈ കീടനാശിനി ഇപ്പോഴും ഉപയോഗിക്കുന്നു.
ഇപ്പോള്‍ നടത്തിയ ഹര്‍ത്താലില്‍ ഈ കോര്പരെഷനിലെ ഒരു ജീവനക്കാരനും പങ്കെടുത്തില്ല എന്നത് കൂടി വായിക്കുമ്പോള്‍ ഇടതു പക്ഷത്തിന്റെ ഇരട്ടതാപ് നമുക്ക് മനസ്സിലാകും.
പന്ത്രണ്ടു വര്‍ഷമായി ഇതിനെതിരെ സമരത്തില്‍ ആണെന്ന് പറഞ്ഞ മുഖ്യമന്ത്രി ഒരു കാര്യം മറന്നോ?
അവിടെ ദുരന്തത്തിന് ഇരയായ അറുനൂറു കുടുംബങ്ങള്‍ക്ക് നഷ്ട പരിഹാരം ആയി അമ്പതിനായിരം രൂപ കൊടുക്കും എന്ന് പറഞ്ഞിട്ട് നാളിത്ര ആയിട്ടും ആകെ നൂറ്റി എഴുപതു പേര്‍ക്ക് മാത്രമേ കൊടുത്തുള്ളൂ. ബാക്കി ഉള്ളവര്‍ മരിച്ചു കഴിഞ്ഞാല്‍ എങ്കിലും കിട്ടും ആയിരിക്കും അല്ലെ?
മുഖ്യ മന്ത്രിയുടെ നിരാഹാരദിവസം സെക്രട്ടറിയേറ്റിനു മുന്നില്‍ വേറെ ഒരനീതി കൂടി നടന്നു.
എന്‍ഡോസള്‍ഫാന്‍ നിരോധനം ആവശ്യപ്പെട്ടു ആഴ്ചകളായി ഒരു കൂട്ടം ആളുകള്‍ അവിടെ നിരാഹാരം കിടക്കുകയാണ്. പരിസ്ഥിതി പ്രവര്‍ത്തകര്‍ ആണ് .
ഈ പൊരിഞ്ഞ വെയിലത്ത്‌ ദിവസങ്ങള്‍ ആയി അവര്‍ അവിടെ സമരം ചെയ്യുന്നു. പന്തല്‍ കെട്ടാന്‍ പോലീസ്‌ അനുവദിച്ചില്ല. സെക്രട്ടറിയേറ്റിന്റെ മുന്നില്‍ പന്തല്‍ കെട്ടാന്‍ നിയമം ഇല്ല എന്നായിരുന്നു അന്ന് പറഞ്ഞത്.
പക്ഷെ കേരള മുഖ്യ മന്ത്രി നിരാഹാരം കിടക്കാന്‍ വന്നപ്പോള്‍ ഈ നിയമം മാറ്റി എഴുതിയിട്ടാണ് വന്നത് എന്ന് തോന്നുന്നു.
അവിടെ പന്തലും ഇട്ടു. കട്ടിലും വച്ച് . മൈക്കും വച്ചു . ഫാനും വച്ചു .
എന്തൊക്കെ ചെയ്യാമോ അതൊക്കെ ചെയ്തു. അപ്പോള്‍ മുഖ്യമന്ത്രിക്ക് നിയമം വേറെ. സാധാരണക്കാര്‍ക്ക് നിയമം വേറെ അല്ലെ?
പ്രസംഗം കഴിഞ്ഞ ഉടനെ കിടന്നു പോയ മുഖ്യ മന്ത്രി തലേ ദിവസമേ നിരാഹാരം തുടങ്ങി എന്ന് നമുക്ക് പറയാം.
എ സി ഒക്കെ വച്ചു നിരാഹാരം നടത്തിയ കരുണാനിധിയെ കളിയാക്കിയ കേരള യുവത ഈ ചെയ്തികളെ എവിടെയും കളിയാക്കി കണ്ടതും ഇല്ല.
എന്ത് വിരോധാഭാസം അല്ലെ?
പെട്ടെന്ന് തന്നെ ഈ സമരത്തിന്റെ മുന്നില്‍ ഇയാള ചാടി വീണതിന്റെ പിന്നിലുള്ള കാര്യങ്ങള്‍ ഒക്കെ നാട്ടുകാരെക്കാലും പാര്‍ട്ടിക്കാര്‍ക്ക് അറിയാമായിരിക്കും അല്ലെ?

ആഗസ്റ്റ്‌-15

2011-04-27T02:03:00.000+05:30

പണ്ട് പണ്ട്. അതായത് ഇരുപത്തി രണ്ടു വര്‍ഷങ്ങള്‍ക്കു മുന്‍പ് സിബി മലയില്‍ ആഗസ്റ്റ്‌ ഒന്ന് എന്ന പേരില്‍ ഒരു സിനിമ ഇറക്കിയിരുന്നു.തിരക്കഥ എസ് എന്‍ സ്വാമി ആയിരുന്നു. പെരുമാള്‍ എന്ന പോലീസുകാരനായി മമ്മൂട്ടി അടിച്ചു പൊളിച്ച സിനിമ ആയിരുന്നു അത്. കുടുംബ ചിത്രങ്ങള്‍ മാത്രം ചെയ്ത സിബി മലയില്‍ ആദ്യമായി ഒരു ആക്ഷന്‍ സിനിമ എടുതതതായിരുന്നു അത്. ആദ്യം സിനിമയുടെ പേര് ആഗസ്റ്റു പതിനഞ്ചു എന്നാക്കി. ആരുടെയോ പരാതി പ്രകാരം ആഗസ്റ്റ്‌ ഒന്ന് എന്ന് പേര് മാറ്റുകയായിരുന്നു അന്ന്.ഇത്രയും വര്‍ഷങ്ങള്‍ക്കു ശേഷം ആ സിനിമ പുനരവതരിക്കുമ്പോള്‍ സംവിധായകന്‍ മാത്രം മാറുന്നു. സിബി മലയിലിന് പകരം ആക്ഷന്‍ ചിത്രങ്ങളുടെ രാജാവ് ആയ ഷാജി കൈലാസ്‌ ആയി എന്ന മാറ്റം മാത്രം.

സുനിതാ പ്രൊഡക്ഷന്‍സിന്റെ എം മണിയുടെ അന്‍പത്തി ഒന്‍പതാം ചിത്രമാണ് ആഗസ്റ്റ്‌ ഒന്ന്. മമ്മൂട്ടിയും അദ്ധേഹത്തിന്റെ ആരാധകരും വെറുക്കുന്ന രണ്ടു ചിത്രങ്ങള്‍ അടുത്ത കാലത്ത് ഇറങ്ങിയിരുന്നു. എസ് എന്‍ സ്വാമി അവസാനം തിരക്കഥ എഴുതിയ ബല്‍റാം വേഴ്സസ് ബല്‍റാം, ഷാജി കൈലാസ്‌ മമ്മൂട്ടിയെ വച്ച് എടുത്ത അവസാനത്തെ സിനിമ ആയ ദ്രോണ എന്നിവയെ ആളുകള്‍ പുറം കാലു കൊണ്ട് തട്ടി എറിഞ്ഞതാണ്. ആ തിരക്കഥാ കൃത്തും സംവിധായകനും ഇവിടെ ഒന്നിച്ചപ്പോള്‍ ആ രണ്ടു സിനിമയേക്കാളും നല്ലത് ആയിരിക്കും എന്ന് മമ്മൂട്ടി എങ്കിലും പ്രതീക്ഷിച്ചു കാണും. അതിനേക്കാളൊക്കെ മുന്നിലായെന്കിലും ഒറ്റ വാക്കില്‍ പറഞ്ഞാല്‍ വെറുതെ ഒരു കൂതറ പടം ആയിപ്പോയി എന്ന് പറയേണ്ടി വരുന്നു ഈ ആഗസ്റ്റ്‌ പതിനഞ്ചു.

ദ ഡേ ഓഫ് ജക്കാള്‍ എന്ന വിദേശ സിനിമയുടെ മലയാളം പതിപ്പ് ആയിരുന്നു പഴയ ആഗസ്റ്റ്‌ ഒന്ന്. അതിന്റെ തന്നെ പുതുക്കിയ പതിപ്പ് ആയി കാണാം പുതിയ ആഗസ്റ്റ്‌ പതിനന്ചിനെ. എന്നാല്‍ പുതിയ സിനിമയുടെ അവസാന രംഗങ്ങള്‍ ആകട്ടെ കഴിഞ്ഞ വര്‍ഷത്തെ ഒരു വിദേശ സിനിമയുടെ അനുകരണം ആയിപ്പോയി. ഇന്‍ഗ്ലോറിയസ് ബാസ്റ്റഡ സ് എന്ന ചിത്രത്തില്‍ നിന്നും ആണ് അതൊക്കെ എടുത്തത്‌....

ഒരു കാലത്ത് കുറ്റാന്യോഷണ സിനിമകളുടെ തല തോട്ടപ്പന്‍ ആയിരുന്ന എസ്.എന്‍.സ്വാമിയുടെ ദയനീയ പരാജയം ആണ് ഈ സിനിമയിലെ തിരക്കഥ എന്നത് പതുക്കെ പറഞ്ഞാല്‍ പോര.

ആഗസ്റ്റ്‌ ഒന്ന് എന്ന പഴയ സിനിമയുടെ പ്രധാന ആകര്‍ഷണം അതിലെ മുഖ്യമന്ത്രി തന്നെ ആയിരുന്നു. സുകുമാരന്‍ അഭിനയിച്ച ആ മുഖ്യമന്ത്രി വേഷം മലയാളികളുടെ മനസ്സില്‍ ഇപ്പോഴും മായാതെ കിടപ്പുണ്ട് എന്നത് ഓര്‍ക്കാതെ ആണ് പുതിയ ആഗസ്റ്റ്‌ ഒന്നില്‍ അച്യുതാനന്ദനെ മോഡല്‍ ആക്കി നെടുമുടി വേണുവിന് മുഖ്യമന്ത്രി റോള്‍ കൊടുത്തത്.

പക്ഷെ അതൊരു വന്‍ പരാജയം ആയിപ്പോയി. ഒന്നുകില്‍ അച്യുതാനന്ദനെ തന്നെ അനുകരിക്കാന്‍ പറയാം ആയിരുന്നു. അല്ലെങ്കില്‍ നെടുമുടിയുടെ ഇഷ്ടപ്രകാരം വിട്ടുകൊടുക്കാംആയിരുന്നു. ഇത് ഇപ്പോള്‍ രണ്ടിനും ഇടയില്‍ കിടന്നു എവിടെയും എത്താത്ത ഒരു കഥാ പാത്രം ആയിപ്പോയി എന്ന് പറയാം.

പിന്നെ സായി കുമാര്‍ അഭിനയിച്ച പാര്‍ട്ടി സെക്രട്ടറി വേഷം...

മേക്കപ്പ് കൊണ്ട് പിണറായിയെ അനുകരിക്കുന്നു. ആദ്യത്തെ കുറെ കുറെ കഥാപാത്രങ്ങളുടെ സംഭാഷണം കൊണ്ട് അത് പിണറായി വിജയനെ അനുകരിപ്പിക്കുന്നത് ആണ് എന്ന് മനസ്സിലാക്കാം. പക്ഷെ അവിടെയും സംവിധായകന് പരാജയം അല്ലെ സംഭവിച്ചത്.

ഈ രണ്ടു കഥാപാത്രങ്ങളുടെയും മേക്കപ്പ് കണ്ടാല്‍ ഏഷ്യാനെറ്റിലെ വോഡഫോണ്‍ കോമഡി ഷോയില്‍ അഭിനയിക്കുന്നവരെ ഓര്‍മ്മിപ്പിക്കും.

കഷ്ടം എന്നല്ലാതെ എന്ത് പറയാന്‍.

ഇത് ഒരു പെയ്ഡ്‌ സിനിമ ആണ് എന്ന ആരോപണം പല മാധ്യമങ്ങളിലും കണ്ടിരുന്നു. ആ വിലയിരുത്തലില്‍ ആണ് കണ്ടതും.

പക്ഷെ എനിക്ക് അങ്ങനെ തോന്നിയില്ല.

കാരണം ഇത് ഒരു കമ്മ്യൂണിസ്റ്റ്‌ സഹായ സിനിമ ആയിരുന്നെങ്കില്‍ അതിന്റെ അവസാനം ഇങ്ങനെ ആക്കില്ലായിരുന്നു. മുഖ്യ മന്ത്രിയെ ഇതില്‍ വലിയവന്‍ ആക്കി കാണിക്കുന്നില്ല.എന്നാല്‍ സായി കുമാറിന്റെ പാര്‍ട്ടി സെക്രട്ടറിയെ അതായത് പിണറായിയെ നല്ലവന്‍ ആയി ചിത്രീകരിക്കുന്നുണ്ട്. പക്ഷെ അവസാനം വില്ലന്‍ ആയി കാണിക്കുന്നത് ഒരു വലിയ സഖാവിനെയും കുറെ സഖാക്കളെയും തന്നെയാണ്. അങ്ങനെ ഒരു അവസാനം വന്നത് കൊണ്ട് തന്നെ ആയിരിക്കണം കമ്മ്യൂണിസ്റ്റുകാര്‍ പോലും തിയേറ്ററില്‍ ഈ സിനിമയെ തഴഞ്ഞത്....

അവസാനം വരെ സാധുവായ ഒരു സഖാവിനെ വില്ലന്‍ ആക്കിയത് ഒരു കല്ല്‌ കടിയായി തന്നെ അവശേഷിക്കുന്നു.

അടുത്ത കാലത്തായി ഷാജി കൈലാസിന്‍റെ സിനിമകളില്‍ കണ്ടിരുന്ന ഓവര്‍ ആയുള്ള ക്യാമറയുടെ ചലനങ്ങളും മിക്സിങ്ങും ഒക്കെ ഇതില്‍ ഒഴിവാക്കിയത് ആശ്വാസം

ഒരു കാര്യം ചോദിച്ചാല്‍ ഷാജി കൈലാസും എസ് എന്‍ സ്വാമിയും എന്നെ അടിക്കുമോ എന്തോ?

പാതിരാത്രിക്ക് ഉറക്കം എഴുന്നേറ്റ്‌ വിക്കിപീടിയ നോക്കുന്നത് ആണ് കുറ്റാന്യോഷണം എന്ന് നിങ്ങളോട് ആര് പറഞ്ഞു തന്നു?

വീട്ടിനകത്തും കൂളിംഗ് ഗ്ലാസ്‌ വച്ച് നടക്കാന്‍ മമ്മൂട്ടിക്ക് പറഞ്ഞു കൊടുത്തത് ഒക്കെ ഇത്തിരി കടുത്തു പോയി എന്ന് പറയാതെ വയ്യ.

ആഗസ്റ്റ്‌ ഒന്നിലെ പെരുമാളിലെ വേഷം മമ്മൂട്ടിക്ക് ഇണങ്ങിയ വേഷം ആയിരുന്നു എങ്കില്‍ ആഗസ്റ്റ്‌ പതിനന്ചിലെ വേഷം ഒട്ടും ചേരുന്നില്ല എന്ന് തന്നെ പറയാം.

വെറുതെ ബുള്ളറ്റില്‍ കറങ്ങലും ഒക്കെ ആയി മമ്മൂട്ടിയെക്കൊണ്ട് എന്തൊക്കെയോ ചെയ്യിപ്പിക്കുന്നു.പ്രായം കുറഞ്ഞു തന്നെ തോന്നിപ്പിക്കുന്നു എങ്കിലും മമ്മൂട്ടിയെ കൊണ്ട് സംവിധായകന്‍ കാര്യമായി ഒന്നും ചെയ്യിപ്പിച്ചില്ല ഈ പടത്തില്‍.

വില്ലനായി സിദ്ധീഖ് തിളങ്ങി തന്നെ നില്‍ക്കുന്നു. പാര്‍ട്ടി സെക്രട്ടറിയായി വരുന്ന സായികുമാറിന് പ്രത്യേകിച്ച് ഒന്നും ചെയ്യാന്‍ ഇല്ലാത്ത ഒരു വേഷം ആയിപ്പോയി. പിണറായി ആകാനുള്ള ശ്രമം പല സ്ഥലത്തും പാളിപ്പോകുന്നുണ്ട്.

മുഖ്യമന്ത്രിയുടെ അടുപ്പക്കാരന്‍ ആയി ജഗതി കുഴപ്പമില്ല എന്ന് പറയാം.കൂട്ടത്തില്‍ കയ്യടിക്കുള്ള അഭിനയം ലാല് അലക്സിന്റെ കോമാളി പോലീസുകാരന്‍ തന്നെ.തലൈ വാസല്‍ ഷെല്‍വിയുടെ പോലീസ്‌ ഓഫീസര്‍ തരക്കേടില്ല എന്ന് പറയണം. ബാലചന്ദ്രന്‍ ചുള്ളിക്കാടിന്‍റെ വേഷം അഭിനന്ദനം അര്‍ഹിക്കുന്നു. എങ്കിലും ഇതേ പോലെ ഒരു വേഷം ആയിരുന്നു അദ്ധേഹത്തിനു സകുടുംബം ശ്യാമളയിലും കിട്ടിയത് എന്നുള്ളത് ഓര്‍മ്മ വരുന്നു. വേഷവും അഭിനയവും ആണ് ഞാന്‍ ഉദ്ദേശിച്ചത്.ഹരിശ്രീ അശോകന്‍ ബിജു പപ്പന്‍ കൃഷ്ണ തുടങ്ങിയവര്‍ അവരുടെ വേഷങ്ങള്‍ ഭംഗിയാക്കി എന്ന് പറയാം. നായികമാര്‍ എന്ന പേരില്‍ ശ്വേതമേനോന്‍ മേഖ്ന എന്നിവരെ വെറുതെ നോക്ക് കുത്തി ആക്കി എന്ന് പറയാം.

ക്യാമറ ചലിപ്പിച്ച പ്രദീപ്‌ നായര്‍ ഒരു പരാജയം ആയിരുന്നു. അദ്ധേഹത്തിന്റെ ആദ്യ ചിത്രം കോക്ടയില്‍ ആണെന്ന് ഓര്‍മ്മ വരുമ്പോള്‍ ആണ് അത്ഭുതപ്പെടുന്നത്. അതില്‍ സുപ്പര്‍ എന്ന് പറയാവുന്ന വര്‍ക്ക്‌ ആയിരുന്നു.

കലാ സംവിധാനം നടത്തിയ ബോബന്‍ ഒട്ടും അഭിനന്ദനം അര്‍ഹിക്കുന്നില്ല.

ആരോ പറയുന്നത് കേട്ടു... സൈബര്‍ സെല്‍ എന്ന് കാണിക്കാന്‍ വേണ്ടി ചുറ്റിനും റിബണ്‍ കെട്ടുന്നതിന് പകരം ഒരു ബോര്‍ഡ്‌ വച്ചാല്‍ പോരായിരുന്നോ എന്ന്.

ഭൂമിനാഥന്‍ എഡിറ്റിംഗ് ജോലി ഭംഗിയാക്കാന്‍ ശ്രമിച്ചില്ല. പല രംഗങ്ങളും രിപീറ്റ്‌ ചെയ്തു വൃത്തികേട് ആക്കി എന്ന് പറയണം.

പഴയ ആഗസ്റ്റ്‌ ഒന്നില്‍ പ്രയോഗിച്ച പശ്ചാത്തല സംഗീതം ഇതിലും ചില സ്ഥലത്ത് ഉപയോഗിച്ച് എന്ന് വരുത്തി. പക്ഷെ അതിനെ വേണ്ട രീതിയില്‍ കൊടുത്തിരുന്നെങ്കില്‍ ഒരു ആക്ഷന്‍ മൂട് ഒക്കെ വരുമായിരുന്നു. ഇരുപതാം നൂറ്റാണ്ട് ന്യൂടെല്‍ഹി തുടങ്ങി കുറെ ഹിറ്റ്‌ സിനിമകളിലെ ഹൈ ലൈറ്റ് ആയിരുന്നു ഒരേ രീതിയിലുള്ള ചെറിയ മാറ്റം മാത്രമുള്ള ആ സംഗീതം.

രാജാമണി അനവസരങ്ങളില്‍ പല സ്ഥലത്തും വലിയ ഒച്ചയില്‍ പല സംഗീതവും കൊടുത്തിട്ടുണ്ട്‌.

അവസാന രംഗം തീയേറ്റര്‍ കത്തുന്നതായി കാണിക്കുന്നു എന്നത് മനസ്സിലാകണം എങ്കില്‍ സിനിമ വീണ്ടും കാണേണ്ടി വരും എന്ന് സാധാരണ പ്രേക്ഷകര്‍.

പളനി രാജിന്‍റെ സംഘട്ടന രംഗങ്ങള്‍ ഒക്കെ നനഞ്ഞ പടക്കം പോലെ ചീറ്റിപ്പോയി എന്ന് തന്നെ പറയണം.

വളരെ ശ്രദ്ധിച്ചു സിനിമകള്‍ സെലക്റ്റ്‌ ചെയ്യുന്ന മമ്മുട്ടിയെ മാത്രം ആണ് ഈ സിനിമയുടെ പോരായ്മകള്‍ക്ക് കുറ്റം പറയേണ്ടത്.

അല്ലെങ്കില്‍ ഇനിയും ബുള്ളറ്റില്‍ റോന്തു ചുറ്റുന്നതും പാതിരാത്രിയില്‍ വിക്കിപീഡിയ നോക്കുന്നത് കൂളിംഗ് ഗ്ലാസ്‌ വക്കുന്നതും ആയ പടങ്ങള്‍ തന്നെ വീണ്ടും കിട്ടിക്കൊണ്ടിരിക്കും. അത്രമാത്രം.

ക്രിസ്ത്യന്‍ ബ്രദേഴ്സ് ...........

2011-04-21T17:39:00.000+05:30

മൂന്നു വര്‍ഷങ്ങള്‍ക്കു മുന്‍പ് ആണ് മലയാളത്തിലെ ഉത്സവം ആയി താരങ്ങളെ എല്ലാം അണിനിരത്തിയ ട്വന്റി ട്വന്റി എന്ന സിനിമ ജോഷി പുറത്തിറക്കിയത്. സിബി കെ തോമസ്‌ ഉദയകൃഷ്ണ എന്നിവരായിരുന്നു ആ ഉത്സവ സിനിമയുടെ രചന. ഇപ്പോള്‍ പുറത്തിറക്കിയ ജോഷി ചിത്രമായ ക്രിസ്ത്യന്‍ ബ്രതെഴ്സൈന്റെ രചനയും ഇവര്‍ തന്നെയാണ്. പ്രമുഖ താരങ്ങളുടെ എല്ലാം സാന്നിധ്യം ആണ് ഇതിലും സവിശേഷത.

ട്വന്റി ട്വന്റി എടുത്തപ്പോള്‍ മികവിന്റെ കാര്യത്തില്‍ ഏറെ മുന്നില്‍ നിന്ന സംവിധായകന് ഇവിടെ അല്‍പ്പം പതരേണ്ടി വന്നു എന്നുള്ളത് സത്യം. പോരായ്മകള്‍ ഒത്തിരി ഉണ്ടെങ്കിലും ഇത്രയും താരങ്ങളെ ഒക്കെ അണിനിരത്തി നമുക്ക് രുചിക്കുന്ന രീതിയില്‍ ആര്‍ക്കും ഒരു കുറവ് ഉണ്ടാകാതെ ചിത്രം തയ്യാറാക്കാന്‍ ജോഷിക്ക് കഴിഞ്ഞു. മലയാള സിനിമയില്‍ ജോഷിക്ക് മാത്രം കഴിയുന്ന ഒരു പ്രത്യേകത. വന്‍ താര നിരയെ വച്ച് പടം എടുക്കാന്‍ ഐ വി ശശി മിടുക്കന്‍ ആണെങ്കിലും രണ്ടിലേറെ സൂപ്പര്‍ താരങ്ങളെ ഒരുമിച്ചു നിര്‍ത്തി സിനിമ എടുക്കാന്‍ ഈ വര്‍ക്കലക്കാരന്‍ കഴിഞ്ഞിട്ടേ വേറെ ആളുള്ളൂ മലയാള സിനിമയില്‍.

മോഹന്‍ ലാല്‍,ദിലീപ്‌, സുരേഷ് ഗോപി, ശരത് കുമാര്‍, എന്നിവര്‍ നായകന്മാരായും കാവ്യാ മാധവന്‍, കനിക, ലക്ഷ്മി റായ്‌, ലക്ഷ്മി ഗോപാലസ്വാമി, എന്നിവര്‍ നായികമാര്‍ ആയും എത്തുന്നു.

ബാനര്‍ - വര്‍ണചിത്ര ബിഗ്‌ സ്ക്രീന്‍.

നിര്‍മ്മാണം- മഹാ സുബൈര്‍- എ വി അനൂപ്‌.

സാധാരണക്കാരനായ ഒരു പ്രേക്ഷകനെ മുന്നില്‍ നിര്‍ത്തിയാല്‍ ചിത്രം സൂപ്പര്‍ എന്ന് പറയാം. പക്ഷെ പടത്തിന്റെ അകത്തു കയറി ചികഞ്ഞു നോക്കുമ്പോള്‍ എന്തൊക്കെയോ കല്ലുകടികള്‍ ഇല്ലേ എന്നൊരു സംശയം.

ഒരു ചിത്രം നിരൂപണത്തിന് വേണ്ടി കണ്ടാല്‍ പോരായ്മകള്‍ മാത്രമേ ആദ്യം നമ്മുടെ മനസ്സില്‍ ആദ്യം തന്നെ വരൂ.

അങ്ങനെയാണ് ഒരു ചെറിയ വലിയ കാര്യം പിടിച്ചെടുത്തത്.

സിനിമയിലെ മെയിന്‍ വില്ലന് മൂന്നു മക്കള്‍ ആണ്. പകുതി വരെ ഈ മൂന്നു മക്കളും ഉണ്ട്. പക്ഷെ പകുതി കഴിഞ്ഞപ്പോള്‍ ഒരു മകനെ കാണുന്നില്ല. ആ റോള്‍ അഭിനയിച്ച നടന്‍ സുബൈര്‍ കഴിഞ്ഞ ആഗസ്റ്റില്‍ മരിച്ചത് കൊണ്ടാണ് പകുതിക്ക് ശേഷം കാണാതിരുന്നത്. പക്ഷെ കഥയിലും മാറ്റം വരുത്താന്‍ സംവിധായകനും രചയിതാക്കളും ശ്രദ്ധിക്കാത്തത് കൊണ്ടാണ് എന്ന് വ്യക്തം. അമ്മക്ക് വേണ്ടി വിവാഹം കഴിക്കുന്ന മകന്റെ വിവാഹം കഴിഞ്ഞപ്പോള്‍ അമ്മ എവിടെപ്പോയി എന്നത് ചോദിക്കാന്‍ പാടില്ലേ?

കഥയെക്കുറിച്ച് പറയുകയാണെങ്കില്‍ ഈ രചയിതാക്കളുടെ എല്ലാ സിനിമകളുടെയും കൂടെ ഒരു അവിയല്‍ ആണ് ഈ സിനിമ എന്ന് പറയാം.

നമ്മുടെ സൂപ്പര്‍ താരങ്ങളെ മൂന്നു മണിക്കൂര്‍ സൂപ്പര്‍ താരങ്ങളായി തന്നെ കാണാന്‍ ഉള്ള അവസരം ആണ് ജോഷി നമുക്ക് തന്നിരിക്കുന്നത്. പടം തുടങ്ങി അവസാനം വരെ അവരെല്ലാം അവരായി തന്നെ നമുക്ക് ഫീല്‍ ചെയ്യുന്നു. ഇല്ലെങ്കില്‍ ചിടപ്പോള്‍ പടം പോട്ടിപ്പോയേനെ.ഓരോ രംഗങ്ങള്‍ ആയി എടുത്തു നോക്കുമ്പോള്‍ എല്ലാം നമ്മള്‍ എവിടെയൊക്കെയോ കണ്ടത് മാതിരി തോന്നും.അവസാനം അനിയന്റെ തെറ്റ് ഏറ്റെടുത്തു ജയിലില്‍ പോകാന്‍ തയ്യാറാകുന്ന ചേട്ടന്റെ കഥയൊക്കെ മലയാള സിനിമ ഒത്തിരി കണ്ടു മറന്ന കഥയല്ലേ? ജോഷി തന്നെ ഒത്തിരി തവണ പറഞ്ഞു പഴകിയ കഥാവസാനം ആയിപ്പോയി അത്.

കൈതപ്രം ദാമോദരന്‍ നമ്പൂതിരി എഴുതിയ ഗാനങ്ങള്‍ക്ക് ദീപക്‌ ദേവ് ആണ് സംഗീതം. മോഹം കൊണ്ടാല്‍ എന്ന ഗാനം ആണ് കൂട്ടത്തില്‍ മികച്ചത് എന്ന് പറയണം. കേള്‍ക്കാന്‍ ഇമ്പം ഉള്ള ഈ ഗാനം റിമി ടോമിയും നിഖിലും രഞ്ജിത്തും ഒക്കെ ആണ് പാടിയത്. പാട്ട് അടിപൊളി എന്ന് മാത്രമല്ല ചിത്രീകരണവും അടിപൊളി ആയി എന്ന് പറയണം.

എനിക്ക് കേട്ടിരിക്കാന്‍ സുഖം തോന്നിയ ഒരു നല്ല ഗാനം ഇതില്‍ ഉണ്ട്. ആ ഗാനം വീണ്ടും വീണ്ടും കേള്‍ക്കാനും കാണാനും തോന്നുന്നു. ദിലീപും കാവ്യയും കൂടി പാടുന്ന ആ പാട്ട് ഒരു ആശ്വാസം ആണ്. മോഹന്‍ ലാലും ലക്ഷ്മി റായിയും കൂടി ഉള്ള പാട്ട് തരക്കേടില്ല എന്ന് പറയാം. സുരേഷ് ഗോപിയുടെ പാട്ട് ചേര്‍ക്കാത്തത് ഫാന്‍സിനു ഇഷ്ടപ്പെട്ടില്ല എന്ന് കേള്‍ക്കുന്നു.

സായികുമാരിനും വിജയരാഘവനും ഒക്കെ ഒന്നും ചെയ്യാന്‍ അവസരം കൊടുത്തില്ല ജോഷി. ഇത്രയും താരബാഹുല്യം ആയത് കൊണ്ട് ആകണം നായികമാര്‍ക്കെല്ലാം വളരെ ചുരുക്കി കുറച്ചു ഡയലോഗ് മാത്രം കൊടുത്തു. കവിയൂര്‍ പൊന്നമ്മ ഹരിശ്രീ അശോകന്‍ ബാബു ആന്റണി എന്നിങ്ങനെ കുറെ പേരെ ചുമ്മാ ഒന്ന് കാണിച്ചെന്ന് വരുത്തി. ജഗതിയും ശരത് കുമാറിനെയും ഗസ്റ്റ്‌ എന്ന് എഴുതി കാട്ടിയിരുന്നെങ്കില്‍ ആശ്വാസം ആകും ആയിരുന്നു.

സലിം കുമാറിനെയും സുരാജിനെയും വെറും ഭാസി ബഹദൂര്‍ കഥാപാത്രങ്ങള്‍ ആക്കി കളഞ്ഞു.സുരേഷ് കൃഷ്ണ, ബിജു മേനോന്‍, അനൂപ്‌ ചന്ദ്രന്‍ ശോഭ മോഹന്‍, ശ്രീകുമാര്‍ തുടങ്ങി എല്ലാവരും അവരുടെ ചെറിയ വലിയ വേഷങ്ങള്‍ ഭംഗി ആയി ചെയ്തു.

ധാരാളം താരങ്ങളെ വച്ച് എല്ലാവര്ക്കും പ്രാധാന്യം കൊടുത്തു നല്ല രീതിയില്‍ കഥ പറഞ്ഞ ട്വന്റി ട്വന്റി യിലെ മികവ് ജോഷി എവിടെയോ മറന്നു പോയി എന്ന് തോന്നുന്നു. പക്ഷെ അതിനു ജോഷിയെ കുറ്റം പറയേണ്ട കാര്യം ഇല്ല എന്നാണു തോന്നുന്നത്. കഥ എഴുതിയവര്‍ കഥാ പാത്രങ്ങല്‍ക്കൊന്നും ആത്മാവ് കൊടുത്തില്ല. അത് തന്നെ കാര്യം.

അനില്‍ നായരാണ് ക്യാമറ. ജോഷിയുടെ പഴയ സിനിമകളുടെ ഒപ്പം ഇല്ലെങ്കിലും തരക്കേടില്ല എന്ന് പറയാം. പശ്ചാത്തല സംഗീതം നല്‍കിയ രാജാമണി തന്റെ ഭാഗം നന്നാക്കി എന്നാണു എന്റെ അഭിപ്രായം. കലാസംവിധായകനും കുറ്റം പറയാന്‍ ഒന്നും ഇല്ല. നല്ലത് എന്ന് തന്നെ പറയണം. ഏറ്റവും മികച്ചത് എഡിറ്റിംഗ് ആണ്. രഞ്ജന്‍ എബ്രഹാം ആണ് എഡിറ്റിംഗ്. അടിപൊളി എന്ന് പറയണം.

മാഫിയ ശശിയും അനില്‍ അരശും ആണ് സംഘട്ടനം നിര്‍വ്വഹിച്ചത്. സുരേഷ് ഗോപിയും മോഹന്‍ലാലും പരസ്പരം അടിക്കുന്നത് ഒരു പുതുമ അവകാശപ്പെടാം . ഒരു കല്ല്‌ കടി തോന്നുന്നത് ബാബു ആന്റണിയെ വേദി വെക്കാന്‍ ശരത് കുമാര്‍ ബോണറ്റിനു മുകളില്‍ കൂടി മലക്കം മറിഞ്ഞു വരുന്ന രംഗം കാണുമ്പോള്‍ ആണ്. എന്തിനായിരുന്നു അത്രയും പാട് പെട്ടത് എന്ന് ചോദിക്കാന്‍ തോന്നും. നേരെ അങ്ങ് വേദി വച്ചാല്‍ പോരായിരുന്നോ?

ചിത്രം കണ്ടു തീരുമ്പോള്‍ ഒരു സംശയം മനസ്സില്‍ അവശേഷിക്കുന്നു. നമ്മുടെ ഒക്കെ വസ്തുക്കളുടെ ആധാരങ്ങളുടെ ഒറിജിനല്‍ വില്ലേജ്‌ ഓഫീസില്‍ സൂക്ഷിക്കുന്ന പതിവ് എന്ന് തുടങ്ങി? സാധാരണ അതൊക്കെ സബ് രജിസ്ട്രാര്‍ ഓഫീസില്‍ അല്ലെ സൂക്ഷിക്കുന്നത്?

പൊതുവില്‍ മോഹന്‍ ലാലിന്റെ ആരാധകരെ ഉള്‍പ്പെടെ സാധാരണക്കാരെ തൃപ്തിപ്പെടുത്തുന്നു ചിത്രം. കൊള്ളാം എന്നും തരക്കേടില്ല എന്നും ഒക്കെ പറയാം. ജോഷിയുടെ പഴയ കാല സിനിമകളെ ഓര്‍ത്തു കാണാന്‍ കയറുന്നവര്‍ അതിശയിച്ചു പോകും എന്ന് മാത്രം. പടം സുപ്പര്‍ ഹിറ്റ്‌ ആയി ഓടാന്‍ ഉള്ള എല്ലാം ഉണ്ട്. അത് തന്നെ മതി നിര്‍മ്മാതാവിനും താരങ്ങള്‍ക്കും സംവിധായകനും.

കളി കാവ്യയോടും.....

2011-04-19T01:05:00.000+05:30

കേരളത്തിലെ നിയമസഭാ ഇലക്ഷന്‍റെ അന്ന് മുതല്‍ ഫെയ്സ്ബുക്ക്‌ തുടങ്ങിയ ഇന്റര്‍ നെറ്റ് ചര്‍ച്ചാ വേദികളില്‍ എല്ലാം കാവ്യാ മാധവന്‍ വോട്ടു ചെയ്യാന്‍ വന്നു മടങ്ങുന്ന സംഭവം കൊഴുപ്പിച്ചു നടക്കുകയാണ്.

അടുത്ത കാലത്ത് ഏറ്റവും കൂടുതല്‍ ആളുകള്‍ യു ടുബില്‍ കണ്ട മലയാളം വീഡിയോയും ഇത് തന്നെ ആണെന്നാണ്‌ തോന്നുന്നത്. വാലെടുത്തവര്‍ എല്ലാം വെളിച്ചപ്പാട് എന്ന് പറഞ്ഞത് പോലെ ഗ്രൂപ്പുകളിലും ബ്ലോഗുകളിലും എല്ലാം കാവ്യക്കെതിരെ അതി ശക്തമായി പ്രമേയങ്ങള്‍ പാസ്സാക്കി കയ്യടി വാങ്ങിയവരും അനവധി ആണ്.

അവിടെയും ഇവിടെയും ആയി കാവ്യക്ക് വേണ്ടി ഒന്നോ രണ്ടോ ചെറു ശബ്ദങ്ങള്‍ ഉയര്‍ന്നു എന്നത് ഒഴിച്ചാല്‍ മുഴുവന്‍ കാവ്യക്കെതിരെ ഉള്ളതായിരുന്നു. വനിതാ ശാക്തീകരണം എന്നൊക്കെ പറഞ്ഞു മുറവിളി കൂട്ടിയവരും വനിതകളുടെ അപ്പോസ്തലന്മാര്‍ എന്ന് ചമഞ്ഞു നടന്നവരും ഒന്നും കാവ്യക്ക് വേണ്ടി ഒരു വാക്ക് പോലും പറഞ്ഞില്ല എന്നത് മലയാളിക്കും അത്ഭുതം ആയിരുന്നു.

ആദ്യമൊന്നും ഇതൊന്നും ശ്രധിക്കണ്ട എന്ന് വിചാരിച്ചതാ. എന്നാല്‍ ഫെയ്സ് ബുക്കില്‍ വന്നപ്പോള്‍ ഒന്ന് രണ്ടു കമ്മന്റ് കൊടുത്തു. പിന്നെ കൂട്ടത്തോടെ ഒരു ആക്രമണം ആയിരുന്നു. അങ്ങനെ അതില്‍ നിന്നും വിട്ടു.

എന്നാല്‍ ഇപ്പോള്‍ അതിനെത്തുടര്‍ന്നുള്ള പുതിയ സംഭവ വികാസങ്ങള്‍ പത്രത്തിലും ചാനലുകളിലും കണ്ടപ്പോള്‍ ഒന്ന് വാ തുറക്കണം എന്ന് തോന്നി. മിണ്ടാതെ വയ്യ.

കൊല്ലത്തു ഒരു ജൂവലറി ഉദ്ഘാടനം ചെയ്യാന്‍ വന്ന കാവ്യയെ ഡി വൈ എഫ് ഐ ക്കാര്‍ തടഞ്ഞു , കരിങ്കൊടി കാണിച്ചു എന്നൊക്കെ ഉള്ള വാര്‍ത്തകള്‍ ആണ് ഇപ്പോള്‍ വരുന്നത്.

ചോരച്ചാലുകള്‍ നീന്തിക്കയറി തൂക്കുമരങ്ങളില്‍ ഊഞ്ഞാല്‍ ആടിയ ധീരന്മാരുടെ പ്രസ്ഥാനത്തിന്റെ അധപ്പതനം അല്ലെ അവിടെ കണ്ടത്. സി.പി..എമ്മിനെതിരെയോ അനുബന്ധ സന്ഘടനകല്‍ക്കെതിരെയോ ഇന്നുവരെ ഒരു വാക്ക് പോലും പറയാതിരുന്ന കാവ്യയെ കരിങ്കൊടി കാണിക്കാന്‍ നൂറോളം വരുന്ന ഈ ചെറുപ്പക്കാരെ പ്രേരിപ്പിച്ച ചോതോവികാരം എന്താണ്?

സ്ത്രീകളെ അപമാനിക്കുന്നവര്‍ക്കെതിരെ പടവാളുമായി വരുന്ന മുഖ്യമന്ത്രി ഭരിക്കുന്ന നാട്ടില്‍ അയാളുടെ അനുയായികളായ കുട്ടികള്‍ നടത്തിയ ഈ നാടകത്തിന്റെ പൊരുള്‍ അന്യോഷിച്ചപ്പോള്‍ ആണ് ഡി വൈ എഫ് ഐ യുടെ ചീഞ്ഞളിഞ്ഞ മുഖം മനസ്സിലായത്‌.

എന്തായിരുന്നു കാവ്യ ചെയ്ത തെറ്റ്.

വോട്ടു ചെയ്യാന്‍ കാവ്യ ക്യൂ നിന്നില്ല. അത് ഒരു തെറ്റ് തന്നെ ആകും.

എപ്പോള്‍?

ക്യൂ നില്‍ക്കാതെ വോട്ടു ചെയ്‌താല്‍ തെറ്റ് തന്നെ. ഇവിടെ കാവ്യ ക്യൂവില്‍ നില്‍ക്കാതെ വോട്ടു ചെയ്യാന്‍ ഉള്ള അനുവാദം ചോദിക്കുകയാണ് ഉണ്ടായത്.

അത് ആ വീഡിയോയില്‍ തന്നെ കാണിക്കുന്നുണ്ട്. പോളിംഗ് ഓഫീസര്‍ വിളിച്ചു ചോധിക്കയല്ലേ ചെയ്തത്.

അപ്പോള്‍ ചാടി വീണ ചെറുപ്പക്കാരന്‍ ക്യൂവില്‍ നില്‍ക്കുന്നവരുടെ പ്രതി നിധിയായി. പിന്നീട് ഇയാള ആയി കേരള യുവത്വത്തിന്റെ പ്രതീകം... ഇയാളെ വാനോളം പുകഴ്ത്തി എന്തെല്ലാം.

പക്ഷെ അപ്പോഴും ആരും അറിഞ്ഞില്ല ഇതിന്റെ പിന്നിലെ രാഷ്ട്രീയം.

അതെ ഇതൊരു രാഷ്ട്രീയ കളിയുടെ തുടക്കം ആയിരുന്നു.

കാവ്യ ക്യൂവില്‍ നില്‍ക്കാത്തത് കൊണ്ടാല്ല ആ പ്രതിഷേധം ഉണ്ടായത്.

കാവ്യ വേറെ ഒരു പൊറുക്കാന്‍ ആകാത്ത തെറ്റ് ചെയ്തു ഇടതു പക്ഷത്തിനു.

എന്താണെന്നോ. നമ്മുടെ സിനിമാ നടന്‍ ഗണേഷ്‌ കുമാറിന് വേണ്ടി വോട്ടു പിടിക്കാന്‍ കാവ്യയും ദിലീപും ജയറാമും സുരേഷ് ഗോപിയും ഒക്കെ ഉണ്ടായിരുന്നു എന്ന്.

അതാണ്‌ ഈ ഒരു പ്രതിഷേധത്തിന്റെ ആധാരം.

ഒരു രാഷ്ട്രീയ പാര്‍ട്ടിയിലും പെടാത്ത കാവ്യ സ്വന്തം സുഹൃത്തും സഹ പ്രവര്‍ത്തകനും ആയ ഗണേഷിന്റെ തിരഞ്ഞെടുപ്പ് പ്രചാരണത്തില്‍ പങ്കെടുത്തത് ആണ് പൊറുക്കാന്‍ ആകാത്ത തെറ്റ്.

ജനാധിപത്യം എന്നത് സി പി എമ്മിന് ബാധകം അല്ല എന്നാണോ ഇവര്‍ പറയുന്നത്.

അത് കൊണ്ട് ആണ് സി പി എമ്മിനല്ലാതെ വേറെ പാര്‍ട്ടിക്ക് വേണ്ടി പ്രവര്‍ത്തിച്ചു എന്നത് കൊണ്ട് ഇങ്ങനെ ഒക്കെ കാണിക്കുന്നത്. ഇനി ദിലീപിനും ജഗധീഷിനും സലിം കുമാറിനും ഒക്കെ എതിരെ സി പി എം സമര പരിപാടികള്‍ നടത്താന്‍ സാധ്യത ഉണ്ട്.

അപ്പോള്‍ സി പി എമ്മിന് വേണ്ടി പ്രവര്‍ത്തിച്ചു കൊണ്ടിരിക്കുന്ന മമ്മൂട്ടിയെ മറ്റു പാര്‍ട്ടിക്കാര്‍ എന്ത് ചെയ്യണം? മുരളി ലെനിന്‍ രാജേന്ദ്രന്‍ ഫാസില്‍ ഇപ്പോള്‍ കലാഭവന്‍ മണി എന്നിങ്ങനെ എത്രയോ സിനിമാക്കാര്‍ ഇടതു പക്ഷത്തിനു വേണ്ടി പ്രവര്‍ത്തിച്ചിട്ടുണ്ട്. അവരെ ഒന്നും ആരും ഒന്നും പറഞ്ഞിട്ടുമില്ല അവഹേളിച്ച്ചിട്ടുമില്ല.

മലയാളിയുടെ പ്രിയങ്കരിയായ കാവ്യക്ക് കരിങ്കൊടി കാനിച്ചതിലൂടെ ഇവര്‍ എന്ത് സന്ദേശം ആണ് ജനങ്ങള്‍ക്ക്‌ നല്‍കുന്നത്? മുന്‍പൊക്കെ പാര്‍ട്ടിക്ക് എതിരെ പ്രവര്‍ത്തനം നടത്തുന്നവര്‍ക്ക് എതിരെ മാത്രം ആയിരുന്നു ഇവരുടെ വാലെടുക്കല്‍.

ഇപ്പോള്‍ അത് മറ്റു പാര്‍ട്ടിക്കാര്‍ക്ക് പ്രവര്‍ത്തിച്ചാലും ആകാം എന്നാ നിലയില്‍ ആയി.

ഒരു വശത്ത് തലപ്പത്തിരുന്ന് സ്ത്രീകളുടെ സംരക്ഷകന്‍ എന്ന് നടിച്ചു പ്രഖ്യാപനങ്ങള്‍ നടത്തുന്ന മുഖ്യമന്ത്രി. മറുവശത്ത് അനുയായികള്‍ സ്തീകളെ കല്ലെറിഞ്ഞു വീഴ്ത്തുന്നു. ചീമുട്ട എറിയുന്നു. കരിങ്കൊടി കാണിക്കുന്നു. സിന്ധു ജോയിക്ക് ചീമുട്ട കിട്ടി. ഇന്നലെ തലസ്ഥാനത് ഒരു സ്ത്രീയുടെ തലയില്‍ ആണ് സഖാക്കള്‍ വെട്ടിയത്.

ഇന്നത്തെ പത്രത്തില്‍ ആ വാര്‍ത്തയും ഉണ്ട്.

സമര സഖാക്കളുടെ പാര്‍ട്ടിക്ക് ഇതെന്തു പറ്റി ?

അവസാനത്തിന്റെ ആരംഭം ആയോ?

സിനിമാക്കാര്‍ സിനിമയില്‍ തന്നെ ഇരിക്കണം വെറുതെ ഞങ്ങളെ മേനക്കെടുതാന്‍ വരരുത് എന്നാരോ ഇതിനിടയില്‍ പറഞ്ഞതായും അറിയുന്നു.

രാഷ്ട്രീയം ഇന്ത്യയിലെ എല്ലാ ജനങ്ങള്‍ക്കും പറഞ്ഞിട്ടുണ്ട്. സഖാക്കല്‍ക്കെന്നപോലെ തന്നെയാണ് കാവ്യക്കും.

കാവ്യക്ക് രാഷ്ടീയം പാടില്ല എന്ന് പറഞ്ഞാല്‍ ജനാധിപത്യ പ്രക്രിയയെ സഖാക്കള്‍ അംഗീകരിക്കുന്നില്ല എന്നാണു.

രസകരമായ ഒരു കാര്യം ഇങ്ങനെ ഒരു സംഭവം ഉണ്ടായിട്ടു ഇവിടത്തെ സാംസ്കാരിക നായകര്‍ ഒന്നും പ്രതിഷേധിച്ചു കണ്ടില്ല എന്നതാണ്. എവിടെപ്പോയി സുഗത കുമാരി? എവിടെ പോയി അജിത? പിന്നെയും കുറെ പേര്‍ ഉണ്ടല്ലോ?

കാവ്യ ഉള്‍പ്പെടുന്ന അമ്മ എവിടെപ്പോയി? അത് മിക്കവാറും തലപ്പത്തിരിക്കുന്ന ഇന്നസെന്റും മമ്മൂട്ടിയും ഇടവേള ബാബുവും കമ്മ്യൂണിസ്റ്റു കാര്‍ ആയത് കൊണ്ട് അറിയാത മട്ടില്‍ ഇരിക്കുന്നത് ആവാം.

എല്ലാം കണ്ടിട്ടും കേട്ടിട്ടും ഒന്നും അറിയാത്ത പോലെ ഇരിക്കുന്ന നേതാക്കള്‍ അണികളെ ശാസിക്കാനും കാവ്യയോട് ഒരു മാപ്പ് പറയാനും തയ്യാറായാല്‍ കേരളം അവരെ അംഗീകരിക്കും.

അല്ലെങ്കില്‍ അവരെ ജനം മറവിയിലേക്ക് കലയും എന്ന് കൂടി ഓര്‍ക്കുക.

കേരളം തുലച്ച ഇരുപതിനായിരം കോടിയുടെ പദ്ധതികള്‍.......

2011-04-10T02:33:00.000+05:30

ഇനി ഒരു അഞ്ചു വര്ഷം കൂടി കിട്ടിയാല്‍ തേനും പാലും ഒക്കെ ഒഴുക്കാംഎന്നും വന്‍ വ്യവസായങ്ങള്‍ കേരളത്തില്‍ വരുത്താം എന്നും പറയുന്ന നമ്മുടെ മുഖ്യ മന്ത്രിയും ഇടതു പക്ഷവും അവരുടെ വികസന വിരോധം കൊണ്ട് നമുക്ക് നഷ്ടപ്പെടുത്തിയത് ഇരുപതിനായിരം കോടിയുടെ പദ്ധതികള്‍ ആണ്. ആ പദ്ധതികള്‍ നടപ്പാക്കുമ്പോള്‍ ലഭിക്കുമായിരുന്ന മൂന്നു ലക്ഷം പേര്‍ക്ക് തൊഴില്‍ അവസരം കൂടി ആണ് നമുക്ക് നഷ്ടമായത് എന്നോര്‍ക്കുമ്പോള്‍ ആണ് ഇവര്‍ ചെയ്ത പാതകത്തിന്റെ വലിപ്പം മനസ്സിലാകുന്നത്.

സ്വകാര്യ മൂലധനതോട് വാക്കുകളില്‍ വളരെ ഉദാരത കാട്ടിയ ആദ്യത്തെ കമ്മ്യൂണിസ്റ്റ്‌ സര്‍ക്കാര്‍ ആയിരുന്നു പടിയിറങ്ങി പോകാന്‍ നില്‍കുന്നത്.കേരളം കണ്ട മികച്ച വ്യവസായ മന്ത്രിയെന്നും ധനകാര്യമാന്ത്രിയെന്നും ഒക്കെ ഇടതു പക്ഷം ഉയര്‍ത്തിക്കാട്ടുന്നവര്‍ അടങ്ങുന്ന മന്ത്രിസഭ അധികാരത്തില്‍ കേറിയ ആദ്യ വര്ഷം പ്രഖ്യാപിച്ചു കേരളത്തില്‍ ചുര്ങ്ങിയത് ഇരുപതിനായിരം കോടിയുടെ സ്വകാര്യ നിക്ഷേപം കൊണ്ടുവരുമെന്ന്. വാക്കുകളില്‍ ഒതുങ്ങിയില്ല. ആദ്യത്തെ മൂന്നു വര്‍ഷത്തിനുള്ളില്‍ തന്നെ ഇരുപതിനായിരത്തില്‍ പരം കോടിയുടെ സ്വകാര്യ പദ്ധതികള്‍ പ്രക്യാപിക്കപ്പെട്ടു. സര്‍ക്കാരിന്റെ സ്വപ്ന പദ്ധതികള്‍....

പിന്നെ വയസായികളും സര്‍ക്കാരും തമ്മിലുള്ള ചര്‍ച്ചകളും മറ്റും നടന്നു. പ്രാഥമിക അനുമതികളും നല്‍കി. ഇപ്പോള്‍ അഞ്ചു വര്ഷം പൂര്‍ത്തിയാക്കി തിരഞ്ഞെടുപ്പിനെ നേരിടുമ്പോള്‍ നമുക്ക് കാണാം സ്വപ്ന പദ്ധതികള്‍ ഒന്നും നടന്നില്ല. എല്ലാം സ്വപ്നങ്ങള്‍ ആയി തന്നെ ഇരിക്കുന്നു. സ്വപ്നങ്ങള്‍ ഇപ്പോഴും സ്വപ്നങ്ങള്‍ ആയിത്തന്നെ ഇരിക്കുന്നത് നല്ലതാണെന്ന് പണ്ടാരോ പറഞ്ഞോ?

അനിശ്ചിതം ആയി ഇരിക്കുന്ന ഈ സ്വപ്ന പദ്ധതികള്‍ ഏതൊക്കെ ഒന്ന് നോക്കാം നമുക്ക്. ആദ്യത്തെ പദ്ധതി മാത്രം ആയിരിക്കും മലയാളികള്‍ക്ക് സുപരിചിതം. അതെ നമ്മുടെ സ്മാര്‍ട്ട് സിറ്റി തന്നെ. (അവസാന സമയത്ത് സ്മാര്‍ട്ട് സിറ്റിയുടെ കരാര്‍ വീണ്ടും ഒപ്പിടെണ്ടി വന്നു എന്ന് മാത്രം.) സൈബര്‍ സിറ്റി, ഹൈ ടെക് സിറ്റി, നോളെജ് സിറ്റി, കോഴിക്കോട് നോളെജ് പാര്‍ക്ക്‌, പത്തു പ്രത്യേക സാമ്പത്തിക മേഖലകള്‍ ...അതിലെ എഴാമത്തെയാണ് കൊച്ചിയിലെ സ്കൈ സിറ്റി. മൊത്തം മൂന്നു ലക്ഷം പേര്‍ക്ക് നേരിട്ട് തൊഴില്‍ നല്‍കുന്ന പദ്ധതികള്‍ ആയിരുന്നു ഇതെല്ലാം കൂടി.

പദ്ധതികള്‍ മിക്കതും പല വിവാദങ്ങളില്‍ പെട്ടാണ് ഈ അവസ്ഥയില്‍ ആയത്.പരിസ്ഥിതി, അഴിമതി എന്നിവയുമായി ബന്ധപ്പെട്ടു ആണ് മിക്ക വിവാദങ്ങളും. സി പി എമ്മില്‍ മുഖ്യമന്ത്രി ഒരു ഭാഗത്തും ഔദ്യോഗിക ഗ്രൂപ്പിലെ മന്ത്രിമാര്‍ ഒരു ഭാഗത്തും നിന്നുണ്ടായ ഭിന്നതകള്‍, മുന്നണിയില്‍ സി പി ഐ, ആര്‍ എസ് പി എന്നീ കക്ഷികള്‍ പല പദ്ധതികളോടും കാണിച്ച എതിര്‍പ്പ് എന്നിവ ഒക്കെ ഈ ദുരവസ്ഥക്ക് കാരണമായി. ഇടതു മുന്നണിയുടെ ആഭ്യന്തരവും വ്യക്തി പരവും താത്വികവും ആയ വൈരുധ്യങ്ങള്‍ തന്നെയാണ് സര്‍ക്കാരിന്റെ ഈ പദ്ധതികള്‍ നടക്കാതിരിക്കാന്‍ കാരണം ആയത് .

പ്രോജെക്റ്റ്‌: സ്മാര്‍ട്ട് സിറ്റി

സ്ഥലം: ഐ ടി ടൌണ്‍ ഷിപ്പ്, കൊച്ചി.

നിക്ഷേപം: 1500 കോടി.

പ്രമോട്ടര്‍: ടീകോം,ദുബായ്‌.

പ്രാഥമിക അനുമതി: 2005

പാട്ടഭൂമിയിലെ കൈവശാവകാശത്തെ സംബന്ധിച്ച് സര്‍ക്കാരും ടീകോമുമായി ഉണ്ടായ തര്‍ക്കം പ്രമുഖ വ്യവസായി യൂസഫലിയുടെ മധ്യസ്തയില്‍ ഒത്തു തീര്‍പ്പാവാന്‍ അഞ്ചു വര്ഷം കഴിയേണ്ടി വന്നു എന്നത് തന്നെ സര്‍ക്കാരിന്റെ പിടിപ്പുകേട് ആണ്. അവസാനം ഒത്തു തീര്‍പ്പായി. പദ്ധതിക്ക്‌ തുടക്കം ഇടാന്‍ പ്രതിയ കരാറില്‍ ഒപ്പിട്ടു. ഇനി പുതിയ സര്‍ക്കാര്‍ വന്നിട്ട് വേണം എന്തെങ്കിലും ചെയ്യാന്‍.

പ്രോജെക്റ്റ്‌: ഹൈടെക് സിറ്റി, ഇന്ടഗ്രെറ്റഡ് ടൌണ്‍ഷിപ്പ്, കൊച്ചി.

പ്രൊമോട്ടര്‍: ശോഭാ ഡവലെപ്പെഴ്സ്, ബാന്ഗ്ലൂര്‍.

നിക്ഷേപം: 5000 കോടി.

ഐ ടി സ്ഥാപനങ്ങളും വാണിജ്യ പാര്‍പ്പിട സമുച്ചയങ്ങളും ഉദ്യാനങ്ങളും വിനോദ കേന്ദ്രങ്ങളും ഉള്‍പ്പെടെ ആസൂത്രിതമായ ഒരു അത്യാധുനിക നഗരം ആയിരുന്നു പദ്ധതി.ശോഭാ ഗ്രൂപ്‌ വില കൊടുത്തു വാങ്ങിയ ഭൂമിയാണ്. പക്ഷെ പരിസ്ഥിതി പ്രശ്നം പറഞ്ഞു സംസ്ഥാന ജൈവ വൈവിധ്യ ബോര്‍ഡ്‌ അനുമതി തടഞ്ഞു.അവിടെ ഉണ്ടായിരുന്ന കണ്ടല്‍ കാടുകള്‍ ആണ് പരിസ്ഥിതിക്ക് കാരണം പറഞ്ഞത്. കണ്ണൂരില്‍ പാര്‍ട്ടിക്ക് പാര്‍ക്ക്‌ ഉണ്ടാക്കാന്‍ കണ്ടല്‍ കാട് ഒരു പ്രശ്നം ആയില്ല എന്നുള്ളത് സമീപ കാല യാഥാര്‍ത്ഥ്യം. പദ്ധതി അവതാളത്തില്‍ ആക്കിയതില്‍ ഗൂഡാലോചന നടന്നു എന്ന് വ്യവസായ മന്ത്രി എളമരം കരീം തന്നെ പറഞ്ഞിട്ടുണ്ട്. മുഖ്യമന്ത്രിയുടെ ശത്രുവായ ഫാരിസ്‌ അബൂബക്കര്‍ ആയിരുന്നു ഇവിടത്തെ ഭൂമി വില്പനയുടെ പിന്നില്‍. അത് തന്നെയാണ് പദ്ധതിയില്‍ വി എസ് പാര പണിഞ്ഞതും എന്നാണു നാട്ടുകാരുടെ വാദം.

പ്രോജെക്റ്റ്‌: സ്കൈ സിറ്റി. സ്ഥലം കൊച്ചി.

നിക്ഷേപം: 500 കോടി.

പ്രമോട്ടര്‍ : യശോരാം ഗ്രൂപ്പ്, കൊച്ചി.

കഴിഞ്ഞ സര്‍ക്കാരിന്റെ കാലത്ത്‌ യശോരാം ഗ്രൂപ്പ് മുന്നോട്ട് വച്ച പദ്ധതി പരിഗണിക്കാന്‍ മുഖ്യമന്ത്രി വി എസ് അധ്യക്ഷനായ ഉന്നത തല സമിതി വ്യവസായ വകുപ്പിനോട്‌ ആവശ്യപ്പെട്ടതാണ്. സംസ്ഥാനത്തിന്റെ എല്ലാ അനുമതിയും കിട്ടിക്കഴിഞ്ഞ ഈ പദ്ധതിയെ കുഴക്കിയത് ഒരു പാലം ആണ്.പ്രോജെക്റ്റ്‌ മാറ്റി കൊടുക്കാന്‍ കേന്ദ്ര തീര പരിപാലന നിയമ അതോറിറ്റി പറഞ്ഞപ്പോള്‍ യശോരാം ഗ്രൂപ്പ് കോടതിയില്‍ പോയി.പാലത്തിന്റെ ഭാഗം മാത്രം ഭേദഗതി വരുത്തി സമര്‍പ്പിക്കാന ആണ് കോടതി ഉത്തരവ് ആയത്.

ദേശീയ ഹൈവേ ബൈപാസില്‍ കുണ്ടന്നൂര്‍ മുതല്‍ സഹോദരന്‍ അയ്യപ്പന്‍ റോഡ്‌ വരെയും അവിടെ നിന്ന് സുഭാഷ്‌ ചന്ദ്രബോസ് റോഡ്‌ വരെയും കായലിന്റെയും നഗരത്തിന്റെയും മുകളിലൂടെ നാല് കിലോ മീറ്റര്‍ നീലുള്ള ഫ്ലൈ ഓവര്‍ ആണ് സ്കൈ സിറ്റി.ഈ ഫ്ലൈ ഓവറിന്റെ മധ്യത്തില്‍ പതിനെട്ടു ലക്ഷം ചതുരശ്ര അടി വിസ്തീര്‍ണത്തില്‍ ഒരു വ്യാപാര- പാര്‍പ്പിട സമുച്ചയം ആണ് അഞ്ഞൂറ് കോടിയുടെ ഈ പദ്ധതി. ഫ്ലൈ ഓവര്‍ പണി തീര്‍ന്നാല്‍ സര്ക്കാറിനു സൌജന്യമായി കൊടുക്കുമെന്നും ടോള്‍ പിരിക്കില്ലെന്നും ഒക്കെ കരാറില്‍ ഉണ്ട്.ഫ്ലൈ ഓവറിന്റെ മേല്‍നോട്ടവും മാലിന്യ സംസ്കരണവും യശോരാമിന് ആയിരിക്കും. ഒരിഞ്ചു ഭൂമി പോലും ഏറ്റെടുക്കേണ്ടി വരില്ല എന്ന കാര്യം കൊണ്ട് തന്നെ യാതൊരു പ്രശനവും ഉണ്ടാകില്ല എന്നതാണ് ഈ പദ്ധതിയുടെ നേട്ടം...ഫ്ലൈ ഓവറിലെ വാണിജ്യ പാര്‍പ്പിട സമുച്ചയത്തിലെ സ്ഥലം വിലക്കുന്നതാണ് യശോരാം കമ്പനിയുടെ ലാഭം. എന്നാല്‍ പൊതു സ്വത്തായ കായലിന്റെ മുകളില്‍ പാലം പണിഞ്ഞു അതില്‍ ഉയരുന്ന കെട്ടിടങ്ങള്‍ സ്വന്തം ആക്കാന്‍ സമ്മതിക്കില്ലെന്ന മുരട്ടു വാദം മുഖ്യ മന്ത്രിയില്‍ നിന്നുംഉണ്ടായപ്പോള്‍ പരിപാടി അവിടെ നിന്നു.

പക്ഷെ ആ കമ്പനി ഉണ്ടാക്കുന്ന ലാഭത്തിന്റെ ഇരട്ടി മുതല്‍ മുടക്കുള്ള ഒരു വമ്പന്‍ ഗതാഗത സൌകര്യവും മറ്റു നഗര സൌകര്യങ്ങളും ഒക്കെ യാതൊരു മുതല്‍ മുടക്കും ഇല്ലാതെ കേരളത്തിന്‌ കിട്ടുന്ന കാര്യം വരട്ടു ചിന്താഗതിക്ക് മുന്‍പില്‍ മുട്ട് മടക്കി.ലോകത്ത് എവിടെയും ഇതുവരെയും വന്നിട്ടില്ലാത്ത ഈ പദ്ധതിക്ക് ഇപ്പോള്‍ യശോരാം പേറ്റന്റ് നു വേണ്ടി അപേക്ഷിചിരിക്കയാണ്.ഇനി വേറെ ഭരണം വരണം ഇത് നടപ്പിലാകാന്‍.

പ്രോജെക്റ്റ്‌: സൈബര്‍ സിറ്റി.

സ്ഥലം :ഐ ടി ടൌണ്‍ ഷിപ്പ് കൊച്ചി

നിക്ഷേപം: 4000 കോടി

പ്രമോട്ടര്‍ : ഹൌസില്‍ ആന്‍ഡ്‌ ഇന്‍ഫ്രാ സ്ട്രക്ചര്‍ ലിമിറ്റഡ് .

അനുമതി കിട്ടിയത് 2007 ല്‍

എച്ച് എം ടിയുടെ കളമശേരിയില്‍ ഉള്ള ഭൂമി വാങ്ങി ബ്ലൂ സ്റാര്‍ റിയല്‍ എസ്റേറ്റ് എന്ന കമ്പനി തുടങ്ങാന്‍ ഉദ്ദേശിച്ച പദ്ധതി ആണ് ഇത്.

സംസ്ഥാന സര്‍ക്കാര്‍ വ്യവസായം തുടങ്ങാന്‍ എച്ച് എം ടിക്ക് നല്‍കിയ ഭൂമി വില്‍ക്കാന്‍ അവര്‍ക്ക് അവകാശം ഇല്ല എന്നാ വാദത്തില്‍ സി പി എം തന്നെ ആ പദ്ധതിയും തുടക്കത്തിലേ മുടക്കി.മന്ത്രി എളമരം കരീം പൂര്‍ണ പിന്തുണ പ്രഖ്യാപിച്ച ഈ പദ്ധതിയുടെ ശിലാ സ്ഥാപന ചന്ദങ്ങില്‍ നിന്നും നമ്മുടെ മുഖ്യ മന്ത്രി വിട്ടു നിന്നു.

എച്ച് എം ടിയുടെ ഭൂമി വില്പന ഹൈ കോടതി ആണ്ഗീകരിച്ചു. പക്ഷെ അപ്പോഴേക്കും ആഗോള സാമ്പത്തിക മാന്ദ്യം നിക്ഷേപകരെ അകറ്റി.

ഫലം അതും തുലഞ്ഞു കിട്ടി.

പ്രോജെക്റ്റ്‌: നോളെജ് പാര്‍ക്ക്‌.

സ്ഥലം: ഐ ടി എന്‍ക്ലേവ്. കോഴിക്കോട്‌ .

നിക്ഷേപം: 4000 കോടി.

പ്രമോട്ടര്‍: ആദിത്യ ബിര്‍ള ഗ്രൂപ്പ് .

പ്രാഥമിക അനുമതി: 2007

ആദിത്യ ബിര്‍ള യെ അറിയാത്ത മലയാളി കാണും .

പക്ഷെ ആദിത്യ ബിര്‍ള യെ അറിയാത്ത കോഴിക്കോട് കാരന്‍ കാണില്ല.

കോഴിക്കോട്‌ മാവൂരിലെ ഗ്വാളിയോര്‍ രയോന്‍സ്‌ ഓര്‍മയില്ലേ?

അതെ സ്ഥലത്ത് തന്നെ അവര്‍ തന്നെ തുടങ്ങാന്‍ ഉദ്ദേശിച്ച പ്രോജെക്റ്റ്‌ ആണ് നോളെജ് പാര്‍ക്ക്‌ .

റയോണ്‍സിലെ തൊഴിലാളി നേതാവ് ആയിരുന്ന മന്ത്രി ഇളമരം കരീം മുന്‍ കൈ എടുത്തു നടപ്പിലാക്കാന്‍ ശ്രമിച്ചു.

പക്ഷെ ഭൂമി വിലപനയെക്കുരിച്ചു വന്ന അഴിമതി ആരോപണങ്ങള്‍ ആ പദ്ധതിയും തുലച്ചു.

പ്രോജെക്റ്റ്‌: പ്രത്യേക സാമ്പത്തിക മേഖലകള്‍.

നിക്ഷേപം: 2500 കോടി.

അനുമതി: 2008

ഒരിഞ്ചു പോലും മുന്നോട്ട് പോകാതിരുന്ന ഒരു പദ്ധതിയാണ് ഇത്.ഇരുപത്തി ഒന്ന് സാമ്പത്തിക മേഖലകള്‍ ആണ് വ്യവസായ വകുപ്പ് ആദ്യം തീരുമാനിച്ചതെങ്കിലും പിന്നീട് അത് പത്തു ആയി കുറച്ചു.

പക്ഷെ മുഖ്യ മന്ത്രിയുടെ ഓഫീസില്‍ തന്നെ ഫയലുകള്‍ ഇരുന്നു. ഒന്നും നടന്നില്ല.സി പി ഐ, ആര്‍ എസ് പി കക്ഷികലുടെ എതിര്‍പ്പ് മൂലം ആണ് വി എസ് ഇതും മുക്കിയത്.കോയമ്പത്തൂരിലെ പാര്‍ട്ടി കൊണ്ഗ്രെസ്സില്‍ ഈ പദ്ധതി അന്ഗീകരിചെന്കിലും കേന്ദ്ര കമ്മിറ്റി തീരുമാനം നേരിട്ട് അറിയിചാലെ നടത്തൂ എന്ന് വി എസ് വാശി പിടിച്ചപ്പോള്‍ പദ്ധതി നിലച്ചു.

പക്ഷെ 2008 ല്‍ മന്ത്രിസഭ പത്തു മേഖലകള്‍ക്ക്‌ അനുവാദം നല്‍കി.അപ്പോഴേക്കും ആഗോള മാന്ദ്യം എല്ലാം തകര്‍ത്തു.

പ്രോജെക്റ്റ്‌: സാറ്റലൈറ്റ്‌ സിറ്റി.

സ്ഥലം: കിനാലൂര്‍, കോഴിക്കോട്.

നിക്ഷേപം: 2500 കോടി.

പ്രമോട്ടര്‍: സി ഐ ഡി ബി . മലേഷ്യ

പ്രാഥമിക അനുമതി: 2007

മന്ത്രി എളമരം കരീം മുന്‍കൈ എടുത്തു കൊണ്ട് വന്ന പ്രോജെക്റ്റ്‌ . മലേഷ്യന്‍ കമ്പനി പൂട്ടി എന്ന് പറഞ്ഞു വി എസ് അതും മുടക്കി.

അതെ .ഇത്രയും അനുകൂല സാഹചര്യങ്ങള്‍ കണ്‍ മുന്നില്‍ വന്നിട്ടും ഒന്ന് പോലും നടപ്പിലാക്കാന്‍ ഉള്ള മനസ്സ് കാണിക്കാതിരുന്ന ഇവരോട് നമ്മള്‍ ക്ഷമിക്കണമോ ?

നൂറോളം എന്ജിനീയറിംഗ് കോളേജുകളില്‍ നിന്നും മറ്റു സ്ഥാപനങ്ങളിളി നിന്നും പഠിച്ചിറങ്ങുന്ന ആയിരക്കണക്കിന് യുവതീ യുവാക്കളുടെ സ്വപ്നങ്ങള്‍ തകര്‍ക്കുഅകയല്ലേ ഇവര്‍ ചെയ്തത്.

സ്വന്തം നാട്ടില്‍ ജോലി ചെയ്തു സ്വന്തം കുടുംബത്തോടും നാട്ടുകാരോടും ഒപ്പം ജീവിക്കാമെന്ന ഇവരുടെ സ്വപ്നഗ്നങ്ങള്‍ക്ക് ചിതയോരുക്കിയ ഇവരോട് നമ്മള്‍ എനഗനെ പ്രതികരിക്കണം എന്ന് ഞാന്‍ പ്രത്യേകം പറയേണ്ട കാര്യം ഇല്ല എന്ന് കരുതുന്നു.

ഒരു പുതിയ വിവാദം ഉണ്ടാകുന്ന വഴികള്‍ .....

2011-03-27T00:27:00.000+05:30

ഇത് ഒരു തമാശയാണ്‌. ഇതിലെ കഥാ പാത്രങ്ങള്‍ക്ക് ജീവിചിരിക്കുന്നവരുമായോ

മരിച്ചവരുമായോ ഇനി ജനിക്കാന്‍ പോകുന്നവരുമായോ ഇനി മരിക്കാന്‍ പോകുന്നവരുമായോ യാതൊരു

ബന്ധവും ഇല്ലാത്തതാണ്. അഥവാ അങ്ങനെ തോന്നുന്നുവെങ്കില്‍ വിചാരിക്കുക അതൊരു തോന്നല്‍ മാത്രം ആണ്. ആ തോന്നല്‍ ഇല്ലാതാക്കാന്‍ ഒരു വഴിയെ ഉള്ളൂ ടി വി കാണാതിരിക്കുക.

രാവിലെ തന്നെ മുഖ്യമന്ത്രി സഖാവ് മാധവന്റെ ഫോണ്‍

സഖാവ് വാസുക്കുട്ടനു വരുന്നു.

“ഹലോ സഖാവേ....എന്തൊക്കെ ഉണ്ട് വിശേഷം.വിശേഷം..വിശേഷം..വിശേ...ഷം .... ?”

“സുഖം തന്നെ സഖാവേ..”

“പുതിയ വിവാദം ഒന്നും ഇല്ലല്ലോ.ഇല്ലാല്ലോ..ഇല്ലാലോ..?”

“അതെ സഖാവേ, കുറച്ചു ദിവസം ആയി ടി വി കാണാന്‍ ഒന്നും

ഒരു രസവും ഇല്ല. നമ്മുടെ പിള്ളാര് പോലും

നമ്മുടെ ചാനലും കാണുന്നില്ല.”

“എന്തെങ്കിലും പുതിയ വിവാദം കിട്ടാന്‍

വല്ല ചാന്‍സും ഉണ്ടോ? ചാന്‍സും ഉണ്ടോ?”

വാസുക്കുട്ടന്‍ സഖാവ് ആലോചനയില്‍ ആയി.

എന്നിട്ട് പറഞ്ഞു.

“സഖാവേ നമുക്ക് ജെ സി ബി യും എടുത്തു

ആ മുല്ലപ്പെരിയാറിന്റെ സമീപത് വല്ലോം പോയാലോ?

അവിടെയുള്ള കുറെ കൂതറകളെ ഒഴിപ്പിക്കാം. പുതിയ

അണക്കെട്ടിന് ഉള്ള ഒരു ആവേശവും ആകും നമ്മുടെ

ആ വെളിവില്ലാത്ത സഖാക്കന്മാരുടെ പാര്‍ട്ടിയുടെ ചില

സ്ഥാപനങ്ങളും പൊളിക്കാം എന്താ.

പിന്നെ അവിടെ നമ്മുടെ ലവന്മാരുടെ കുറെ റിസോര്‍ട്ട് പണിയുന്നുണ്ട്.

അതിനൊക്കെ ഒരു ഒരു പണിയും കൊടുക്കാം എന്താ.”

“സഖാവ് വാസുക്കുട്ടാ അതൊന്നും ഇനി എശൂല്ല.

ഒരു യാത്ര പോയതിന്റെ ക്ഷീണം ഇതുവരെ തീര്‍ന്നില്ല.

എല്ലാവനും കൂടി എന്നെ ഇനി കാണിക്കാന്‍ ഒന്നും ഇല്ല.

എങ്ങനെയെങ്കിലും അള്ളിപ്പിടിച്ചു ഇരിക്കയാ. അവന്മാര്‍ക്കെതിരെ

ഇനി എന്തെങ്കിലും പറഞ്ഞാല്‍ എന്റെ കസേര തെറിക്കും.

വി ഐ പി എന്നൊന്നും പറഞ്ഞാലും അവന്മാര്‍ പേടിക്കില്ല ഇനി.നീ വേറെ വല്ലതും പറയടോ.”

“ വേറെ വീണു കിട്ടാന്‍ ഒന്നും ഇല്ല.”

“ ഒരു കാര്യം ചെയ്യ്‌ ആ കൊണ്ഗ്രസ്സുകാര്‍ക്കെതിരെ വല്ലതും

ചെയ്യാന്‍ കഴിയുമോ എന്ന് നോക്കൂ.”

വാസുക്കുട്ടന്‍ ഒന്ന് ആലോചിച്ചു...

“ഒരു രക്ഷയും ഇല്ല സഖാവേ. അവന്മാരോക്കെ ഇപ്പോള്‍

ആ രാഹുല്‍ പയ്യന്റെ ഓര്‍ഡര്‍ അനുസരിച്ച് ആണ് നീങ്ങുന്നത്.

ഒരു സ്ഥലത്തും ഒരു പഴുതും ഇല്ല.”

“എടൊ എവിടെ എങ്കിലും ആരെയെങ്കിലും കുടുക്കാന്‍ നോക്കെടോ?

എന്തെങ്കിലും ഒക്കെ കാണിച്ചാലേ ഇനി സീറ്റ്‌ കിട്ടുകയുള്ളൂ..”

വാസുക്കുട്ടന്‍ ഉടനെ പറഞ്ഞു

“ സഖാവേ ഞാന്‍ അങ്ങോട്ട്‌ വരാം ഫോണ്‍ ചിലപ്പോള്‍

ആ വിക്കി ലീക്സ്‌ ചോര്തും പിന്നെ അതും പുലി വാല്‍ ആകും.”

“ചോര്തെട്ടെടോ .. ആര്‍ക്കു ചേതം. പുല്ലു പോയാ പുരയിടം ബാക്കിയില്ലേ? പുരയിടം പുരയിടം ബാക്കി ഇല്ലേ ?”

“എന്നാലും സഖാവേ”

“ഞാന്‍ പറയുന്നത് നേരെ കേള്‍ക്കു.

അവിടെ ഈ കൊണ്ഗ്രെസ്സുകാര്‍ എന്തെങ്കിലും എന്തെങ്കിലും ഒക്കെ ഉണ്ടാക്കിയതില്‍ ഒക്കെ

എന്തെങ്കിലും കണ്ടു പിടിക്കാന്‍ നോക്ക്.”

അതെങ്ങനെയാ സഖാവേ കഴിഞ്ഞ അഞ്ചു വര്‍ഷമായി നമ്മളല്ലേ ഭരിക്കുന്നത്?”

“എടൊ ശുംഭാ നമ്മള്‍ ഭരിക്കുന്നതിന് മുന്‍പ് അവന്മാര്‍ ഭരിചിട്ടുണ്ടല്ലോ.ആ

സമയത്തെ വല്ലതും ഉണ്ടോന്നു നോക്കൂ.”

“അതെങ്ങനാ സഖാവേ ആ സമയത്ത് നമ്മള്‍ സമരം ചെയ്തു അതെല്ലാം

മുടക്കിയില്ലായിരുന്നോ? ഒന്ന് നടപ്പിലാക്കാന്‍ അവരെ നമ്മള്‍ സംമാതിചില്ലായിരുന്നല്ലോ?”

“സഖാവേ തപ്പി നോക്ക്... കിട്ടും....കിട്ടും.....കിട്ടും....”

“കിട്ടി സഖാവേ ഒരു ഇരുപത്തഞ്ചു വര്ഷം മുന്‍പ്‌ വല്ലോം ആയിരിക്കും

ഇവിടെ ഒരു പാലം ഉണ്ടാക്കിയിരുന്നു.ഇപ്പോള്‍ അതിന്റെ കൈ വരി ഒക്കെ

ഇടിഞ്ഞു കിടക്കയാണ്.”

“അത് മതി . അത് മതി...”

“പക്ഷെ സഖാവേ അന്ന് നമ്മുടെ ഭരണം ആയിരുന്നു എന്നാണു തോന്നുന്നത്.

ശിലാഫലകത്തില്‍ നമ്മുടെ പഴയ സഖാവിന്റെ പേര് ആണ് കിടക്കുന്നത്.”

“എങ്കില്‍ പിന്നെ കുഴപ്പം ഇല്ല സഖാവ് വാസുക്കുട്ടാ. നമ്മള്‍ ശിലകള്‍ ഇടുക മാത്രമേ

ഉള്ളൂ. നടപ്പില്‍ വരുതൂല്ല . നടപ്പില്‍ വരുത്തുന്നത് ഒക്കെ മറ്റു പാര്‍ട്ടിക്കാര്‍ അല്ലെ?

അപ്പോള്‍ തീര്‍ച്ചയായും അതില്‍ തന്നെ പിടിക്കാം.”

“iഇല്ല സഖാവേ അതിന്റെ ഉദ്ഘാടനവും നമ്മുടെ ഒരു സഖാവിന്റെ പേര് തന്നെ ആണ്.”

“എടൊ അതിന്റെ പണി പൂത്തിയാകുന്നതിന്റെ ഇടയില്‍

എപ്പോഴെന്കിലും കൊണ്ഗ്രെസ്സ് മന്ത്രി സഭ വന്നു കാണും.

അവരില്‍ ആരുടെ എങ്കിലും പേരില്‍ ഒരു അഴിമതി അങ്ങ് ഉണ്ടാക്കാം എന്താ.”

“അത് എല്ക്കുമോ സഖാവേ?”

“ഏല്‍ക്കണം ...നീ ഒരു കാര്യം ചെയ്യൂ.നീ ആ ഭാരത കാഴ്ച ചാനലുകാരെ വിളിക്കൂ.

അവിടെ കുറെ കാവിക്കാരെ ഞാന്‍ തന്നെ കേറ്റി ഇരുത്തിയിട്ടുണ്ട്.

അവന്മാര്‍ നോക്കും ബാക്കി കാര്യം. ഒരു കാരണ വശാലും നമ്മുടെ ചാനലുകാര്‍

ഇതൊന്നും അറിയരുത്. അവന്മാരോക്കെ മേറ്റ്‌ ഗ്രൂപ്പിന്റെ ആളുകള്‍ ആണ്.”

“അപ്പോള്‍ ഞാന്‍ അവരെയും വിളിച്ചു അങ്ങോട്ട്‌ വന്നാലോ സഖാവേ?”

“ അതെ ഇങ്ങോട്ട് വാ. പാലത്തിന്റെ പണി ഇടയ്ക്കു വച്ച്

കാരാരുകാരനെ മാറ്റാന്‍ ശ്രമിച്ചു എന്നോ അല്ലെങ്കില്‍ സിമന്റ് വാങ്ങിയത്

ആരുടെയെങ്കിലും സ്വന്തക്കാരന്റെ കയ്യില്‍ നിന്നെന്നോ ഒക്കെ വച്ച് കാച്ചാം.

കുറെ പറയുന്ന കേള്‍ക്കുന്ന ആളുകളെയും ഒപ്പിക്കണം.”

“അതൊക്കെ ഞാന്‍ ഏറ്റു സഖാവേ...”

അപ്പോള്‍ നാളെ ചാനലുകളും പത്രങ്ങളും ഒക്കെ ഞെട്ടിക്കുന്ന രീതിയില്‍

നമുക്കൊന്നു അടിച്ചു പൊളിക്കാം എന്താ.”

“സഖാവേ അടിച്ചു പൊളിക്കുന്നത് എവിടെ വച്ചാ?”

എടാ ശുംഭാ അതിനല്ലേ കുറെ ദ്വീപുകള്‍ കിടക്കുന്നത്.മക്കാവ്‌, മലാക്ക..

അവിടെയൊക്കെ പോയി ഒന്ന് കറങ്ങി വരാം.

അപ്പോള്‍ എല്ലാം പറഞ്ഞ പോലെ .... ലാല്‍സലാം സഖാവേ...

SAKHAAVU PINARAAYI MATHSARIKKANDE?

2011-03-19T00:53:00.000+05:30

ഒരു ഇന്ത്യന്‍ പൌരന്റെ എല്ലാ മൌലിക അവകാശങ്ങളും ഉള്ള ആള്‍ തന്നെയാണ് പിണറായി വിജയനും.

എന്ത് കൊണ്ട് അയാള്‍ മാത്രം മുഖ്യധാര അഥവാ അധികാര രാഷ്ട്രീയത്തില്‍ നിന്നും അകറ്റി നിരതപ്പെടുന്നു.അയാള്‍ക്ക്‌ വേണ്ടി എന്ത് കൊണ്ട് ആരും മുദ്രാവാക്യം വിളികള്‍ ഉയര്‍ത്തുന്നില്ല.?

കാരണം ഒന്നേയുള്ളൂ ലാവലിന്‍ കേസില്‍ ഏഴാം പ്രതിയാണ് പിണറായി വിജയന്‍ ...

അധികാരത്തില്‍ ഇരുന്നപ്പോള്‍ എടുത്ത ഒരു നടപടി ആണ് പിന്നീട് വിവാദം ആയ കേസിന് ആധാരം.

അധികാരത്തില്‍ നിന്നും ഒഴിഞ്ഞു ഏറെ നാള്‍ കഴിഞ്ഞു രജിസ്ടര്‍ ചെയ്യപ്പെട്ട കേസ്‌ 1998 ല ആണ് പിണറായി മന്ത്രി സ്ഥാനം ഒഴിയുന്നത്.

ഇപ്പോള്‍ പതിമൂന്നു വര്ഷം കഴിഞ്ഞു കേസ്‌ എവിടെയും എത്തിയില്ല.

പക്ഷെ പിണറായി വിജയന്‍ തിരഞ്ഞെടുപ്പില്‍ മത്സരിക്കുന്നില്ല എന്ന് പൊതുജനം മുന്‍കൂട്ടി അങ്ങ് തീരുമാനിക്കുന്നു.

മത്സരിക്കാന്‍ തീരുമാനിച്ചാല്‍ കേസിലെ പ്രതി മത്സരിക്കുന്നത് ധാര്‍മികത ആണോ എന്നാ ചോദ്യം നാം ഉയര്‍ത്തും.

ഈ ധാര്‍മികതയുടെ അടിസ്ഥാനം എന്താണ്?

ഇന്ത്യന്‍ നീതിന്യായ വ്യവസ്ഥയില്‍ ഈ ധാര്‍മികതയ്ക്ക് എന്തെങ്കിലും കാര്യം ഉണ്ടോ?

ഈ ധാര്‍മികത കൊണ്ടുള്ള ഗുണം ആര്‍ക്ക് ആണ്.

സി.പി.എമ്മിലെ വിഭാഗീയത ഒന്ന് കൊണ്ട് മാത്രമാണ് ധാര്‍മികത കേരള രാഷ്ട്രീയത്തിലെ ഒരു അളവ് കോല്‍ ആയി മാറിയത്‌.

അവരവര്‍ക്ക് ഗുനമുണ്ടാകുന്ന വിധത്തില്‍ ധാര്‍മികതയെ വളച്ചൊടിക്കുകയും ചെയ്തു ഒരു പറ്റം കപട ധാര്‍മിക വാദികള്‍ ..

ഈ ധാര്‍മികതയ്ക്ക് നമ്മുടെ ജന പ്രാതിനിധ്യ നിയമത്തില്‍ ഒരു സ്ഥാനവും ഇല്ല

കേസില്‍ പ്രതിയായാല്‍ തിരഞ്ഞെടുപ്പില്‍ മത്സരിക്കരുതെന്ന് ജന പ്രാതിനിധ്യ നിയമം പറയുന്നും ഇല്ല.

ആയിരം കുറ്റവാളികള്‍ രക്ഷപ്പെട്ടാലും ഒരു നിരപരാധിപോലും ശിക്ഷിക്കപെടരുത് എന്നാണു നമ്മുടെ നീതി സംഹിത പറയുന്നത്.ആരാണ് കുറ്റവാളി ?

കുറ്റം ചെയ്യുന്നയാള്‍ എന്ന് എളുപ്പത്തില്‍ പറയാം.

ഒരാള്‍ കുറ്റം ചെയ്തു എന്ന് എങ്ങനെ തെളിയിക്കാം?

ആരോപണം നേരിടുന്നവര്‍ കുറ്റവാളികള്‍ ആണോ?

ആണെങ്കില്‍ കേരള രാഷ്ട്രീയത്തില്‍ കുറ്റവാളികള്‍ അല്ലാത്തവര്‍ ഉണ്ടാകില്ല.

ആരോപണ വിധേയരെ മാറ്റി നിര്‍ത്തിയാല്‍ തിരഞ്ഞെടുപ്പില്‍ മത്സരിക്കാന്‍ മുതിര്‍ന്നവരെ കിട്ടാത്ത അവസ്ഥ വരും.

ഒരാള്‍ക്കെതിരെ അന്യോഷണം നടത്താന്‍ തീരുമാനിച്ചാല്‍ അയാള്‍ കുറ്റവാളി ആകുമോ?

ആണെങ്കില്‍ ഒരുപാട് നേതാക്കന്മാര്‍ കുറ്റവാളികള്‍ ആണ്.

അന്യോഷണം നടത്തി പ്രതി എന്ന് കണ്ടെത്തിയാല്‍ ഒരാള്‍ കുറ്റവാളി ആകുമോ?

കൊലപാതക കേസില്‍ പോലും പ്രതിക്ക് ഒരുപാട് മൌലിക അവകാശങ്ങള്‍ ഉണ്ട്

സ്വന്തം ഭാഗം കോടതിയില്‍ വാദിക്കാം.

തെളിവുകള്‍ നിരത്താം.

അനുകൂലമായ സാക്ഷികളെ ഹാജരാക്കാം.

കീഴിക്കോടതി മുതല്‍ സുപ്രീം കോടതി വരെ നിയമ പോരാട്ടങ്ങള്‍ നടത്താം.

ഒടുവില്‍ കോടതി തീരുമാനം വരും.

അതിന്മേല്‍ മറ്റൊരു തീരുമാനമോ അപേക്ഷയോ പറ്റില്ല എന്ന അങ്ങേ അറ്റം.

അപ്പോള്‍ ആണ് കുറ്റവാളി എന്നാ വിശേഷണം അനുയോജ്യം ആകുന്നതു.

ഏതെന്കിലും ഒരു കോടതി ശിക്ഷ നല്‍കിയാല്‍ നമുക്ക് പറയാം ഒരാള്‍ കുറ്റവാളി എന്ന്.

പ്രതി എന്ന വാക്കിന്റെ ഇന്ഗ്ലിഷ് അക്ക്യൂസ്ദ്‌ എന്നാണു.

അതായത് കുറ്റാരോപിതന്‍ .കുറ്റാരോപിതന്‍ എന്നാല്‍ കുറ്റവാളി അല്ല.

കുറ്റം ആരോപിക്കപ്പെട്ട ആള്‍ എന്നാണു.ലാവലിന്‍ കേസിലെ ഏഴാം പ്രതിയായ പിണറായി കുറ്റാരോപിതന്‍ ആണ്.

ക്ട്ടവാളി ആണോ?

എല്ലാവരും ചോദിക്കുന്നത് വി എസ് മത്സരിക്കുമോ/

സീറ്റ്‌ കിട്ടുമോ?

മത്സരിചില്ലെന്കില്‍ എന്താകും പാര്‍ട്ടിയുടെ ഗതി എന്നൊക്കെയാണ്?

ഇങ്ങനെ ഒരു നേതാവിന് വേണ്ടി ഉയരുന്ന ചോധ്യങ്ങള്‍ക്കിടയില്‍ നമ്മള്‍ ഒരിടത് പോലും കേട്ടില്ല പിണറായി മത്സരിക്കുമോ എന്ന്?

ധാര്‍മികതയുടെ പേരില്‍ സി പി എം പിണറായി മാറ്റി നിര്‍ത്തുന്നത് ശരി എന്ന് വക്കാം.

പക്ഷെ ഒരു ചോദ്യം അവശേഷിക്കുന്നു.

എന്ത് കൊണ്ട് പിണറായി വിജയന്‍ മത്സരിക്കണം എന്ന് ആരും പരസ്യമായി ആവശ്യപ്പെടുന്നില്ല.

ആരെയാണ് ഭയപ്പെടുന്നത്?

ലാവലിന്‍ കേസില്‍ കുറ്റപത്രം വന്നതിനു ശേഷം പ്രകാശ്‌ കാരാട്ട് പറഞ്ഞു പിണറായി വിജയന്‍ ഒരു പഞ്ചായത്ത് അംഗം എങ്കിലും ആയിരുന്നെങ്കില്‍ രാജി വയ്ക്കുമായിരുന്നു എന്ന്.

ഇതിനെ നാം ധാരിമികത എന്ന് വിളിക്കുന്നു.

കാരാട്ട് പറഞ്ഞാല്‍ നാം അതിനെ ധാര്‍മികത എന്ന് വിളിച്ചു പിന്താങ്ങും.

അതിനാല്‍ അഞ്ചു വര്ഷം മുന്‍പ്‌ പിണറായി മത്സര രംഗത്ത് നിന്നും മാറി നിന്നു.

ഈ അഞ്ചു കൊല്ലത്തിനിടെ ലാവലിന്‍ കേസില്‍ വിചാരണ ഒന്നും നടന്നില്ല.

തുടര്‍ അന്യോഷണം നടക്കുന്നു.

ചിലപ്പോള്‍ കൂടുതല്‍ പ്രതികള്‍ ഉണ്ടായേക്കാം.

അന്യോഷണം ഇപ്പോഴും തുടരുന്നു.

അഞ്ചു വര്ഷം കഴിഞ്ഞു നിയമ സഭാ തിരഞ്ഞെടുപ്പ് വരുമ്പോഴും എല്ലാവരും ചര്‍ച്ച ചെയ്യുന്നത് വി എസ്സിന്റെ സ്ഥാനാര്‍ഥിത്വം ആണ്.

എന്താ പിണറായി വിജയന്‍ മത്സരിക്കണ്ടേ?

ഒരിക്കലും തീരാത്ത കോടതി നടപടികള്‍ കൊണ്ട് കേസുകള്‍ എല്ലാം നീണ്ടു നീണ്ടു പോകുന്നു.

ഇത് മനുഷ്യാവകാശങ്ങളുടെ ലംഖനം കൂടിയല്ലേ?

പാമോലിന്‍ കേസില്‍ അഴിമതിയില്ല എന്ന് ഏതെന്കിലും കാലത്ത് തെളിഞ്ഞാല്‍ ആ വിധി കൊണ്ട് അന്തരിച്ചു പോയ കരുണാകരന് എന്ത് ഗുണം?

ഇനി ഒരു പത്തു കൊല്ലം കൂടി കഴിഞ്ഞു ലാവലിന്‍ കേസില്‍ വിചാരണ കഴിഞ്ഞു വിധി പ്രസ്താവിക്കുമ്പോള്‍ ഇടപാടില്‍ ക്രമക്കേടില്ല എന്ന് തെളിഞ്ഞാല്‍ പിണറായിക്ക്‌ നഷ്ടപ്പെട്ട ഇരുപതു കൊല്ലം ആര് തിരികെ നല്‍കും?

ലാവലിന്‍ വിധി വരും വരെ ധാര്‍മികതയുടെ പേര് പറഞ്ഞു സി പി എം പിണറായിയെ മാറ്റി നിര്‍ത്തുമോ?

ധാര്‍മികതയുടെ പരിധി എത്ര വര്ഷം ആണ്?

കേരള രാഷ്ട്രീയത്തില്‍ നിരനായകമായ സ്ഥാനവും സ്വാധീനവും ശക്തിയും ഉള്ളയാള്‍ തന്നെയാണ് പിണറായി വിജയനും.

പാര്‍ട്ടിയെ നയിക്കാന്‍ ശക്തിയുള്ള, ഭരണ രംഗത്ത് കഴിവ് തെളിയിച്ച

ഇദ്ദേഹത്തിന്റെ ഭരണ മികവും നേതൃപാടവവും കേരളത്തിലെ ജനങ്ങള്‍ക്ക്‌ ഗുണകരം ആകാന്‍ ഉപയോഗിക്കെണ്ടാതല്ലേ?

ധാര്‍മികതയുടെ പേരില്‍ തിരഞ്ഞെടുപ്പില്‍ നിന്നും മാറ്റി നിര്തപ്പെടുമ്പോള്‍ ജനങ്ങള്‍ക്കുള്ള അവകാശം കൂടി അല്ലെ നിഷേധിക്കപ്പെടുന്നത്?

ഒരാളുടെ മൌലിക അവകാശതിനുമേല്‍ കടന്നു കയറാന്‍ ധാര്‍മികതയ്ക്ക് എന്തവകാശം ആണുള്ളത്?

ചോദ്യങ്ങള്‍ ഇങ്ങനെ ഒരുപാടുണ്ട് ...

നമുക്ക് ചര്‍ച്ച ചെയ്യേണ്ട കാര്യങ്ങള്‍.....

WHO NEEDS VS........

2011-03-18T00:58:00.003+05:30

ആര്‍ക്കും വേണ്ടാത്ത വി എസ്സിനെ ജനങ്ങള്‍ക്കും വേണ്ട.

ഇയാള എന്ത് ചെയ്തെന്നാ.

രണ്ടു രൂപയ്ക്കു അരി കൊടുതെന്നോ?

ആര്‍ക്കു.

ഉമ്മന്‍ ചാണ്ടി മൂന്നു രൂപക്ക്‌ അരി കൊടുത്തിട്ടാണ്

ഇറങ്ങി പോയത് .

പിന്നെയും അഞ്ചു വര്ഷം കഴിയേണ്ടി വന്നു

ഇങ്ങേര്‍ക്ക് അതിനെക്കുറിച്ച് ചിന്തിക്കാന്‍ തന്നെ.

അഞ്ചു വര്ഷം മുന്‍പ് കടയില്‍ നിന്നും മുപ്പതു രൂപയ്ക്കു

വാങ്ങിയിരുന്ന അരിക്ക് ഇപ്പോള്‍ അറുപതു

രൂപ ആയെന്നു ഇന്നലെ ടിവിയില്‍ പറയുന്ന കേട്ട്.

നിത്യോപയോഗ സാധനങ്ങള്‍ക്ക് വില കൂടുംബോഴെല്ലാം

കേന്ദ്രത്തെ പഴിച്ചു സമയം കളയുക അല്ലാതെ എന്തെങ്കിലും

ചെയ്യാന്‍ ഇയാള്‍ക്ക് കഴിഞ്ഞോ?

തൊട്ടടുത്ത തമിഴ്‌ നാട് നികുതി ഒഴിവാക്കി പെട്രോള്‍ വില

കുറച്ചപ്പോള്‍ കേരളം എന്ത് ചെയ്തു.

മലപ്പുറത്തെ കുട്ടികള്‍ പഠിച്ചല്ല പരീക്ഷ പാസ്സാവുന്നത്

എന്ന് പറഞ്ഞത് ഈ വി എസ് തന്നെയല്ലേ?

ശാരിയുടെ അഭിമാനത്തില്‍ കയറി നിന്ന്

മന്ത്രിക്കസേരയില്‍ കയറിയ വി എസ്

അധികാരത്തില്‍ കയറിയ ഉടനെ

ശാരിയുടെ അച്ഛനെ അറസ്റ്റ്‌ ചെയ്യുക അല്ലെ ചെയ്തത്.

ആ കൊച്ചു കുട്ടിയെക്കൂടി അയാള്‍ അന്ന് അറസ്റ്റ്‌ ചെയ്യിചില്ലേ?

ശാരിയുടെ അച്ഛനും വീട്ടുകാരും കാണാന്‍ ചെന്നിട്ട് കണ്ടോ?

അതും ഈ വി എസ് തന്നയല്ലേ?

അഞ്ചു വര്ഷം കഴിഞ്ഞിട്ടും വി ഐ പി യെ പുറത്തു

വിട്ടോ?

ഇത്തിരിയെങ്കിലും അധികാര മോഹം ഇല്ലാത്ത ആള്‍ ആയിരുന്നെങ്കില്‍

ആദ്യം ഈ വി ഐ പി കള്‍ ആരെന്നു പറയുക ഇല്ലായിരുന്നോ?

ആ കേസ്‌ ഒരു ചുവടു എങ്കിലും മുന്നോട്ട് നടത്തിയോ?

അഞ്ചു വര്ഷം വേണ്ടി വന്നു സ്മാര്‍ട്ട്‌ സിറ്റി കരാര്‍ ഒന്ന്

ഒപ്പിടാന്‍.

അഞ്ചു വര്ഷം മുന്‍പ് പറഞ്ഞതിനേക്കാള്‍

എന്തെങ്കിലും വ്യത്യാസം കരാറില്‍ ഉണ്ടായിരുന്നോ?

സ്മാര്‍ട്ട് സിറ്റി കരാര്‍ ഒപ്പിട്ടവരെ ജയിലില്‍ കെട്ടുമെന്ന് പറഞ്ഞ

ആളും ഈ വി എസ്സല്ലേ?

ഇരുപതിനായിരം കോടി രൂപയുടെ വികസന കരാറുകള്‍

പൂഴ്ത്തി വച്ച് നാടിന്റെ വികസനത്തെ മുരടിപ്പിച്ചതും

ഈ വി എസ് തന്നെയല്ലേ?

തൊഴിലിനു തെണ്ടുന്ന യുവജനങ്ങളെ വഞ്ചിച്ചു കൊണ്ട്

പിന്‍ വാതില്‍ നിയമനം അനവധി നടത്തിയതും ഈ വി എസ്സിന്റെ

മന്ത്രി സഭ അല്ലെ?

പി എസ് സി യുടെ വിശ്വാസ്യത തകര്‍ത്തതും ഈ വി എസ്സിന്റെ

മന്ത്രി സഭ അല്ലെ?

കല്ല്‌ വാതില്‍ക്കല്‍ മദ്യ ദുരന്ത കേസ്‌ അട്ടിമറിച്ചതും ഈ വി എസ്സല്ലേ?

ചന്ദന മാഫിയക്ക് ഓശാന പാടിയത് ഈ വി എസ്സല്ലേ?

ലോട്ടെരി ഇടപാടിലെ അഴിമതി എന്തെ വി എസ് പുറത്തു കൊണ്ട് വന്നില്ല.

മൂന്നാറില്‍ ജെ സി ബി യും കൊണ്ട് പോയി ഷോ കാണിച്ചിട്ട്

എന്തായി?

സ്വന്തം പാര്‍ട്ടിക്കും നേതാക്കള്‍ക്കും എതിരെ എന്തെല്ലാം

പറഞ്ഞു നടന്നു ഈ വി എസ് .

ലാവലിന്‍ കേസില്‍ പിണറായിയെ കുടുക്കിയത് വി എസ് അല്ലെ?

കോടിയേരിയും മക്കളെയും സമൂഹത്തില്‍ താരടിച്ചതും ഈ വി എസ്സല്ലേ?

സ്വന്തം മകന് വഴി വിട്ടു സമ്പാദിക്കാന്‍ അവസരം ഉണ്ടാക്കിയതും

ഈ വി എസ്സല്ലേ?

ആദരണീയനായ ഇന്ത്യന്‍ പ്രസിടെന്റിനെ മേലോട്ട് വാണം

വിടുന്നയാള്‍ എന്ന് വിളിച്ചതും ഈ വി എസ് തന്നെയല്ലേ?

എത്രയെത്ര മാന്യ വ്യക്തികളെ ഇയാള സ്വന്തം നാവു

കൊണ്ട് വായില്‍ തോന്നിയത് പറഞ്ഞു?

കുറെ മാധ്യമങ്ങള്‍ ഇടതു പക്ഷത്തിനെതിരെ ഉള്ള ആയുധം

ആയി വി എസിനെ കരുതുകയും ഊതി പെരുപ്പിക്കുകയും

ചെയ്തു.

അറിഞ്ഞോ അറിയാതെയോ പലരും അയാലിനെ പെരുപ്പിച്ചു.

അവസാനം ആ ഊതി വീര്‍ത്ത ബലൂണ്‍ അങ്ങ് പൊട്ടി.

അഞ്ചു വര്ഷം മുന്‍പ് ആടിയ ആ പൊറാട്ട് നാടകം

കേരളത്തിലെ തെരുവുകളില്‍ വീണ്ടും നടക്കുന്നു.

പതിനെട്ടു തികയാത്ത യുവാക്കളെ തെരുവിലിറക്കി

വി എസ്സിന് കീജയ്‌ വിളിപ്പിക്കുന്നു.

നേരെ ചൊവ്വേ സംസാരിക്കാന്‍ അറിയാത്ത.

ചെറുപ്പക്കാരുടെ മനസ്സറിയാത്ത,

വികസനം തടഞ്ഞു വയ്ക്കുന്ന, പുരോഗമന

ആശയങ്ങളെ മുഴുവന്‍ കാറ്റില്‍ പരത്തുന്ന ഒരാളിന്

വേണ്ടി ഈ ചെറുപ്പക്കാര്‍ ഇങ്ങനെ ചെയ്യുമോ?

കുറച്ചു കുപ്പി കിട്ടിയാല്‍ കീ ജയ്‌ വിളിക്കാന്‍ ആളിനെ കിട്ടുമായിരിക്കും.

എന്നാല്‍ അതിലൂടെ ഇനിയും കസേര കിട്ടുമെന്നതു

വ്യാമോഹം ആയിരിക്കും.

ഒരാളിന്റെ ആത്മാവ് എങ്കിലും ഇപ്പോള്‍ ഇത് കണ്ടു

ചിരിക്കുന്നുണ്ടായിരിക്കും .....

നമ്മുടെ രാജ്യത്തിനു വേണ്ടി രക്ത സാക്ഷി ആയി ആയ

സന്ദീപിനെ ഓര്‍മ്മയുണ്ടോ?

പട്ടിപോലും സന്ദീപിന്‍റെ വീട്ടില്‍ പോകുമോ എന്ന്

ചോദിച്ച വി എസിന് അതെ മറുപടി ആണ് ഇപ്പോള്‍ ഉചിതം.

അതെ വി എസ് .

ഇനി പട്ടി പോലും നിങ്ങളെ തിരിഞ്ഞു നോക്കില്ല.

A doubt of an ordinary malayali

2011-02-25T23:02:00.001+05:30

ഇപ്പോഴത്തെ സംഭവ വികാസങ്ങള്‍ കണ്ടപ്പോള്‍ മലയാളിക്ക് ഒരു സംശയം തോന്നി .
കുറച്ചു ദിവസങ്ങള്‍ ആയി ഇത് തോന്നിയിട്ട്. പറ്റിയ ഒരു സഖാവിനെയും മുന്‍പില്‍ കിട്ടാത്തതിനാല്‍ ആരോടും ചോദിച്ചില്ല. അങ്ങനെ വിചാരിച്ചു അതിവിടെ ചോദിച്ചാലോ എന്ന്?
   കേരള രാഷ്ട്രീയം ഇപ്പോള്‍ പല പല ആരോപണങ്ങളാല്‍ ചീഞ്ഞളിഞ്ഞു ഇരിക്കയാണല്ലോ. രവൂഫ്‌ എന്നൊരു വ്യക്തി കുഞ്ഞാലിക്കുട്ടിയെ ബ്ലാക്ക്‌ മെയില്‍ ചെയ്യാന്‍ വേണ്ടി പുതിയ ആരോപണങ്ങളുമായി രംഗത്ത് വരുകയും ചാനലായ ചാനലിലെല്ലാം ചൂടപ്പം പോലെ കുഞ്ഞാലിക്കുട്ടിയും റവൂഫും പിന്നെ അച്ചുതാനന്ദന്റെ മിമിക്രിയും അടിച്ചു പൊളിച്ചു.....
കോടതി കുറ്റക്കാരനും പ്രതിയും അല്ല എന്ന് പറഞ്ഞു വെറുതെ വിട്ട ആളാണ്‌ കുഞ്ഞാലിക്കുട്ടി.
ഒരാള്‍ പുതിയ വെളിപ്പെടുത്തലും ആയി വന്നപ്പോള്‍ ഇടതു പക്ഷവും ചാനലുകളും അത് കൊണ്ടാടി.
പുതിയ അന്യോഷണവും വന്നു.
   അതെ പോലെ കേരള ഹൈകോടതി വെറുതെ വിട്ട ആളാണ്‌ നമ്മുടെ ബാലകൃഷ്ണ പിള്ളയും. പക്ഷെ ബാലകൃഷ്ണ പിള്ളക്കെതിരെ മുഖ്യ മന്ത്രി അച്ചുതാനന്ദന്‍ സുപ്രീം കോടതിയില്‍ അപ്പീല്‍ പോയി കേസ്‌ നടത്തി പിള്ളക്ക് ഒരു വര്ഷം ജയില്‍ ശിക്ഷ വാങ്ങി കൊടുത്തു.
   ഇതൊക്കെ ഇപ്പോള്‍ നടന്നു കൊണ്ടിരിക്കുന്ന കാര്യങ്ങള്‍...ഇനിയാണ് എന്റെ സംശയം...........
   ജഡ്ജിക്കും അന്യോഷണ ഉദ്യോഗസ്ഥന്മാര്‍ക്കും സാക്ഷികള്‍ക്കും ഒക്കെ കൈക്കൂലി കൊടുത്താണ് കുഞ്ഞാലിക്കുട്ടി പ്രതിയല്ലാതായത് എന്നാണു ഇടതു പക്ഷത്തിന്റെ ആരോപണം.
അച്ചുതാനന്ദന്റെ പ്രസ്താവന പ്രകാരം എല്ലാവര്ക്കു കോടികള്‍ ഒഴുക്കിയാണ് കുഞ്ഞാലിക്കുട്ടി രക്ഷപ്പെട്ടത് എന്നാണു.
   ഒരാളെ രക്ഷപ്പെടുത്താന്‍ ജഡ്ജിയും സാക്ഷികളും അന്യോഷണ ഉദ്യോഗസ്ഥരും ഒക്കെ കോടികള്‍ കോഴ വാങ്ങിയെന്നത് മലയാളിക്ക് വിശ്വസിക്കാമെങ്കില്‍ ഒരാളെ ശിക്ഷിക്കാനും കോടതിയും സാക്ഷികളും ജഡ്ജിമാരും അന്യോഷണ ഉദ്യോഗസ്ഥരും കോടികള്‍ കോഴ വാങ്ങിക്കൂടെ.അങ്ങനെ കോടികള്‍ കോഴ കൊടുത്താണ് ബാലകൃഷ്ണ പിള്ളക്ക് ഈ ശിക്ഷ വാങ്ങി കൊടുത്തതെന്ന് മലയാളി വിശ്വസിച്ചാല്‍ തെറ്റ് വല്ലതും ഉണ്ടോ?
   കുഞ്ഞാലിക്കുട്ടിക്ക് ബാധകമായത് പിള്ളക്കും ബാധകമാകും... ഇല്ലേ? ഒരാള്‍ രക്ഷപ്പെടാന്‍ കോടികള്‍ കോഴ കൊടുത്തു എങ്കില്‍ മറ്റൊരാളെ ശിക്ഷിക്കാന്‍ കോടികള്‍ കോഴ കൊടുത്തു അല്ലെ?
മാത്രമല്ല പല പത്രങ്ങളും റിപ്പോര്‍ട്ട് ചെയ്തിരുന്നു മുഖ്യമന്ത്രി തലേ ദിവസം തന്നെ ബാലകൃഷ്ണ പിള്ളയുടെ വിധി അറിഞ്ഞിരുന്നു എന്നാണ് .

   ആയിരം കുറ്റവാളികള്‍ രക്ഷപ്പെട്ടാലും ഒരു നിരപരാധി പോലും ശിക്ഷിക്കപ്പെടരുത് എന്നാണു നമ്മുടെ നിയമ സംഹിത പറയുന്നത്. ഇപ്പോള്‍ നമ്മുടെ കോടതികളെ നമുക്ക് വിശ്വസിക്കാന്‍ പറ്റുന്നില്ല.വിശ്വസിക്കണം എങ്കില്‍ ബാലകൃഷ്ണ പിള്ളയെ ആദ്യം വെറുതെ വിട്ട ജഡ്ജിമാരെ വിചാരണ ചെയ്യണം എന്ന് എനിക്ക് തോന്നിയാലോ?
   ഇടതു പക്ഷത്തിനെതിരെ കോടതികള്‍ എന്ത് പറഞ്ഞാലും കോടതിക്കെതിരെ ആഞ്ഞടിക്കുന്നവര്‍ ആണ് ഇടതു പക്ഷം.. സമീപ കാലത്ത് സഖാവ് ജയരാജന്‍ ജഡ്ജിമാരെ ശുംഭന്മാര്‍ എന്ന് വരെ വിളിച്ചു.....അപ്പോഴൊക്കെ ഇടതു പക്ഷത്തിന്റെ പക്ഷത്താണ് ന്യായം നിരത്തിയത് നമ്മുടെ സാംസ്കാരിക നായകന്മാര്‍. സുധാകരനും ഈയിടെ സുപ്രീം കോടതി ജഡ്ജി കോഴ വാങ്ങിയ കാര്യം പറയുക ഉണ്ടായി. അപ്പോള്‍ എതിര്‍ക്കാനും കേസ്‌ എടുക്കാനും എത്ര ഇടതു പക്ഷ നേതാക്കള്‍ എത്തി.
   എവിടെയോ എന്തോ ഒന്ന് മണക്കുന്നു.. ബാലകൃഷ്ണ പിള്ളയെ അച്യുതാന്ദന്‍ കുടുക്കിയതാണെന്ന് വിശ്വസിക്കാന്‍ ആണ് സാധാരണ മലയാളി ആയ ഈ മലയാളിക്കും കഴിയുക.
ശെരിയല്ലേ ?

Story of a cheating

2011-02-16T18:10:00.005+05:30

çÉÞµáK çÉÞAßÈí ®ˆÞ ØíÅÞÈB{á¢ ØbLAÞVAí ®KÞÃá ÕßÆcÞÍcÞØ ÕµáMßæÜ ÈÏ¢. ÕµáMßæa µàÝßÜáU ³ÁßçÏÞ Õß×bW ùßçdÉÞd·ÞËßµí æØaùßW ç¼ÞÜßæºÏíÄßøáK Ìß. dÖàÜÄÏíAá µ¢ÉcâGV ³MçùxùÞÏß ØßÁíçµÞÏßçÜAá ÁÉcâçG×X ÄøæM¿áJßÏÄßÈá ÉßKßW ÎdLßÏáæ¿ ÉÝíØÈW ØíxÞËßWæMG ÍVJÞÕßæa ØbÞÇàÈÎáæIKá ÖdÄáAZ ÉùEáÉøJßÏßøáKá. çÉÞøÞJÄßÈí ®æµ¼ß æØaùßæÜ ¼àÕÈAÞøX µâ¿ßÏÞÃí §çgÙ¢ ®KùßÏáçOÞçÝÞ?
®KÞW, ØßÁíçµÞÏßW ÁÉcâçG×ÈßW ®JßÏçMÞÝÞÃá ÖO{¢ ¥dÄ çÉÞøÞ ®Ká çÄÞKßÏÄí. ¥Õßæ¿ ÄæK ØàÈßÏV ÎÞçÈ¼V (ØßØíx¢) ®K ÄØíÄßµÏßW §øáÉÄßÈÞÏßø¢ øâÉÏíAá Îáµ{ßW ÖO{ÎáIí. ¨ ÄØíÄßµ ÜfcÎßGá Éøàf ®ÝáÄß. µßxíçµÞ ÕÝßÏÞÃá Éøàf È¿JßÏÄí. 33 çÉV ®ÝáÄßÏçMÞZ 14 ÎÞVAí ÎÞdÄÎáU dÖàÜÄÏíAá 33_Þ¢ ØíÅÞÈÎÞÃá µßGßÏÄí. §aVÕcâÕßÈí ÎÞVAí µâGßÈWµÜÞÃá ÉÄßÕáøàÄß. Éçf, §AÞøcJßW ®dÄ µâGßÏßGÞÜá¢ ²KÞ¢ ØíÅÞÈæJJßAÞÈÞÕßˆ. ÉßæKLá æº‡á¢!

§çÄ ÖO{ ØíæµÏßÜßW ØàÈßÏV ÎÞçÈ¼V (°¿ß ÁÕÜÉíæÎaí) ®æKÞøá ÄØíÄßµ Øã×í¿ßAáµÏÞÏßøáKá ÉßKà¿á µI ÎÞV·¢. ÕcÕØÞÏÕµáMí ÄØíÄßµ Øã×í¿ß‚á. øIá ÆßÕØJßÈáUßW ³ÁßçÏÞ Õß×bW ùßçdÉÞd·ÞËßµí æØaV ®X²Øß æµÞ¿áJá. ²øÞÝíºÏíAáUßW ÈßÏÎÈÕá¢ µßGß. §çÄ ³ËßØßW dÖàÜÄÏíAá Îáµ{ßÜáU Îxí ¦ùá ÄØíÄßµµæ{ çÈÞAáµáJßµ{ÞAßæAÞIÞÏßøáKá ÈßÏÎÈ¢.

ØßÁíçµÞÏßæÜ ¦ùá ÄØíÄßµµZ çÈÞGßèË æºÏíÄá Éøàf È¿JáçOÞÝÞÃá dÖàÜÄÏíAá çÕIß ÉáÄßæÏÞøá ÄØíÄßµ Øã×í¿ß‚Äí. ¨ ÄØíÄßµ çÈÞGßèË æº‡ÞJæÄLí ®K çºÞÆcJßÈí ®¢ÁßAá ÎùáÉ¿ßÏáÎßˆ. ¨ ÄØíÄßµÏßW dÖàÜÄæÏ ÈßÏÎßAÃæÎKá ÕcÕØÞÏ ÕµáMßçÜAí ÖáÉÞVÖ æºÏíÄÄí ®¢Áß ÄæK. ®¢ÁßÏáæ¿ ÖáÉÞVÖdÉµÞø¢ ÄØíÄßµ Øã×í¿ß‚í ÕcÕØÞÏ ÕµáMí ©JøÕßùAáµÏÞÏßøáKá.
dÖàÜÄæÏ ÎÞdÄÎˆ, ¥YØíµßWÁí ÕVAV ÄØíÄßµÏßW ¥XÉçÄÞ{¢ çÉæø ÄßøáµßAÏxÞÈáU ®ˆÞ È¿É¿ßµ{á¢ ØßÁíçµÞÏßW ÉâVJßÏÞÏßAÝßEá. ®GÞ¢ ÐÞØí çÏÞ·cÄ Õ‚ßøßAáK ¨ ÄØíÄßµÏßW Éøàf ®ÝáÄßÏÄá ÎáÝáÕX ÌßøáÆÕá¢ ÌßøáÆÞÈLø ÌßøáÆÕá¢ ©UÕøÞÃí. ÉøàfÏßW ©KÄÕß¼Ï¢ çÈ¿ß §ÕV ÕVAùÞÏß ç¼ÞÜßAá µÏùá¢. ç¼ÞÜßÏßÜßøßçA ÉÀß‚á Áßd·ß çÈ¿ßÏÞW dÉçÎÞ×X ©ùMÞÃí. ²øá ÎÞØJßÈáUßW Áßd·ß ØVGßËßAxí ÙÞ¼øÞAáçOÞZ §Õæø ÐÞVAí ¦Ïá¢ Îxá µçØøµ{ßÜá¢ æµÞIßøáJá¢. ®BæÈÏáIí ÕcÕØÞÏÕµáMßæa ÉáÄßÏ Ìáiß!

¨ ÄØíÄßµÏßçÜAí ²øá ÎdLßÏáæ¿ ÍÞøcÞØçÙÞÆøßÏá¢ Éøàf ®ÝáÄß ¥ÍßÎá~JßW ÉæC¿áJßGáIí. ©çÆcÞ·ØíÅçÎÇÞÕßÏáæ¿ ÌtáÕá¢ ©Ií 28_Þ¢ ùÞCáµÞøÈÞÏß. øÞ×íd¿àÏAÞVAá çÕIß ÉJáçÉæø ÈßÏÎßAáçOÞZ ©çÆcÞ·ØíÅVAí ²øÞæ{æÏCßÜá¢ ÈßÏÎßAÞÎçˆÞ!

®ØíØß§¦V¿ßÏßW ÎâKáÕV×¢ ÙÞMß
æµ®ØíÏá dÉÕVJµV µÝßEÏÞÝíº Éâ¼Máø ®ØíØß§¦V¿ß ³ËßØßçÜAá ÎÞV‚í È¿JßÏÄá ÉßXÕÞÄßW ÈßÏÎÈ¢ ùgÞAáµ ®K ¦ÕÖc¢ ©KÏß‚ÞÏßøáKá. ®KÞW, ¥Õæø µÞJáÈßKÄí ÉßXÕÞÄßÜßÜâæ¿ ¥µJáµÏùßMxßÏ Ø~ÞA{ÞÏßøáKá. æÉÞÜàØßæa ØÞKßÇcJßW ØÎøAÞæø ¨ ÄÞWAÞÜßµ ¼àÕÈAÞV ¥¿ß‚á æùÞGßÏÞAß.
¨ ØVAÞV ÕKçÖ×¢ ®ØíØß§¦V¿ßÏßÜá¢ ³MY Øíµâ{ßÜáÎÞÏß ¯µçÆÖ¢ 200 çÉæøÏÞÃá ÉßXÕÞÄßW ÕÝß ÈßÏÎß‚Äí. ³MY Øíµâ{ßæa ¼ßˆÞ çµdwB{ßÜá¢ §Õæø ÈßÏÎß‚ßGáIí. ¨ ØVAÞV ÕøáçOÞZ ¥Õßæ¿ ç¼ÞÜßæºÏíÄßøáK ÄÞWAÞÜßµAÞæø µâGçJÞæ¿ Éßøß‚áÕßG çÖ×ÎÞÏßøáKá Ø~ÞA{áæ¿ µâGÈßÏÎÈ¢.
¥ÄßÈßæ¿, ¨ ØVAÞV ÈßÏÎß‚ÕæøÏá¢ ³ÁßçÏÞ Õß×bÜßW ÈßKá ÁÉcâçG×ÈßW ®JßÏÕæøÏá¢ ØíÅßøæM¿áJÞX µÝßE 25Èá ÎdLß ®¢.®. çÌÌßÏáæ¿ ØÞKßÇcJßW çºVK ÍøÃØÎßÄß çÏÞ·JßW ÈßVçÆÖ¢ ÕKá. çÏÞ·JßW ÎáÝáÕX ØÎÏ¢ ÉæC¿áAÞæÄ ÎdLß çÉÞæÏCßÜá¢ ¥ÄßW ÉæC¿áJ ÕßÆcÞÍcÞØ _ ÇÈµÞøc ÕµáMßæÜ ©çÆcÞ·ØíÅV ¨ ÈàA¢ ÖµíÄÎÞÏß ®ÄßVJá. Äá¿VKí ÄàøáÎÞÈæÎ¿áAÞæÄ ÎÞxßÕ‚á.

®KÞW, ÍøÃØÎßÄßÏßæÜ ºßÜVAá Ìáiß ©Æß‚á. ®ØíØß§¦V¿ßÏßW ÈßÜÕßW ²øáÕV×æJ µøÞV ÈßÏÎÈ¢ ©UÕV 45. ³MY Øíµâ{ßW ²øáÕV×æJ µøÞV ÈßÏÎÈ¢ çÈ¿ßÏÕV 75. §ÄßÈá ÉáùçÎ 55 çÉV Îxá ºßÜ ØíÅÞÉÈJßW ÉßXÕÞÄßW ÈßÏÎÈ¢ çÈ¿ßÏçÖ×¢ §çBÞGá ÁÉcâçG×ÈßW ÕKÕøÞÃí. ØíÅßøæM¿áJßæˆKí ©çÆcÞ·ØíÅV ÉùEçÄÞæ¿ ²øáÕV×æJ µøÞV ùgÞAß, ¨ æËdÌáÕøß ÎáÄW ÎâKá ÕV×çJAí ®ˆÞÕVAá¢ ÉáÄßÏ µøÞV ÈßÏÎÈ¢. ¯Õøáæ¿Ïá¢ ÖO{Õá¢ 20% ÕVÇßMß‚á ÈWµß. ¥ÇßµÞø¢ Õß¿á¢ÎáXÉá ®ˆÞ ÈßÏÎÈÕá¢ ØíÅßøæM¿áJÞæÎKÞÃá ÉÞVGßAá çÕIß çµÞÝ ÕÞBßÏ §¿ÈßÜAÞV ÈWµßÏßGáU ©ùMí.

æµ¿ßÁßØßÏßæÜ ØßÉß®¢ æÎÈá
¨ ØVAÞV ÕKçÖ×¢ æµ¿ßÁßØßÏßW ÉßXÕÞÄßW ÈßÏÎÈB{áæ¿ æµÞÏíJÞÏßøáKá. ÉÞVGßAJßW ºßÜV µÏùáçOÞZ ©çÆcÞ·ØíÅzÞøá¢ ÉÞVGßAÞøá¢ ÎxáºßÜæø çµÞÝ ÕÞBß µÏxßÕß¿á¢. 2007 ²µíç¿ÞÌV 27Èá 34 ÎÞçÈ¼VÎÞæø ÈßÏÎß‚ÞÏßøáKá ÉßXÕÞÄßW ÄáùKßGÄí.
µÝßE ¼âY ¥FßÈá 30 çÉæø µøÞV ¥¿ßØíÅÞÈJßW ÈßÏÎß‚á. ÉßKà¿á ÉÜæøÏá¢ çÄÞKßÏçÉÞæÜ ®¿áJçÄÞæ¿ §JøAÞøáæ¿ ®H¢ 200 ¦Ïß. §Õæø ØíÅßøæM¿áJÞÈáU ÈàAÕá¢ ÉßøßÕá¢ Ø¼àÕ¢. 2010 ¼âY 16Èá æÎÏíaÈXØí ®X¼ßÈàÏV ®K çÉøßW §ˆÞJ ÄØíÄßµÏßW ¯ÝáçÉæø ÈßÏÎß‚á. §Õøáæ¿ Äá¿A ÖO{¢ 20,000 øâÉÏíAá Îáµ{ßW. ÎâKá çÈø¢ ÍfÃ¢ dËà. ¥çÄ ÎÞØ¢ ÄæK ®Øß æÎAÞÈßµí ®K çÉøßW ÉJáçÉæø ¥ÕßÙßÄÎÞÏß ÈßÏÎß‚á. ÙìØí µàMVÎÞøáæ¿ ÈßÏÎÈ¢ çÕæù.

µÝßE ÁßØ¢ÌùßW °¿ß ¥ØßØíxaí ®K çÉøßW µáæùçMæø ÈßÏÎß‚á. µßGÞJÕV çµÞ¿ÄßÏßW ÉøÞÄß ÈWµß. µÝßE ÎÞØ¢ ÎæxÞøá ÉßXÕÞÄßW ÈßÏÎÈ¢ È¿JÞX çÌÞVÁí çÏÞ·¢ çºVKçMÞZ ²øá ºÞÈÜßW ÕÞVJ ÉøKá. ¥çÄÞæ¿ ¦ çÏÞ·JßW ÈßKá ºßÜ ¥¢·BZ §ùBßçMÞÏß. ¯ÄÞÏÞÜá¢ ÉÞVGß ³ËßØßW ÈßKá ÜÍßAáK ÉGßµ çÈÞAß ÈßÏÎÈ ©JøÕá ÈWµáK ÉÃßÏÞÃá æµ¿ßÁßØßÏßW È¿AáKÄí. æµ¿ßÁßØß ¦ØíÅÞÈ¢ dÉÕVJßAáK ÎÞØíµxí çÙÞGÜßæÜ 606 ÈOV ÎáùßÏßÜÞÃí ¥LßÎ ÄàVæMKá ¼àÕÈAÞV ÄæK ÉùÏáKá.

µøÞùáµÞøÈá ÁÉcâçG×X, dÉçÌ×X, ÎáXµÞÜ dÉÞÌÜc¢...!
ÎdLß ®.æµ. ÌÞÜX ØbL¢ ÕµáMßÈá µàÝßæÜ ØíÅÞÉÈÎÞÏ ¥æÈVGßæa ÁÏùµí¿ùÞÏß ²øÞæ{ ÈßÏÎßAÃæÎKá ÉùÏáKÄßW æÄæxÞKáÎßˆ. ®KÞW, ÎæxÞøá ØíÅÞÉÈJßW µøÞV ÕcÕØíÅÏßW ç¼ÞÜß çÈÞAßÏ ÕcµíÄßæÏ ®BæÈ §Õßæ¿ ÁÉcâçG×ÈßW ÈßÏÎßAá¢?

¥æÈVGí ÁÏùµí¿V ÄØíÄßµÏßçÜAí ®ÈV¼ß ÎÞçÈ¼íæÎaí æØaùßæÜ ®ÈV¼ß ®Ëß×cXØß ÁßÕß×X ÄÜÕX ®.®¢. ÈÞøÞÏÃæÈ øIáÕV×çJAá ÁÉcâçG×ÈßW ÈßÏÎßAÃæÎKá¢ ©JøÕá ÈWµáµ ®KáÎÞÃí ªV¼ æØdµGùßAá 2009 æËdÌáÕøßW ÌÞÜX ÈWµßÏ µJí. ©¿X ÄæK ÈÞøÞÃÏæÈ ÁÏùµí¿ùÞAß ÈßÏÎß‚í ©JøÕá¢ ÉáùæM¿áÕß‚á. ®KÞW, ¥Äßæa ¥¿áJ ÎÞØ¢ ®ÈV¼ß ÎÞçÈ¼íæÎaí æØaV ÁÏùµí¿V ÎæxÞøá ÕßºßdÄ ©JøÕá ÉáùæM¿áÕß‚á. µøÞV ¥¿ßØíÅÞÈJßW ÈßÏÎß‚ ÈÞøÞÏÃæa ²øáÕV×æJ dÉçÌ×X µÞÜÞÕÇß ÉâVJßÏÞæÏKí. µøÞV ¼àÕÈAÞøÈá dÉçÌ×çÈÞ? ÄàVKßˆ, ÈÞøÞÏÃæÈ 2008 æËdÌáÕøß ÎáÄW ÎáXµÞÜ dÉÞÌÜcçJÞæ¿ ¥FáÕV×çJAá µøÞV ¥¿ßØíÅÞÈJßW ÕàIá¢ ÈßÏÎß‚ÄÞÏá¢ ¦ ©JøÕßW ÉùÏáKá. ?ÍøÃµÞÜÞÕÇß ÄàøáçOÞZ ÕøáK ³çøÞ æÕ{ßÉÞ¿áµZ...മനോരമയില്‍ നിന്നും കോപ്പി എടുത്ത സാധനമാണ് ഇത്

കുഞ്ഞാലിക്കുട്ടിയും റവൂഫും ഗൂഡാലോചനയും

2011-01-31T18:17:00.003+05:30

ഇപ്പോള്‍ മലയാളത്തിലെ ചാനലുകളില്‍ ഒരു ഉത്സവം നടക്കുകയാണല്ലോ?

കുഞ്ഞാലിക്കുട്ടി എന്ന ഒരു സാധാരണ മനുഷ്യനെ എങ്ങനെ ഒക്കെ നാറ്റാമോ അങ്ങനെയൊക്കെ

ചെയ്യുകയാണ് നമ്മുടെ എല്ലാ ചാനലുകളും.

കേരളത്തില്‍ നടന്ന എല്ലാ വാണിഭങ്ങളും കുഞ്ഞാലിക്കുട്ടി എന്ന ഒരു മനുഷ്യനില്‍

കേന്ദ്രീകരിച്ചാണ് നടന്നത് എന്നാണു ഇതൊക്കെ കണ്ടാല്‍ തോന്നുക.

കോടതി വെറുതെ വിട്ട കേസ്‌ ആയിരുന്ന ഐസ്ക്രീം കേസ്‌ വീണ്ടും കുത്തിപ്പോക്കിയത്

കേരളം അറിയാന്‍ പോകുന്ന ഒരു വന്‍ ഗൂഡാലോചന ആയിരിക്കും എന്നത് ഉറപ്പാണ്.

റവൂഫ്‌ എന്ന ഭാര്യാ സഹോദരിയുടെ ഭര്‍ത്താവ് താനുമായി തെറ്റി പിരിഞ്ഞപ്പോള്‍ തന്നെ

കുഞ്ഞാലിക്കുട്ടി ഓര്‍ക്കണം ആയിരുന്നു ഇങ്ങനെ ഒക്കെ സംഭവിക്കും എന്ന്.

റവൂഫിനെപ്പോലെ ഒരാളിനെ സഹായിയായി കൂടെ കൂട്ടിയ കുഞ്ഞാലിക്കുട്ടി അവസാനം ഗതികെട്ട്

അയാളിനെ ഒഴിവാക്കിയത് എന്നാണു മനസ്സിലാകുന്നത്.

ഐസ്ക്രീം കേസ്‌ ആദ്യം ആയി പുറത്തു കൊണ്ട് വന്ന ഇന്ത്യാവിഷന്‍ ചാനലിന്റെ ആതാമാര്തതയെ

അന്ന് ആരും ചോദ്യം ചെയ്തില്ലെങ്കിലും ഇപ്പോള്‍ അവരുടെ ആത്മാര്‍ഥതയെക്കുറിച്ച് സംശയിക്കേണ്ടി ഇരിക്കുന്നു.

കുഞ്ഞാലിക്കുട്ടിക്ക് എതിരെ അവര്‍ ഒരു വ്യാജ വീഡിയോ കെട്ടിച്ചമച്ചു.

കുഞ്ഞാലിക്കുട്ടിയുടെ മുന്‍ ഡ്രൈവറും ഐസ്ക്രീം കേസിലെ ചില സാക്ഷികളെയും രഹസ്യമായി

ക്യാമറയില്‍ ചിത്രീകരിച്ചു കുഞ്ഞാലിക്കുട്ടിക്ക് എതിരെ തയ്യാറാക്കുക ആയിരുന്നു.

ഇന്ത്യാവിഷനില്‍ തന്നെയുള്ള വിശ്വസ്തന്‍ ഈ വിവരം തക്ക സമയത്ത് കുഞ്ഞാലിക്കുട്ടിയെ അറിയിച്ചപ്പോഴാണ്

ഒരു മുഴം നീട്ടി എറിയാന്‍ കുഞ്ഞാലിക്കുട്ടി പത്ര സമ്മേളനം നടത്തിയത്.

പക്ഷെ അതിനു ശേഷം റവൂഫിന്റെ വെളിപ്പെടുത്തലുകള്‍ വന്നപ്പോള്‍ ആണ് മാധ്യമ ലോകം ഞെട്ടിയത്.

ഒരു പക്ഷെ കുഞ്ഞാലിക്കുട്ടി പത്രസമ്മേളനം നടത്തിയില്ലായിരുന്നെന്കില്‍ ഇന്ത്യവിഷന്റെ വീഡിയോ

ആരും ശ്രദ്ധിക്കാതെ പോകുകയില്ലായിരുന്നോ എന്ന് ഒരു സംശയം ഉണ്ട്.

അവിടെ കുഞ്ഞാലിക്കുട്ടിക്ക് അബദ്ധം പറ്റിയില്ലേ?

ഒന്നര വര്ഷം മുന്‍പ് കുഞ്ഞാലിക്കുട്ടിയുമായി തെറ്റിപ്പിരിഞ്ഞപ്പോള്‍ തന്നെ ഐസ്ക്രീം കേസില്‍

നടന്ന കാര്യങ്ങള്‍ റവൂഫ്‌ ഇന്ത്യാ വിഷനിലെ പ്രമുഖ റിപ്പോട്ടരിനു കൊടുത്തിരുന്നു.

പക്ഷെ അപ്പോഴേക്കും അയാള്‍ ചാനലിന്റെ പടിയിറങ്ങിയിരുന്നു.

അദ്ദേഹം പുതിയ ചാനല്‍ തുടങ്ങാന്‍ പദ്ധതി ഇട്ടെങ്കിലും ഇതുവരെ ഫലവത്തായില്ല.

നിരവധി കേസുകളില്‍ റവൂഫ്‌ പ്രതിയാവുകയും കുഞ്ഞാലിക്കുട്ടിക്ക് സഹായിക്കാന്‍ കഴിയാതാകുകയും

ചെയ്തതോടെ ആണ് അവരുടെ ശത്രുതയ്ക്കു തുടക്കം ആകുന്നതു തന്നെ.

അവസാനം വിവാദ ഐ പി എസ് കാരന്‍ ഇടപെട്ടു റവൂഫിനെ ഒരു വ്യഭിചാരകേസ്സില്‍ കുടുക്കാന്‍

ശ്രമിച്ചപ്പോള്‍ റവൂഫ്‌ അതില്‍ കുഞ്ഞാലിക്കുട്ടിയുടെ പങ്കു ആണ് കണ്ടത്.

കോഴിക്കോട് നഗരത്തിലെ ഒരു ഹോട്ടലില്‍ രവൂഫും ഒരു സ്ത്രീയും തമ്മില്‍ ഉണ്ടായ

വ്യഭിചാരം പിടിക്കാന്‍ ഐ പി എസ് ഉദ്യോഗസ്ഥന്‍ കോഴിക്കോട്ടെ ഉധ്യോഗസ്തനു ഉത്തരവ് നല്‍കി.

കോഴിക്കൊട്ടിലെ ഉദ്യോഗസ്ഥന്‍ ഉത്തരവ് അനുസരിക്കാതെ രവൂഫിനോട് കാര്യം അറിയിക്കുകയും

ഇതിനു പിന്നില്‍ പ്രവര്‍ത്തിച്ചത് കുഞ്ഞാലിക്കുട്ടി ആണെന്ന് ഉറപ്പിച്ചു ആണ് രവൂഫു

പരസ്യമായി കുഞ്ഞാലിക്കുട്ടിക്ക് എതിരെ വരുകയും ചെയ്തു.

അങ്ങനെയാണ് കെ ടി ജലീല്‍ പിന്നെ സി പി എമ്മിലെ ചില നേതാക്കള്‍ എന്നിവരുമായി ചേര്‍ന്ന്

ഈ ഒരു നാടകം ഉണ്ടാക്കിയത്.

റജീനയുടെ ആദ്യത്തെ മൊഴിയും രണ്ടാമത്തെ മൊഴിയും എല്ലാം പുറത്തു വന്നു.

ഇതൊക്കെ കോടതിയുടെ പര്ധിയില്‍ വരുന്ന കാര്യം ആണ് .

ഇതൊക്കെ പുറത്തു വന്നത് എങ്ങനെ എന്ന് കോടതി തന്നെ കണ്ടെത്തേണ്ടി വരും.

ഇപ്പോഴിതാ മുന്‍ അഡീഷനല്‍ പ്രോസിക്യൂഷന്‍ ഡയരക്ടര്‍ ജനറല്‍ കെ.സി.പീറ്റര്‍ തന്നെ പറയുന്നു

തന്റെ ചിത്രം കാണിച്ചു ശബ്ദം വേറെ ആരുടെയോ ആണ് ചാനല്‍ കാണിച്ചത് എന്ന്.

ജഡ്ജിമാര്‍ കയ്ക്കൂലി വാങ്ങി എന്ന് പീറ്റര്‍ പറയുന്നതായി കാണിച്ച ചാനല്‍ തന്നെ ഇതിനും

മറുപടി പറയേണ്ടി വരും.

സി.ബി ഐ അന്യോഷണം ആവശ്യമില്ലെന്ന് പറഞ്ഞു കേസ്‌ തള്ളിയപ്പോള്‍ അപ്പീല്‍ പോലും

പോകാതിരുന്നവര്‍ ഒക്കെ ഇപ്പോള്‍ പലതും പറഞ്ഞു വരുന്നുണ്ട്.

അജിതയുടെ അന്യോഷി ഈ കേസില്‍ നിന്നും മാറിയത് കുഞ്ഞാലിക്കുട്ടി കൊടുത്ത കോടികള്‍

വാങ്ങിയാണോ?

കുഞ്ഞാലിക്കുട്ടിയെ അറസ്റ്റ്‌ ചെയ്യാന്‍ ആവശ്യപ്പെട്ടിട്ടും തയ്യാറാകാതിരുന്ന നായനാരും

കൈക്കൂലി വാങ്ങി ആണ് ഇത് ചെയ്തത് എന്ന് നമുക്ക് വിശ്വസിക്കേണ്ടി വരും.

എന്റെ ഒരു കമ്മ്യൂണിസ്റ്റ്‌ സുഹൃത്ത്‌ ഇന്നലെ ഗൂഗിള്‍ ഗ്രൂപ്പിലെ ചര്‍ച്ചയില്‍ ചോദിക്കുന്നത് കേട്ടു

റജീനയെ പ്പോലെ ഒരു സൗന്ദര്യവും ഇല്ലാത്ത ഒന്നിന്റെ പിറകെ കുഞ്ഞാലിക്കുട്ടി പോകുമോ

എന്ന് സംശയം ഉണ്ടെന്നു.

അതൊക്കെ പഴയ കാര്യം.

ഇപ്പോഴത്തെ കാര്യം ആണ് ചിന്ധിക്കേണ്ടത്.

കഴിഞ്ഞ പാര്‍ലമെന്റ്റ്‌ തിരഞ്ഞെടുപ്പിലെ മുസ്ലിം ലീഗിന്റെ വന്‍ തിരിച്ചു വരവ്

കണ്ടു ചിലര്‍ക്ക് ഹാലിളകി എന്നത് ഒരു വാസ്തവം ആണ്.

ഇനി വരാനിരിക്കുന്ന നിയമസഭാ തിരഞ്ഞെടുപ്പില്‍ കൂടി ഈ വിജയം ആവര്‍തിച്ചാല്‍ മലബാര്‍

മേഖലയില്‍ മുസ്ലിം ലീഗിന് എതിരാളി ഇല്ലാതെ വരുന്ന ഒരു അവസ്ഥ വരും.

അത് ആര്‍ക്കൊക്കെ വിഷമം ഉണ്ടാക്കുമോ അവരൊക്കെ ഇതിനു പിന്നില്‍ ഉണ്ട്

എന്നത് ഒരു വാസ്തവം.

മുസ്ലില്‍ ലീഗ് തുടങ്ങി അവര്‍ക്ക് തന്നെ തലവേദന ആയ ഈ ചാനലിനെ എന്ത്

ചെയ്യണം എന്ന് ലീഗിന്റെ ചുണക്കുട്ടന്മാര്‍ തന്നെ തീരുമാനിക്കും.

ഒരു മനുഷ്യന്‍ അയാളുടെ ജീവിത കാലത്ത് കേള്‍ക്കേണ്ട അപവാദങ്ങള്‍ മുഴുവനും

തലയില്‍ കയറ്റി വച്ച കുഞ്ഞാലിക്കുട്ടി ഈ വിവാദത്തില്‍ നിന്നും എളുപ്പത്തില്‍

പൊങ്ങി വരുന്നത് നമുക്ക് കാണാം.

കുറെ നാള്‍ മുന്‍പ്‌ വരെ വി.എസ്. കൊണ്ട് നടന്ന കുറെ വാണിഭ കഥകള്‍ ഉണ്ട് .

അതൊക്കെ ഒന്ന് ഇത് പോലെ പുതിയ വാര്‍ത്തകള്‍ ആയി വരുന്ന

കാലം നമുക്ക് പ്രതീക്ഷിക്കാന്‍ വകുപ്പ് ഉണ്ടോ?

മാത്രമല്ല കേരളത്തിലെ കോടതികള്‍ വിധിച്ച എല്ലാ കേസും കൈക്കൂലി വാങ്ങി

ആണെന്നും അത് കൊണ്ട് എല്ലാ കേസുകളും വീണ്ടും അന്യോഷിക്കണം എന്നൊരു

ഉത്തരവ് കൂടി കോടിയേരി സഖാവ് ഇറക്കുന്നതും വളരെ നല്ലത് ആയിരിക്കും.

അപ്പോള്‍ ഇപ്പോള്‍ ജയിലുകളില്‍ കിടക്കുന്ന കുറ്റവാളികള്‍ എല്ലാം നിരപരാധികള്‍

ആകുകയും പുറത്തു ഉള്ള പലരും കുറ്റവാളികള്‍ ആകുകയും ചെയ്യുന്ന

ആ നല്ല നാളെയെ കാത്തിരിക്കാം അല്ലെ?

ലക്ഷം ലക്ഷം പിന്നാലെ......

2010-09-23T18:55:00.002+05:30

അങ്ങനെ ഇതാ അവസാനം നമ്മുടെ മനോജും സോണിയും എല്ലാം

കോണ്‍ഗ്രസ് കൂടാരത്തില്‍ എത്തി.

കെ.എസ്.മനോജിനെയും സോണി കല്യാന്‍ കുമാറിനെയും അറിയില്ലേ.

കഴിഞ്ഞ ലോക്സഭാ തിരഞ്ഞെടുപ്പില്‍ ആലപ്പുഴയിലെ

ഇടതു സ്ഥാനാര്‍ഥിയായ മനോജും ബി.ജെ.പി.സ്ഥാനാര്തിയായ

സോണിയും ആണ് ഇവര്‍.

സനാതന പാര്ട്ടികാരനായ സോണിക്ക് ആറുമാസം മുന്‍പ് ആണ്

ബോധോദയം ഉണ്ടായി അഹിംസാ പാര്‍ട്ടിയില്‍ ചേരണം എന്ന്

തോന്നിയത്.

ഉടന്‍ വച്ച് പിടിച്ചു ഇന്ദിര ഭവനിലേക്ക്.

വെറും മൂന്നുരൂപ ചിലവാക്കിയപ്പോള്‍ കോണ്‍ഗ്രസ്സ് ആയി.

കുറെ കൂടി മുന്‍പേ പോയിരുന്നെങ്കില്‍ നാലണ കൊണ്ട്

കാര്യം സാധിക്കാംആയിരുന്നു എന്നാണു വിവരം ഉള്ളവര്‍

പറയുന്നത്.

എന്നാല്‍ ഒരു കാര്യത്തില്‍ സോണിക്ക് ആശ്വസിക്കാം.

കെ.എസ്.യു, യൂത്ത്‌ കോണ്‍ഗ്രസ്സ് എന്നിവയില്‍ ചേര്‍ന്ന് പ്രവര്‍ത്തിക്കാന്‍

പറഞ്ഞിരുന്നെങ്കില്‍ കൂടുതല്‍ പൈസ ആയേനെ.

കമ്പോള നിലവാരം അനുസരിച്ച് കെ.എസ്.യു.വിനു പത്തു രൂപയും

യൂത്തിന് പതിനഞ്ചു രൂപയും വിലയുണ്ട് ഇപ്പോള്‍.

വിപ്ലവം ഇത്രയും പ്രശ്നം ഉണ്ടാക്കുന്ന ഒന്നാണെന്ന്

തിരിച്ചറിഞ്ഞപ്പോള്‍ ആണ് മനോജിനും കോണ്‍ഗ്രസ്സില്‍ പോകാതെ

വയ്യെന്നായത്.

ഡല്‍ഹിയില്‍ പോയി അംഗം ആയതിനു ശേഷമാണ്

മനോജിന് ഒന്ന് ഉറങ്ങാന്‍ തന്നെ പറ്റിയതെന്ന് പത്ര വാര്‍ത്തകള്‍..

എന്ത് കൊണ്ടാണ് ഇങ്ങനെ കോണ്‍ഗ്രസ്സിലേക്ക് ആളുകള്‍

ഒഴുകുന്നത്‌ എന്നതിനെക്കുറിച്ച് പഠിക്കാന്‍ വേണ്ടി

ഒരു സമിതിയെ കൊണ്ട് അന്യോഷിപ്പിക്കാന്‍

നമ്മുടെ സഖാക്കള്‍ തീരുമാനി‌‌ച്ചെന്നാണ് രഹസ്യ വിവരം.

ഈ ഒഴുക്ക് ഇങ്ങനെ തന്നെ മുന്നോട്ടു പോകണം എന്നാണു

നമ്മുടെ കുഞ്ഞൂഞ്ഞ് മൂപ്പിലാനും ചെന്നിത്തല കുട്ടിയും

പറയുന്നത്.

പിണറായിയും വി എസും കൂടി കോണ്‍ഗ്രസ്സില്‍ ചേരുന്ന

കാലം വിദൂരമല്ല എന്നാണു മലയാളിയുടെ അഭിപ്രായം.

നിങ്ങളെന്നെ കോണ്‍ഗ്രസ്സാക്കി എന്ന് പറയുന്ന അബ്ദുള്ളക്കുട്ടി മുതല്‍

ഒറ്റപ്പാലം വീരന്‍ ശിവരാമന്‍ വരെയുള്ള വന്‍ കീരികള്‍ക്ക്

വരാമെന്കില്‍ ഇവര്‍ക്കും വരാം.

സംഭവിക്കില്ല എന്ന് പറഞ്ഞു തള്ളിക്കളയന്ടാ.‌

രാഷ്ട്രീയത്തില്‍ എന്തും എപ്പോഴും സംഭവിക്കാം.

വാല്‍ക്കഷണം------

ടി.കെ.ഹംസയും ആത്മ കഥ എഴുതുന്നു.

ഒരുകാലത്ത് കോണ്‍ഗ്രസ്സ് ജില്ലാ പ്രസിഡണ്ട്‌ വരെ ആയിട്ട്.

സി.പി.എമ്മിലേക്ക് ചേക്കേറി കേന്ദ്ര കമ്മിറ്റി അംഗം വരെ ആയി

ഇപ്പോള്‍ കൈരളിയിലെ പട്ടുറുമാലിന്റെ ജഡ്ജിയായി വിലസുന്ന

ഹംസാക്കയുടെ ആത്മ കഥയില്‍ എന്തെങ്കിലും ഒക്കെ

കാണുമെന്നാണ് പഴയ കാല നേതാക്കള്‍ പറയുന്നത്....

മെയില്‍ ആയി കൂട്ടുകാര്‍ക്ക്‌ അയക്കാന്‍

താഴെയുള്ള പടം കോപ്പി, പേസ്റ്റ് ചെയ്‌താല്‍മതി.

വിപ്ളവം ജയിക്കട്ടെ.........

2010-09-21T22:16:00.003+05:30

മാറ്റുവിന്‍ ചട്ടങ്ങളെ, സ്വയമല്ലെങ്കില്‍മാറ്റുമതുകളീ നിങ്ങളെതാന്‍....

എന്ന് ആവേശം കൊണ്ടിരുന്ന കമ്മ്യൂണിസ്റ്റുകാര്‍ സ്വയം മാറണമെന്ന് കേട്ടപ്പോള്‍

മലയാളിക്ക് അത്ഭുതം തോന്നി.

സഖാവ് ശിവദാസമേനോന്‍ ആണ് പുതിയ വിപ്ലവത്തിന്റെ ഉപജ്ഞാതാവ്....

കമ്മ്യൂണിസ്റ്റുകാര്‍ പിന്തുടരുന്ന കാര്യങ്ങള്‍ ഒക്കെ പഴഞ്ചന്‍ ആയെന്നും ഇങ്ങനെ നടന്നാല്‍

ഇനി ഒരു ചില്ലിക്കാഷിന്റെ വോട്ടു പോലും കിട്ടില്ല എന്നുമാണ് സഖാവിന്റെ പുതിയ

കണ്ടു പിടിത്തം.

ചുണ്ടില്‍ ദിനേശ്‌ ബീഡിയും (ക്ഷമിക്കണം, ഇപ്പോള്‍ വില്‍സ് ആണ്.)

കക്ഷത് ദേശാഭിമാനിയും ആയി നടന്നിരുന്ന സഖാക്കള്‍ ഒക്കെ അംബരന്നിരിക്കയാണ്.

കട്ടന്‍ ചായയും പരിപ്പ് വടയും മാറ്റാന്‍ പെട്ട പാട് അവര്‍ക്കല്ലേ അറിയൂ.

സഖാവിന്റെ പുതിയ നിര്‍ദേശം അനുസരിച്ച് വരുന്ന പഞ്ചായത്ത് ഇലക്ഷനില്‍

നിക്കരാഗ്വ, ഉറുഗ്വെ, ഗ്വാട്ടിമാല എന്നൊന്നും പറഞ്ഞു വോട്ടു പിടിക്കരുത്.

അമേരിക്കന്‍ സാമ്രാജ്യത്വം,നവ ലിബറല്‍ നയം എന്നീ വാക്കുകള്‍ക്ക്

താല്‍ക്കാലിക വിലക്ക് ഏര്‍പ്പെടുത്തണം..

ക്യൂബ എന്നാ പേര് മനസ്സില്‍ പോലും ഓര്‍ക്കരുത്.

വഴിയില്‍ വച്ച് ഫിഡല്‍ കാസ്ട്രോയെക്കണ്ടാല്‍ ആരാണെന്ന് പോലും ചോദിക്കരുത്..

മാര്‍ക്സോ എന്‍ഗല്‍ സോ ചായക്കടയില്‍ വിളിക്കുന്നത്‌ കണ്ടാല്‍ ഓടി രക്ഷപ്പെടണമെന്നാ...

ഇനി കുറെ നാളത്തേക്ക് ദേശാഭിമാനി കക്കൂസില്‍ വച്ചേ വായിക്കാവൂ.

ദേശാഭിമാനിയും കൊണ്ട് ആരുടെ അടുത്തും പോകരുത്.

വേണമെങ്കില്‍ മനോരമയും മാതൃഭൂമിയും ആകാം.

ശിവദാസന്‍ സഖാവിന്റെ ആശയങ്ങള്‍ കൊള്ളാമെന്നും വോട്ടു കിട്ടുമെന്നും

ഒക്കെ അഭിപ്രായം ഉണ്ട്. പക്ഷെ അവര്‍ ചോദിക്കുന്ന ഒരു കാര്യമുണ്ട്.

ഇങ്ങനെ ഒക്കെ നടന്നാല്‍ പിന്നെ. ഞങ്ങളും കൊണ്രെസ്സും തമ്മില്‍ എന്താണ് വ്യത്യാസം?

എന്തൊക്കെയായിരുന്നു ലോക്കല്‍ കമ്മിറ്റി കൂടുമ്പോള്‍ പരിപാടികള്‍....

സാര്‍വ ദേശീയം, ദേശീയം, പ്രാദേശികം എന്നിങ്ങനെയാണ്

അവരുടെ മുന്‍ഗണനാ ക്രമം..

അജന്‍ഡ ഇങ്ങനെ....

അമേരിക്കയുടെ നിയോ കൊളോണിയല്‍ ഗൂഡാലോചന--- ഒരു മണിക്കൂര്‍..

ചെഗുവേര ബൊളീവിയന്‍ കാടുകളില്‍ നടത്തിയ പോരാട്ടം--- അരമണിക്കൂര്‍....

കോംപ്രദോര്‍ ബൂര്‍ശ്വാസി – കാല്‍ മണിക്കൂര്‍...

തെലുങ്കാനാ –അഞ്ചു മിനിട്ട്....

ബംഗാളിലെ മാവോയിസ്റ്റുകള്‍ --- ഒരു മിനിട്ട്...

ഇത്രയും ആകുമ്പോഴേക്കും സമ്മേളനം തീരും.

പിന്നെങ്ങനെ പാലക്കാവിലെ ഉത്സവവും കല്ലുവാതില്ക്കലെ വ്യാജ വാറ്റ്...

ചാത്തന്നൂരിലെ ഗതാഗത പ്രശ്നം....

എല്ലാ പ്രാദേശികവും കൂടി ഒരു മിനിട്ടില്‍ തീര്‍ത്തു പിരിയും.....

ഇത് കൊണ്ടുള്ള ഗുണം പലതായിരുന്നു.

ലോക്കല്‍ സെക്രട്ടറി അപ്പുക്കുട്ടന്‍ നായരുടെ സഹകരണ ബാങ്കിലെ അഴിമതി...

എല്‍.സി.മെമ്പര്‍ ഉള്‍പ്പെട്ട റോഡു കുംഭകോണം

തുടങ്ങിയ പ്രശ്നങ്ങള്‍ ഒന്നും സാധാരണക്കാര്‍ ചോദിക്കില്ല.

സെക്രട്ടറിക്ക് കൂടുതല്‍ കാലം തുടരാം...

ഈ ചട്ടങ്ങളും കീഴ്വഴക്കങ്ങളും മാറിയാല്‍ എങ്ങനെ പിടിച്ചു നില്‍ക്കും എന്നാണു

താഴെയുള്ള നേതാക്കളുടെ ചോദ്യം....

വാല്‍കഷണം......

സഖാവിന്റെ തീരുമാനത്തെ സ്വാഗതം ചെയ്തു കൊണ്ട് കുട്ടി സഖാക്കള്‍

ഇപ്പോള്‍ തന്നെ ചെത്ത്‌ സ്റ്റൈല്‍ ഒക്കെ ആയി വോട്ടു ചോദിക്കാന്‍

ഇറങ്ങി തുടങ്ങിയെന്നാണ് പുതിയ വിവരം...

അങ്ങനെ ഇപ്പോള്‍ സഖാക്കള്‍ കൊണ്ഗ്രെസ്സിനു പഠിക്കുന്നു എന്നാണു

ജന സംസാരം....

മെയില്‍ ആയി കൂട്ടുകാര്‍ക്ക് അയക്കുവാന്‍ താഴെയുള്ള ഇമേജ് കോപി, പേസ്റ്റ്‌

ചെയ്‌താല്‍ മതിയാകുന്നത് ആയിരിക്കും.

അഭിപ്രായം കൂടി അറിയിക്കണം കേട്ടോ...